السلام عليكم، شكرًا لكل اللي باركولي على درجاتي هالترم وبعد ما نزلت التغريدة كثير جو سألوني عن طريقتي بالمذاكرة وكيف قدرت اجيب معدل 4/4 بالبترول ؟ فـ بتكلم عن طريقتي انا شخصيًا بالمذاكرة وان شاء الله انها تفيدكم 👇🏼
#KFUPM
#KFUPM
أول شيء فيه طرق كثيييييرة للمذاكرة فـ مو شرط تكون طريقتي هي الصح بالنسبة لك ممكن تناسب البعض وممكن لا. انا شخص اعتمد عالـ Self - Study بشكل كبير فـ ما أعتمد على المحاضرة والكلاس الفعلي خاصةً بالمواد العامة ما أقول لكم اسحبوا ولا تركزون مع الدكتور لا بالعكس طبعًا.
حاول انك تركز بالشرح وتسجل المهم لأن بيفيدك ويختصر عليك وقت كثير جدًا بالمذاكرة الفعلية اما بالنسبة لمواد التخصص خاصة تخصصي ( Aerospace ) أنصح بشكل كبيييييير انك تركز مع الدكاترة لأنهم ممتازين جدًا وتفهم معهم لأن مافي مصادر كثيرة لمواد تخصصنا وممكن تتورط بعدين ولا تلقى مصادر.
طبعًا بداية كل ترم اللي اسويه اني امسك كل مادة واقرا تجارب الطلاب اللي طلعوا بقريدات ممتازة من هالمادة واشوف وش المصادر اللي اعتمدوا عليها والطريقة الصح لمذاكرة كل مادة فـ احدد مصدر الشرح اللي بعتمد عليه لكل مادة والأولدات او الأسئلة اللي بتدرب عليها ومن هالأمور.
بعد ما اخلص المحاضرات وارجع لغرفتي اللي اسويه اني اختار لي كم مادة من المواد اللي عندي هالترم واحدد لي جزئيات منها اخلصها وعادةً مادتين او ثلاث باليوم بالكثير عشان احط كل تركيزي عليها.
وهذي النقطة مهمة لأن لو بذاكر كل يوم كل المواد طبيعي اني بمل من المذاكرة وببدا اتهاون بالمذاكرة فأحاول اني ما اذاكر يومين ورا بعض نفس المادة عشان ما امل منها الا اذا كان فيه اختبار مرة قريب عليها او انضغطت بالوقت بالمادة او اي ظرف ثاني.
لما ابدا بالمذاكرة اول شيء اشوف الشرح سواءً مقاطع او نوتات واسجل انا الملاحظات المهمة عشان اركز عليها وبعد ما اخلص اذا كان فيه جزء نظري بالمادة احاول اني اتقنه واحفظه وان صعب علي شيء اتركه وابدا اتدرب على المسائل سواء من الكتاب او الأولدات وكثرة التدريب بتثبت لك المعلومات.
واهم نقطة واللي شفت كثير من الطلاب يتهاونون فيها " الكويزات " ابدًا لاتستهين فيها وتستصغر منها و تذاكر لها على خفيف، ذاكر للكويز كأنه فاينل لأن هذي المذاكرة بتختصر عليك وقت كثير لاقربت فترة المياجر او الميدات وحتى الفاينلات لأن بتجيك كل المواد ورا بعض بالغالب خاصةً بعد الفرشمن.
قرب الاختبار وخلصت مذاكرة وعندي وقت ايش اسوي ؟ عندك ميجر ؟حل ميجر قديم عندك فاينل ؟ حل لك فاينل قديم.
هذي الطريقة تخليك ترتاح نفسيًا وتعرف انك مذاكر صح وتشوف ادارتك للوقت وتثبت لك المعلومات وانصح فيها بقوة لكل المواد بلا استثناء حاول تخلص مذاكرة المتيريل بدري وتخلي وقت تحل فيه.
هذي الطريقة تخليك ترتاح نفسيًا وتعرف انك مذاكر صح وتشوف ادارتك للوقت وتثبت لك المعلومات وانصح فيها بقوة لكل المواد بلا استثناء حاول تخلص مذاكرة المتيريل بدري وتخلي وقت تحل فيه.
آخر نصيحتين:
١- لاتستحي من السؤال، تعلم من غيرك لأن مهما كان مستواك فيه ناس افضل منك تقدر تتعلم منهم ويفيدونك وانا شخصيًا اسويها.
٢- لاترهق نفسك بالمذاكرة، لا تذاكر طول اليوم بشكل متواصل خفف على نفسك واطلع وانبسط وغير جو خاصةً بالويكند ذاكر لكن لا تكثر لازم تريح مخك ونفسيتك.
١- لاتستحي من السؤال، تعلم من غيرك لأن مهما كان مستواك فيه ناس افضل منك تقدر تتعلم منهم ويفيدونك وانا شخصيًا اسويها.
٢- لاترهق نفسك بالمذاكرة، لا تذاكر طول اليوم بشكل متواصل خفف على نفسك واطلع وانبسط وغير جو خاصةً بالويكند ذاكر لكن لا تكثر لازم تريح مخك ونفسيتك.
بالنهاية، اعتذر عن الإطالة وان شاء الله كلامي يفيدكم واللي عنده استفسار او يبغى يسألني عن شيء زيادة يتواصل معي والله يوفقنا واياكم يارب❤️
جاري تحميل الاقتراحات...