كيف يمكن للقاء لا تتجاوز مدته عدة ثواني ان يقلب حياتك رأساً على عقب و يعيشك انت و اسرتك بكابوس يمتد لعدة سنوات !
قصة اليوم عن ديف كروبا و كيري فارفر
قصة اليوم عن ديف كروبا و كيري فارفر
ديف كروبا رجل في منتصف الثلاثينات انفصل عن ام عياله اللي كان على علاقه جاده معها لمده ١٢ سنه وسبب الانفصال كان انه رافض الزواج منها !
الرجال ما اخذ وقت الا ودخل برامج المواعده يبحث و يدور عن بنات مثله يبغون علاقات عابره و الرجال ظليمته شينه ما كان يحاول يخدع احد ابد و كان صريح معهم و يقولهم من اول لقاء انه ما يبغى علاقه جاده
و استمر على هالحال فتره لين تعرف على وحده اسمها شانا اليزابيث قوليا ام لطفلين عمرها ٣٧ سنه وكانو ينادونها ليز المراه هذي كانت راضيه اول شي بنظام ديف وانه ما يبغى علاقه جاده و غالبا بيكون يعرف اكثر من وحده عليها لكنها تمسك معها احيانا و تتهاوش معه على هالنقطه
وهو يذكرها انها ماهي ملزومه فيه و يقولها صح معك حق انا حقير انا جحدت ام عيالي وش عاد انتي وش ترجين مني خلاص اعتقيني و روحي لغيري لكن ليز تقول انت مب حقير انت رجال و سيد الرجال بس للحين ما عرفت نفسك صح انا ادرى فيك لان طول الثلاث ايام اللي عرفتك فيها ما شفت منك الا كل خير
و من كثر الزن قالها شوفي لك مني شهر شهر واحد بس بكون مخلص فيه لك بعده مالك شي عندي شكل النت كان مقطوع عنده هالشهر و لا يقدر يدخل المواقع و قال يالله حج بحاجه
لكن بعد كم يوم حصل اللي ما كان يتوقع ديف انه راح يحصل بحياته وهو انه يقع بحب امراه من اول نظره و هالمراه كان اسمها كيري فارفر اللي جت لورشته تبيه يصلح سيارتها ديف يقول شعوري لما شفتها لا يمكن وصفه ولا قدرت اقولها شي عشان ما اضايقها خاصه اني بمكان عمل
لكنه عرف اسمها وبعد كم يوم من لقائهم دورها بالانترنت وارسلها كيري ردت عليه بالرفض و كانت تقول لصديقتها انه ماهو من الرجال اللي يجذبونها لكن خربت سيارتها مره ثانيه و اضطرت تروح لورشته و ديف ما كان عنده نيه يستسلم وطلب منها تطلع معه وهي الصدق حن قلبها وبدأ يجوزلها و فعلا طلعوا سوا
هنا ليز اتصلت عليه قالت فيه اغراض بالشقه ابيها قالها ما اقدر اجيك الان لاني طالع مع وحده ! هنا ليز انهارت و بدات تتصل و ترسل و هو مطنشها و شرح لكيري و ضعه مع ليز بعدها قالها ودك تجين معي لبيتي قالت كيري ليش لا وراحت معه
واول ما دخلوا جت ليز تدق الباب و كانت تصيح و تصارخ وتهاوش هنا كيري قالت مالي خلق الدرما تمسي على خير يا ديف وطلعت وهي طالعه قابلت ليز بالسيب تبادلوا النظرات لثواني و كملت طريقها
كيري كانت امراه ذكيه جدا و طول ايام دراستها كانت بفصل الموهوبين و كانت متفوقه عليهم و بالجامعه جابت طفل و ربته كأم عزباء لكن مع ضغوط الدراسه و الامومه كيري واجهت صعوبات نفسيه من اكتئاب و قلق و تم تشخيصها بثنائي القطب
و على انها ما كانت مقتنعه بالتشخيص الا انها التزمت بعلاجها و عاشت حياه سعيده و ناجحه عمليا و اجتماعيا و كانت مكرسه حياتها لطفلها و احتياجاته
و بوقت لقائها بديف كانت توها مترقيه لمنصب كبيربشركه برمجه وكانت متحمسه مره لان الراتب عالي وكانت تشوف انها اخيرا راح تقدر توفر لولدها الحياه اللي يتمناها لكن المشكله ان الشغل يبعد عن بيتها ساعه كامله و كانت مقبله على مشروع يتطلب منها ساعات عمل اطول لمدة اسبوع
فماراح تطلع الا تسع الليل ومع ساعه الرجعه يوم كيري يكون انتهى ديف كان يعيش قريب من شغلها فاقترح عليها انها تقعد بهالاسبوع هذا معه
كيري شافت انها فرصه جيده خاصه ان الموضوع اسبوع بس اتفقت مع ولدها اللي عمره ١٤ انه راح يقعد مع جدته وهي ابتداء اسبوعها ببيت ديف و يوم الاثنين صحى ديف الساعه سته ونص الصبح و شاف كيري قايمه تستخدم كمبيوترها ودعها و طلع لشغله
و هو بالشغل وصلته رساله من كيري تقوله انها تبي تنتقل معه ديف قالها سلامات يا كوكو مب ذا الاتفاق انا اسف بس لا و كان مستغرب مره من طلبها و كيف ما توقع الاندفاع من وحده مثل كيري اللي ما كانت تبي علاقه اصلا و ش عاد تبي تعيش معه !
