الدور اللي تلعبه ثقتك بنفسك في اداءك الدراسي لايستهان فيه ابدا…احيانا ماتفهم الشي بسبب انك موب واثق بنفسك مو لأنك منت فاهمه! ولما ماتذاكر ولا تسوي واجباتك اول بأول ثقتك بنفسك دراسيا تطيح اكثر، هالشي يخليك تواجه صعوبه اكبر في انك تفهم
الموضوع اشبه بالدوامه اللي اذا دخلتها ماتطلع
الموضوع اشبه بالدوامه اللي اذا دخلتها ماتطلع
مالاحظت انك احيانا بالاختبار تشوف سؤال، وتتردد بكيف تجاوبه ثم ترتبك وتتلخبط وتحس انك ماذاكرت شي ويزيد ارتباكك ووقتها حتى الاسأله التافهه تصير صعبه عليك وبعد ماتسلم ورقه الاختبار فجأة تتذكر كيف تحل هالاسأله وتستوعب ان الاختبار ماكان صعب 🙂 انا متأكد انها قد صارت لك ..ليش صار كذا؟
لما تذاكر اول بأول قبل الاختبار وتحل واجباتك بنفسك، فأنت بالواقع مو بس قاعد تفهم، انت ايضا قاعد تبني ثقه…هذي الثقة بتحميك من اللخبطة والارتباك اثناء الاختبار شعور دقات القلب السريعه مارح يجيك وبتحل عدل…احيانا تذاكر اول بأول وبرضو يجيك شعور الارتباك اثناء الاختبار وتجيب العيد
بس ليش يصير كذا على الرغم من انك مذاكر اول بأول؟ وبعضهم مايذاكر كثر ماتذاكر انت ويحلون احسن منك..لييش؟ لأن ثقتك بنفسك مهزوزه، اقعد مع نفسك واستوعب انك مو غبي وانك تقدر تفهم الماده العلمية مثل ما ملايين غيرك فهموها…هالشي بياخذ وقت بس بتشوف تأثيره بقوه عليك…هنا اذكر قصة صارت لي
بالمتوسط كنت اكرف كرف موب سهل ومع ذلك درجاتي كانت نازله. كنت اشوف "الدوافير" واقول بنفسي هذول اذكياء هم كذا يستوعبون كل شي بسرعه ويجيبون درجات عاليه وماكنت اشوفهم يعانون كثر ما اعاني انا مع معدلي واقول ياحظهم ليتني مثلهم. معدلي كان 96% موب مره سيء بس ايضا مو كويس.
كان ترتيبي على المدرسة ١١ واقول بنفسي، صديقي فلان اللي جاب الاول وش ياكل؟ ههههه وش الخلطة السحرية اللي عنده؟ ولما اسأله يقولي "اذاكر" طيب حتى انا اذاكر يالحبيب 🙂 فيجيني احباط من نفسي واقول يمكن هو اذكى وهذا كل الموضوع 🫠 لين دخلت ثاني متوسط وتغير كلللل شييي فهمت وش اللي كان يصير
بهذيك السنه، اختي الكبيره قررت تستلمني بالمذاكره فكنت اذاكر ليل نهار وهي تسمع لي…المواد العلمية اذاكر بنفسي بس كانت تشيك علي ٢٤ ساعه وكانت تقريبا تجبرني اذاكر بالطيب ولا بالغصب، وانا ماكنت مهمل بالعكس كان عندي حس مسؤولية بس هالمره اختي دخلتني بمعكسر مذاكره😅..
واخيرا انتهى الترم وخلصت الاختبارات وجاء وقت توزيع الشهادات…اذكر هذاك اليوم بتفاصليه…كنت رايح للمدرسة واقول بنفسي " بما اني كنت اجيب ٩٦٪ بالماضي، اتوقع هالترم بجيب ٩٧٪ هالمره لني ذاكرت كثير"
استلمت الشهادة، شفت النسبه بس ما استوعبت الرقم، فرحت اتاكد من الاسم! هههههه
استلمت الشهادة، شفت النسبه بس ما استوعبت الرقم، فرحت اتاكد من الاسم! هههههه
حسبتهم اعطوني شهادة واحد ثاني..شيكت عالاسلام الا والله اسمي هذا! مافي ناصر العتيبي بالمدرسة الا انا 😂 رجعت مره ثانيه اشوف النسبه لايكون قريتها خطا؟ الا والله هذي نسبتي! جبت 99.58% وترتيبي قفز من ١١ عالمدرسه الين الرابع..وترتيبي عالفصل كان الاول…اخذت نص ساعه لين استوعبت 😂
رحت على طووول ابشر اختي، حسيته مو انجازي، انما انجازها هي..بس ذاك اليوم استوعبت اني اقدر اجيب 99% مثلهم وان مافي خلطه "سحرية" وان صديقي اللي قالي انه كان بس يذاكر كان صادق..الموضوع فقط انه كان يذاكر وكان عنده ثقه بنفسه وانا ماكان عندي…
انا ماكنت اجيب 99 مو لأني ماكنت اذاكر، بس لأني ماكنت ادري اني اقدر اجيبها والحين دريت بكل بساطه! الموضوع يشبه تأثير البلاسيبو…بثالث متوسط الين تخرجت من الثنوي ارتفعت من الرابع لين الاول عالمدرسة، صار الموضوع طبيعي ماهو big deal يعني احيانا اجيب الثاني
وكانوا يجوني اللي يجيبون ١١ و١٢ عالمدرسة (اللي انا كنت مثلهم بالماضي) ويسألوني ناصر انت وش تسوي عشان تجيب هالمعدل؟ وكنت اقولهم "اذاكر" وتكررت القصة اللي صارت معي بس هالمره انا الطرف اللي ينسأل هههههه…حاولت افهمهم انكم حتى انتم تقدرون والله الموضوع موب مستحيل بس ماقدرت اوصلها لهم
ورسالتي لك عزيزي القاريء: اذا غيرك قدر، انت تقدر
^ القصة اعلاه لاتنطبق عالجامعة 🚶🏻😂
^ القصة اعلاه لاتنطبق عالجامعة 🚶🏻😂
جاري تحميل الاقتراحات...