والله العظيم ان فعلًا يوم عرفة يوم تحقيق الامنيات واستجابة الدعوات والمستحيلات برضو!
والله العظيم ما اذكر اني دعيت او تمنيت شي بيوم عرفه ولا حققه ربي لي! حتى لو بعد سنوات طويلة تستجاب بطريقة ترضيك وتجبر خاطرك لدرجة تحس كانك توك مدعي هالدعوة!
شي شي عجيب قسم بالله

فعشان كذا من الحين استعدوا ل ايام العشر وليوم عرفة بكل قلوبكم
والله من الحين توبوا لله واستغفروا وارجعوا لله وعدلوا حياتكم واتركوا المسلسلات والاغاني والمجاهرة فيها وبكل شي يغضب الله
خلاص افتحوا صفحة جديدة مع الله ومع الحياة ومع انفسكم
واستقبلوا خير ايام الدنيا بصفحة جديدة!

لحد يقول بقي بدري وبقي فيه فرصة وبيمديني اتوب لمتى تكذب على نفسك يا انسان؟
لهدرجة ضامن نفسك؟
اذا لبعد دقيقه محد ضامن نفسه فكيف لشي كبير مثل التوبه؟
والعلماء قالو افضل شي نستقبل فيه مواسم العبادة وخير ايام الدنيا هو "الاستغفار" والتوبه والرجوع الى الله

واصلا يجيكم حماس لما تتوبون وترجعون لله وتتركون اشياء عشان الله ورضاه!
يعني تخيل الله لما يشوفك تترك معصية عشان رضاه! يالله يالشعور وقتها تحس انك انتصرت على نفسك وعلى هواك وفعلا تستصغر الدنيا كل ابوها طالما هالشي يرضي الله! يرضي حبيبنا! ملك الملوك!
وتجيكم لهفة وحماس ل استقبال خير ايام الدنيا بصفحة نظيفة وبيضاء وتبدا فيها بالعبادات والاعمال الصالحة وبالدعاء وبكل شي
بالله ضنكم بعد كل هذا ربي بيترككم؟
مابيستجيب دعواتكم؟
بعيدًا عن امور الدنيا كيف بيكون اجرككم بالاخره؟
ودي اكمل كلام كثير بقلبي بس احس طولت عليكم ولازم صراحه ارجع واكمل لكم