الأخلاق الحلوة مُعديه
قبل فترة رحت لبنات عمي اللي ما أشوفهم الا بالأعياد و المناسبات الكبيره .. رحت لهم كـ زياره وكانت أول مره المهم:
همّ ٦ بنات وأعمارهم جدًا مُتفاوته يعني مو فـ أجيال بعض بس !
ماشاء الله تبارك الرحمن يا تعاملهم مع بعض كأنهم أصحااااب وأصدقاء ما كأنهم خوات!

لا تقولون علشانك عندهم لا لا لا
جلستنا كانت محفوفة لدرجة جالسين بالبجامه معاي بس
رغّم تعارض الأفكار والأراء بينهم ألا إن الأحترام موجوووود
الاحترام لاأخت الصغيرة قبّل الكبيرة ما أدري شلون أشرح لكم بس تعاملهم حنون ويضحكون مع بعض وحتى صارت هوشات بس هوشاتهم محترمه 😭😭
المهم؛

رجعَت البيت وأنا مُعجببببه بتعاملهم رغم كثرتهم ماشاء الله تبارك الرحمن ألا أن أسلوبهم عسل مع بعض والمحبّه واضحة ويحترمون بعض جدًا
وضحكهم وسوالفهم وه وه
فعلاً كنت مُعجبه🥹🧡💕
رجعت البيت وقررت أني اطبق هالشيء مع أختي الصغيره الوحيدة
وبالفعل طبقته وتبادلنا الإحترام وصار تعاملنا

( سمنه على عسل )
بس مع الأيام لأحظت
شوي . .
ألا بنت خالتي وإختها اللي حتى القهوة يتهاوشون عليها تعدل إسلوبها مع أختها وصارت نفسنا وتضحك مع أختها وفي إحترام بينهم
شوي . .
بنت خالتي رقم ٣ كذالك مع أخوها الصغير
اللي ٢٤ ساعة ضرب وحرب معاه
و
صار الأغلب بيننا يحترم الصغير قبل الكبير

لذالك؛
خلّو التغير يبدأ من عندكم أنتم وبينكم وبنفسك وإسلوبك وروحك الحلوة
والله ثم والله ان التعامل يفرق ويغييير ويخلي الشخص يليّن معك
لا تقول: لا مستحيل يتغير هالأنسان هذا شخصيته صلبه او جافه او او او او ..
لأ والله أن الأخلاق الحلوة مُعديه وتخلي الشخص يتوعى للي حوله ونفسه🤍