اكثر تغريدة شفتها من شوية اول مادخلت هيا تغريدة شيكولاته بنى سويف الشهيرة الى ثمنها من ٣٠ الى ٤٠ جنية ولغرض مهنى فقط حبيت اعرف اكثر عن الموضوع لان القيمة دى لاتساوى دولار في حين ان نفس لوح الشيكولاته باى مكان بالعالم يتراوح بين ٣ الى ٥ دولار على الاقل حتى بالسوق الحرة وعرفت السبب
ولقيت ان الشيكولاته عموما بتتعمل من نفس المكونات بكل العالم من مسحوق الكاكاو وزبدة الكاكاو واللبن والسكر والمكسرات لكن الى بيفرق نوع عن نوع هوا نسبة كل مكون من المكونات وكمان نوع اللبن هل حليب او لبن محلى او بودرة وهكذا ، والشيكولاتة المصرية اكيد حلوة وسعرها بمتناول الجميع
وهاتسعد ناس كثير وخصوصا النساء والاطفال وهم اكثر عشاقها ولكن انصحكم عموما بعدم الاكثار منها لان الفرق الوحيد الى لقيتة عن اى شيكولاتة مستوردة هيا نسبة( fat) وبالنوع المذكور لقيت الدهون اكثر من ٤٠% فى حين انها لاتزيد عن ٢٠% بالانواع المشهورة وممكن لو حد متخصص يقدر يفتى اكثر
ودة الجزء الى لقيتة ان نسبة fat حوالى ٤٨% وكمان الالبان ممكن بيتم استخدام لبن مكثف محلى بديل للسكر واللبن منفصل
وكمان الكربوهيدريت اعلى هاتلاقوة نسبتة ٢٠% وفى الانواع المشهورة بين ٨ و١٠%
ودة من نصايح منظمة الاغذية العالمية ولو حد متخصص هايقدر يفيدنا اكثر انا حاولت اعرف بس لارضى شغفى المالى لمعرفة ازاى سعرها اقل بكثير
وكمان لان التغليف ماشاء الله رائع ومع ارتفاع اسعار الورق وتكاليف الطباعة برضة لقيت ان السعر لايتناسب مع جودة التغليف وخصوصا لو عرفنا ان الشيكولاتة بتتغلف مرتين مرة بورق مفضض كدة والتانية الغلاف المطبوع بشكل جذاب ولو حد بتاع مطبعة او بيفهم بالورق والطباعة يقدر يقولنا راية المهنى
وكمان معظم المكونات مستوردة من الكاكاو او زبدة الكاكاو وكذلك اللبن المجفف وحتى الورق بنستوردة والمكون المحلى الوحيد هوا اللبن لو بيستخدم لبن حليب مش مجفف والسكر فقط
كلامى لايعنى ان الشيكولاتة المصرية اوحش ولكن كان لازم افهم لية الفرق الكبير دة لان معظم المنتجات العالمية تكاليف انتاجها الاساسية متماثلة والفروق بالاسعار بتكون بسيطة لاختلاف الاجور والايدى العاملة لان العامل فى سويسرا غير العامل فى مصر اكيد
وتعمدت البحث بالموضوع علشان الى بينشر المنتج ولاد الوسكة بتوع تحيا مصر ٣ مرات بس فحبيت اعرف اكثر علشان اعرف السر اية وانا قاعد لهم على الواحدة واى حاجه هاينشروها هابحث عن اصلها وفصلها ومش هاسيبهم يضللو الناس مهما كان الهدف نبيل
والشكولاتة من المنتجات الى بتتعمل بطرق مختلفة ومافيش قيود معينة لانتاجها او اجبار على استخدام نوع معين من الزيوت او زبدة الكاكاو لان كل مصنع وكل شركة بتستخدم طريقه منفردة بالصناعة وزمان كانت كورونا المصرية مكتسحة السوق بس ماعرفش راحت فين
جاري تحميل الاقتراحات...