ده تصريح نجم ميامي بام اديبايور بيوصل من خلاله فكرة إن طفولته الصعبة قدرت تخلي أي ضغوط بيتعرض لها في عالم الاحتراف تعتبر ولا شيء،في الثريد ده هاحكي عن حياة بام و هتكتشفوا فعلا إن تصريحه ده مش مبالغة،
اسمه الحقيقي إدريس فيمي اديبايور اتولد لأب مهاجر من نيجيريا و أم افرو-أمريكان 1
اسمه الحقيقي إدريس فيمي اديبايور اتولد لأب مهاجر من نيجيريا و أم افرو-أمريكان 1
اما قصة اسم بام فده اسم دلع أطلقته عليه والدته لما كان عمره سنة لانه كان بيتسند علي الترابيزة بنفس طريقة شخصية الطفل بام بام اللي في كارتون شهير اسمه فلينت ستونز،اسرته كانت مقيمة في مدينة نيو-أرك بولاية نيو جيرسي،أوضاع أسرته ما كانتش أحسن حاجة كأغلب السود في أمريكا ولما وصل عمره2
7 سنين الحياة هتخلي وضعه اسوء لما والدته قررت إنها ترجع مسقط رأسه بولاية نورث كارولينا وكان والده رافض الفكرة تماما والخلاف ده نتج عنه انفصالهم وانتقل بام مع والدته وده كانت أخر علاقته بوالده اللي ما عرفش عنه حاجة بعدها لحد سنة 2020 لماأخوه من الاب بلغه إن أبوهم مات في نيجيريا 3
هنا والدته كانت لازم تشتغل عشان تصرف عليهم ونظرا لتعليمها ومهاراتها المحدودين فالوظيفة الوحيد اللي كانت متاحة لها هي كاشير في محل جزارة بمرتب قليل جدا وهو 1000 دولار شهريا،وده مبلغ في امريكا غير كافي للحد الادنى من الحياة،لدرجة إنهم كانوا عايشين في حاجة أشبه بالكونتنر مركون في 4
حدائق عامة مخصصها الدولة للنوع ده من البيوت، بام كان زيه زي كل الاطفال السود في الأحياء الفقيرة اللي بينظروا للرياضة علي إنها قارب النجاة اللي هينقلهم من عالم الفقر لعالم الغني و الشهرة، والرياضة اللي بيمارسه السود بتنحسر في السلة و كرة القدم والبيسبول لانها مش رياضات مكلفة 5
ومش محتاجة استعدادات خاصة في الملاعب واللبس،سهل تتلعب في اي حديقة او ساحة من اللي بتوفرهم الحكومة في كل مكان، ونظرا لطول قامته فكان الاتجاه للباسكت هو الحل الامثل بالنسبة له،وفي مجتمع رأسمالي بتغيب عنه كثير من مظاهر العدالة الاجتماعية تفضل اتاحة الفرصة لممارسة الرياضة وتقدير 6
المتفوقين فيها أخر المظاهر الباقية للحلم الامريكي، بدأ نبوغ بام يظهر في اللعبة وبدأ يتشهر علي مستوي بطولات المدارس في ولايته لحد ما تم استدعاءه للمشاركة مع اكبر مؤسسة غير هادفة للربح لتنمية المواهب الرياضية واسمها Amateur Athletic Union وبدأ يشترك معاهم في بطولات الودية اللي 7
بين مراهقين المدن والولايات المختلفة وبتراعها شركات كبيرة زي اديداس و بيبسي و كوكاكولا كنوع من مساهمتهم في خدمة المجتمع،بام وصل للمرحلة الثانوية وذاع صيت موهبته عشان تعرض عليها أحد المدارس الخاصة و اسمها High Point Christian Academy إنه ينضم له بمنحة تفوق رياضي ويشارك مع فريق 8
السلة بتاعهم في دوري المدارس الثانوية،تألق بام معاهم وقدر يقود الفريق للمشاركة في نهائيات بطولة الولاية وتم اختياره كافضل في المرحلة الثانوية علي مستوي ولاية نورث كارولينا لسنة 2016 واللي كانت أخر سنة له في الثانوي، عشان تبدأ العروض تنهال عليه من الجامعات عشان ينضم لها بمنحة 9
كاملة ويشارك معاهم في دوري الجامعات NCAA،بام وقتها كان مصنف من احسن 5 لاعبين في سنه علي مستوي امريكا و الثاني في مركز PF،بام اختار إنه ينضم لجامعة كنتاكي ويمثل فريقها الWild Cats واللي يعتبر من أهم 3 فريق في تاريخ الNCAA واللي خرج نجوم كبار جدا للNBA أحدهم بات رايلي المدير 10
العام لفريق الهيت حاليا، بام تألق مع الفريق وقدر يفوز بالSEC ويوصل معاه لمرحلة ال Elite Eight اللي بيلعب فيها افضل 8 جامعات علي مستوي أمريكا ولكنهم خسروا في المرحلة دي عشان يقرر بعدها يدخل درافت الNBA ل2017 عشان يحقق حلمه باحتراف اللعبة وكمان يوفي بوعده لوالدته بإنه هيعوضها عن 11
الحياة الصعبة اللي عاشتها عشان تربيه،بينجح بام في الانضمام للNBA بعد مع فريق ميامي هيت اختاره بالبطاقة رقم 15 في الدرافت عشان رحلته نحو الشهرة والنجومية،بام بعد ما مضي عقد كبير بعد سنة الروكي أول شي عمله إنه اوفي بوعده لوالدته و اشتري لها بيت كبير في مسقط رأسها بنورث كارولينا 12
عشان يبقي هدية عيد ميلادها ال56،دي صورة التريلر اللي عاش فيها مع والدته،الصورة دي معلقها جنب باب بيته في ميامي وفي بيت والدته كمان عشان يفضل تملي فاكر هو جه منين وإنه لازم يشتغل بجد عشان يحافظ علي الفرصة اللي غيرت حياته و وصلته لكل ده.
اسف علي الإطالة واتمني إن الموضوع يعجبكم.
اسف علي الإطالة واتمني إن الموضوع يعجبكم.
جاري تحميل الاقتراحات...