رتبها

في ظل الاسعار السيئة للقطن اليوم في السودان هل ممكن نزرع قطن ونربح ؟؟
خلال الفترة الفاتت كان الهدف بالنسبة لي كيف نعالج ازمة السوق بالنسبة للمزارع السوداني ونحارب التراجع في المساحات المزروعة من غير الاعتماد على الحكومة انها تغير سياساتها .
الحل واضح والارقام بتدعمو كالاتي:

🔺رفع الانتاجية الرأسية في الفدان .
🔺التحصل على القيمة المضافة .
ركزت بصورة خاصة على القطن لانو امكانياتو عالية جدا وارتباطو بالبورصة العالمية والطلب المتنامي عليهو .
خلينا نركز على نقطة اخر سنين اغلب مزارعين القطن في السودان خسرانين ودا اسبابو كتيرة لكن السبب الاساسي التسعير

ارتفاع تكاليف الانتاج لكن المشكلة دي عندها حلها هو رفع الانتاجية والقيمة المضافة .
انا حاتكلم عن الدورة الكاملة للمحصول دا بما يحقق اقصى ربحية من الزراعة الى التصدير .
⭕️الزراعة :
د.وجدي ميرغني بقول انو ماف تسميد ماف انتاجية ،سياسة التسميد بالنسبة لينا السودانين ضحلة جدا

اما لقيت المزارعين اصلا ما بسمدو او لقيتو البسمدو ما بسمدو بالطريقة الصحيحة البتخليهم يستفيدو اقصى فائدة من السماد .
الخطوة الاولى للبرنامج التسميدي الصحيح هو فحص التربة علشان اصلا تعرفها ناقصة شنو وما تخسر قروش في الفاضي م.مجدي مع حامد يوسف في القضارف حققو ٨ قنطار قطن في الفدان

بي ٢٠ كيلو يوريا للفدان اما ناس الشركة الافريقية حققو نفس الانتاجية بي ٩٠ كيلو يوريا للفدان ، ماف واحد فيهم غلطان بس مجدي فحص تربتو وعرف احتياجها كم وجلال عوض فحصو تربتو وعرفو احتياجها كم ووضعوا البرنامج التسميدي .
استخدام ال DAP في القطن بي نفس اهمية البذور النسبة الصحيحة هي ٤٠

كيلو للفدان لانو القطن محصول بقعد في الارض كتير والDAP وظيفتو تثبيت وتقوية الجذور دي .
بالنسبة للمبيدات بتنقسم الى اتنين :
١- مبيدات الحشائش :
بتترش على جرعتين الاولى بعد ٢٠ يوم من الزراعة والثانية موعدها بتعتمد على نسبة وتركيز الحشائش ( افضل للمبيدات هم CTC العايزهم يصلني )

٢- المبيدات الحشرية :
القطن محصول زهرتو شكلها جميل وفيها روائح فواحة ودا بخليها جاذبة للحشرات جدا في مفهوم انو الناس بترش بعد تحصل الاصابة ودي حاجة خاطئة في اللحظة الانت لاحظت الحشرات معناتو انت اتأخرت فبتم الرش على جرعتين للوقاية ( برضو افضل ناس هم CTC ) .
البذور تمثل عامل

مهم جدا للنجاح وافضل مكان للبذور هم الشركة الافريقية بعرفهم كويس العايزهم يتواصل معاي عادي .
بالبرنامج التسميدي دا م. مجدي احمد بخيت وصلوا لي ٨ قنطار في الفدان والشركة الافريقية ووصلوا لي ٩ قنطار للفدان .
من خلال البحث علشان نقلل التكاليف مرينا على نقطة الحصاد الآلي ودرستو

في النهاية حللت الارقام والتكاليف وصلت انو من الافضل استخدام الحصاد اليدوي ودا بسبب التكاليف التشغيلية و نسبة الفاقد (٣٠٪) البتحصل في الحصاد الآلي و دا بعدة تجارب منهم الشركة الافريقية وراجع الفاقد دا لي اسباب منها :
١- الغرق لبعض المناطق .
٢- عدم استقامة خطوط الزراعة .

بالبرنامج التسميدي دا م. مجدي احمد بخيت وصل لي ٨ قنطار في الفدان مع حامد يوسف والشركة الافريقية وصلت لي ٩ قنطار مع حساب التكاليف دي بأسعار اليوم لقينا تكلفة القنطار عامل ٢٠ الف وع الاسعار المتدنية جدا سعرو ٣٠ الف دا بحقق ربحية ٥٠٪ لكن لسع الرحلة ما انتهت مع القيمة المضافة بنقدر

نحقق اعلى من كدا
⭕️القيمة المضافة :
د.وجدي ميرغني شدد على النقطة دي كثير جدا وبإختصار معناها ما تبيع محصولك خام دا مهما كان شنو ، دخلو العمليات الصناعية واستفيد من كل منتج بطلع منو بالنسبة للقطن هي عمليتي الحلج والعصر .
⭕️الحلج :
اولا المحالج نوعين منشاري واسطواني .

الطلب العالمي على القطن المنشاري اكبر علشان كدا انصح بيهو جدا .
الخطوات بسيطة :
١-تحجز موعد اعتمادا على كميتك .
٢-المحلج بطلب منك ورق التأمين للكمية .
٣- قيمة الحلج اليوم للقنطار الواحد ١٠ الف .

🔺القنطار وزنه ١٤٣ كيلو قطن خام في كل طن النواتج تقسم كالاتي :
🔺الشعرة : ٣٧.٥٪
🔺البذرة : ٦١.٥ ٪
🔺الزغب : ٠.٨ ٪
⭕️الشعرة :
دا ياهو الجزو البمشي للصادر وممكن تتابعو سعرو للطن في البورصة ( انا بستخدم Investing.com ) كويس ومريح وبديني داتا كويسة .

Investing.com

Investing.com - Stock Market Quotes & Financial News

Investing.com offers free real time quotes, portfolio, streaming charts, financial news, live stock...

⭕️البذرة :
البذرة في منتجين يطلعو منها :
🔺الزيت .
🔺العلف .
في كل طن بذرة :
٥ باغات (٣٦ رطل ) : سعرها العبوة بين ١٨-٢٢ الف
١١ شوال امباز : سعرالشوال بين ١٦ - ٢٢ الف
⭕️الزغب (FUZZ) :
الزغب دا التعامل معاهو يتم بحذر لانو سريع الاشتعال .
سعر الطن : ٧١٤ الف جنيه .

اتمنى الناس تستفيد من الداتا دي واي احتياج لاي من علاقاتي لاي غرض انا متوفر ما عندي مشكلة يدا بيد البرنامج دا والله بمشي و كل ناس الشركات من الافريقية الى CTC الى بروف مامون ضو البيت والقائمة تطول والله ماف واحد بخل بي اي معلومة ومهدو الطريق تمهيد كلهم كان ليهم الفضل والله احنا

محظوظين جدا بالناس دي .
العايز PDF تفاصيل الزراعة ال DM فاتح لي اي شي او اي استشارة .
الموسم دا فتحت برنامج الاستثمار والمشاركة فيما يتعلق بالقطن واللي عندو الرغبة ال DM مفتوح لاي حاجة