ثريد:
شاف حفله الجن في صحراء مابين النعيرية و الصمان قصه السوداني المقيم في السعوديه مع الجن 🔞💀:
تابعوا السرد
شاف حفله الجن في صحراء مابين النعيرية و الصمان قصه السوداني المقيم في السعوديه مع الجن 🔞💀:
تابعوا السرد
سنابي اتشرف فيكم اقدم في قصص 🤍
t.snapchat.com
t.snapchat.com
في البداية اعزائي تنويه مهم لمن يُشاهد التغريدات وهو ليس من متابعيني، حسابي اقدم فيه ثريدات مختلفة بإستمرار، متابعتكم شرف لي🙏🤍
تدور أحداث هذي القصه في السعوديه وتحديداً في صحراء بين النعيرية و الصمان ،مع سوداني مقيم ، السوداني المقيم هذا كان عنده سيارة هي عباره عن دينا كان ينقل فيها الإبل من منطقة إلى منطقة
يقول السوداني مرة من المرات اتصل عليه شخص طلب مني اني انقله ناقه من النعيرية إلى الصمان و الصمان هذي منطقة بريه معروفه واسعه جداً ، يقول وافقت وحددنا اليوم الي اخذ في الناقه و اتفقنا على المبلغ ، وجاء اليوم هذا واخذت اخوي توه جاي من السودان ابي اعلمه على المنطقة ويتعلم مني الصنعه
يقول وصلنا عند الرجال هذا واخذنا الناقة من عنده على الساعه 10 في الليل ومشينا بالتجاه الصمان حتى نوصل هذي الناقه طبعاً الطريق كان صحراوي يمشون في صحراء ،يقول السوداني واحنى ماشين في الصحراء بين النعيرية و الصمان تعطلت علينا السيارة تقريباً على الساعه 11 في الليل في نص الصحراء
يقول حاولنا نصلح السيارة انا واخوي لكن ما اشتغلت يقول لحسن الحظ كان في ابراج اتصال بسيطه واتصلنا على صاحب الناقه وعلمناه بالي صار معنا وصفنا له المنطقة قالنا انا بعيد عنكم بس راح اجيكم ماني مطول ، قلتله احنى في انتظارك وراح اشغلك فلشر السيارة عشان تشوفنا
يقول السوداني واحنى واقفين ننتظر التفت وراي اشوف نور كذا مثل النار فقلت لخوي اشوف في نور هناك بروح عندهم اطلب المساعدة وانت انتظرني هنا ، يقول مشيت في اتجاه النور هذا كل ما اقرب منه كان يبعد ومشيت لحد ما وصلت عنده يقول لما وصلت كان المنظر غريب جداً خيمه بيت شعر ورجال ومعاهم نساء يلعبون
ومعاهم طبول ويدقون ويلعبون مع بعض يقول جات في بالي كيف كذا السعوديين ماعندهم هذي العادات هذا مو عرف اهل السعوديه يقول لما اقتربت من عندهم سلمت عليهم محد رد السلام ارد اسلم مره ثانيه برضوا محد يرد وفي المراه الثالثة سلمت بصوت عالي و التفت علي شايب كبير في العمر وقالي توكل على الله روح
يقول رديت عليه وقلتله ابي منكم المساعدة انا متعطل ابيكم تساعدوني يقول وانا اكلم الشايب هذا يلتفت علي ولد صغير يناظر فيني وكأنه معصب وعيونه حمراء من قوه الغضب الي هو فيه وهو جاي في اتجاهي هبت ريح قويه عاصفة رمليه نفس الدوامه وضربت في وجهي مع ان الجو كان عادي مافي ملامح عاصفه
يقول لما ضربتني العاصفة الرمليه جاني رعب وخوف مو طبيعي وانطلقت بالتجاه سيارتي وانا اركض اسمع اصوات ريح قويه مع صوت نفس السيف يمر من فوق راسي يقول وانا اركض وصلت جنب السيارة وسقطت على وجهي ولما رفعت راسي اشوف عجوز معها ولد صغير قالتلي شوف اخوك ناظرت في اخوي متصلب وعيونه مفتحه مفهي
يقول بديت اسمي عليه و أقرا قرآن عليه يقول لما قريت عليه صحي يقول ركبته السيارة بسرعه وركبت معه سريع وقفلت الأبواب وباقي العاصفة الرمليه شغاله حول السيارة والناقه في السيارة صابها مثل الجنون تطلع اصوات بسبب الاشياء الي صارت برا ، يقول فجئة بعد ما قرينا المعوذات و الأذكار
رجع الوضع طبيعي وراحت العاصفة الا شوي وصاحب الناقه وصل وقف عندنا كانت الساعه في ذلك الوقت 2 في الليل وقلت لخوي قبل ما ننزل من السيارة انتبه تقول شي عن الي صار معنا وصل الرجال ورحبنا في وسحبنا بسيارته لحد ما وصلنا الصمان ونزلنا الناقه هناك وضيفنا صاحب الناقه ونمنا عنده لحد الصباح
وبعد ما صحينا الصباح قلتله بالسالفة وش صار معنا وخفت انا انه ما يصدقني لان الي صار معانا شي اشبه بالخيال ، وقالنا ياخي المنطقه الي تعطلتم فيها منطقه خطيرة وكلنا نعرفها انه صارت فيها احداث كثيره وفيها جن من شرار الجن لانه استغربت انه وقفت فيكم السيارة في هذا المكان و الحمدالله على سلامتكم
إنتهى السرد
جاري تحميل الاقتراحات...