حلم غريب عجيب : يعني قاعدين في النرويج في مركزنا البحثي الطبي عندنا اجتماع علمي كبير والا طلع يمي اثنين يهود مع قحافيهم اطباء وجايبين هدايا لمديرتنا اجبان وواحد قام يخطب عنده لحية وكان طويل ابيض يتكلم شلون النساء يلبسون ملابس كاشفة وقصيرة وان هذا لايتفق مع نبي الاسلام وتعاليمه
وقام رفيجه الثاني هم يقول شعر يمدح فيه نبي الاسلام ويسب النساء المفاصيخ في النرويج وانا قاعدة يمهم ، وبعدها قامت واحدة اخوانجية ماادري شنًو صفتها وقامت تؤيدهم تنتقد مثلهم وتنصح النساء غير المحتشمات ، ومديرتنا ويهها مصدوم لكن لازالت تبتسم
طبعا هي نرويجية مسيحية بس مانهتم بالدين مثل اغلب النراوجة غير انهم هاديين في ردود افعالهم ومايبينون مشاعرهم ، بس فكركم منو قام يتكلم بعدين ؛ انا خطبت بالنرويجي والله : احنا في مركز علمي شنو جايبكم انتوا مع افكاركم ، عندكم افكار دينية احتفظوا فيها لكم
بعدين انتوا يهود شنو دخلكم في نبي الاسلام وانتي يا اخوانجية شنو مجمعك معاهم ، والهدايا الاجبان مانبيها والنراوجة مذهولين واليهود اطول مني ، المهم ادبتهم وجمعت نراوجة معاي من الاطباء أيدوني ، وقعدت من النوم راسي مصدع ، وتذكرت
اني رايحة بكرة اجتماع علمي ل اطباء النسا في اوسلو وبعدها عشا في مطعم شهير لنا نتكلم ونشوف بعض خاصة الاطباء اللي نعرفهم من قبل لكن فرقتنا المسافات ، فالله يستر من احلامي الغريبة 😂😂
جاري تحميل الاقتراحات...