لكن اتضح انه اخطأ بنظرته لها لان كيري بدات ترسله مسبات و شتمت سابع جد له وقالت خلاص ماعاد ابي اشوفك ولما رجع لشقته لقى كيري آخذه كل اغراضها و ماشيه ديف حس ان اللي صار خيره وان افضل انه عرف حقيقتها قبل ما توطد العلاقه اكثر خاصه انه يعرفها اسبوعين بس و بالنسبه له كيري صفحه و انطوت
ديف بدات توصله رسايل سب و شتم و تهديد من كيري هالرسايل كانت بحدود الخمسين او الستين رساله يوميا ! هذا غير الرسايل اللي كانت ترسلها لـ ليز اللي كلها تهديد لها ولاطفالها لانها كانت تظن ان علاقه ليز و ديف جديه !
ديف كانت توصله رسايل من كيري و كانها قاعده تشوفه بهاللحظه تقوله اكثر شي احبه هو اني اقعد و اشوف وش تسوي وتقوله اشياء فعلا صايره بهالوقت مثلا تمدح اللون اللي هو لابسه او الشي اللي قاعد يتابعه بالتلفزيون و يطلع ديف يدورها و ما يلقى احد !
و بعد ١٠ ايام ليز فيه احد دخل بيتها و كتب على الجدار و سرق دفتر الشيكات و التخريب ما توقف على هالحادثه بس فيه عدد من الحوادث وقعت خلال ثلاث اشهر اللي بعدها و ليز كانت متاكده ان اللي سوا هالشي كيري !
و على ان ديف ما كان يبغى يكمل مع ليز لكن الجنون اللي كانت تمر فيه بسببه حسسه بالذنب و خلاه يتقرب منها
و بيوم من الايام ديف رجع لبيته وحصل سياره كيري ! توقع ان خلاص الكابوس انتهى و انه راح يكلمها و يشوف وش وضعها او تجي الشرطه و تتفاهم معها لكن السياره كانت خاليه و مالقى كيري بأي مكان ديف اتصل على الشرطه و جو واخذوا السياره اللي كانت نظيفه ما فيها اي شي ما عدا بصمه اصبع وحده ما كانت لكيري و لا حصلوها بقاعده بياناتهم
بعد خمس شهور ليز بلغت عن تخريب صار بكراجها و كانت متاكده ان كيري هي المسؤوله هنا الشرطه طلبت من ديف و ليز يعطونهم جوالاتهم عشان يحملون الرسايل و الايميلات اللي توصل من كيري و فعلا تعاونوا معهم و عطوهم و الشرطه بدأت تدرك فعلا مدى الخطر اللي هم فيه!
و مرت الشهور ووصل ايميل لديف فيه صوره وحده مربطه بشنطه السياره وفيه كيري تقول انك لو تركت ليز و رجعت لي راح اتركها ولو استمريت معها راح اخليها تموت بسيارتي الحين لازم تتصل عليها و تقولها انك تبي تتركها مليت من كثر ما هي تاخذ كل شي يخصني !
ديف اللي كان اساسا منفصل من ليز بهالوقت ضاقت فيه الارض وحس انه هو المسؤول عن دخول ليز بهالمعمعه اتصل على طول على ليز و سالها وينك قالت ابد قاعده بالبيت وش فيك قال لا كيري مرسله رساله انها خاطفتك قالت لا ما عليك ما فيني الا العافيه
وعلى ان السالفه كذب لكنها كافيه ان ديف يرجع علاقته بليز هذا غير انه مب قادر يتعرف على احد اصلا لان مجرد ما يطلع مع وحده كيري ترسلها رسايل سب و شتم و تهديد و ما فيهم اللي صملت ما عدا ليز اللي وقتها كانت الوحيده اللي عارفه وش هو قاعد يمر فيه
وبعد سنه من هالاحداث و من الرسايل اليوميه المستمره بيت ليز احترق ! و معاه راحت كل اغراضها و والبيت كان فيه اربع حيوانات اليفه كلبين و قطه و ثعبان كلهم ماتو بالحريق و ليز كانت متاكده ان كيري هي اللي احرقت البيت
خاصه انها كانت مرسله لها ايميل تقول فيه هالشي و بعدها ارسلت ايميل لديف تقوله شفت انا ما ينمزح معي انا اللي حرقت بيت ليز اتمنى انها هي و عيالها يموتون فيه !
و الموضوع وصل ان ديف كان بيخسر عمله لان نشاطات كيري انتقلت حتى لمقر شغله و بواجهه المحل كتبت ديف يعتدي على النساء !مرت ثلاث سنوات متخيلين ثلاااث و ديف هذا حاله رسايل يوميه تهديدات حياته و حياه ليز بخطر خاصه بعد ما حرقت بيت ليز ديف كان متاكد انها قادره على الاذيه
و بوسط هالجنون بالفيسبوك كيري نزلت اعلان خطوبتها لديف هنا ديف انهبل و تاكد ان هالمره ميه بالميه مافيها طب و راح اشترى مسدس عشان لو حصل شي يكون قادر يدافع عن نفسه لكن ما درى الا و شرطه مدينة كيري تدق بابه تساله عن مكانها بصفته خطيبها!
ديف قعد يقسم باغلظ الايمان انه ما خطب كيري وله ثلاث سنوات ما شافها اصلا و وراهم الرسايل اللي توصله و قالهم فيه بلاغات انا رافعها على كيري بشرطه مدينتنا تقدرون تروحون و تتاكدون و بالوقت اللي كان ديف يرفع بلاغات مضايقات و ملاحقه و ازعاج اهلها كانو يرفعون بلاغات شخص مفقود !
من اليوم اللي ارسلت فيه ليز لديف رغبتها بالانتقال معه اهلها ماعاد شافوها!كيري بذاك اليوم ما راحت لشغلها وهالشي كان غريب جدا عليها كيري ما كانت تتاخر وشلون تغيب بدون ما تعطي احد خبر!بعدها ارسلت لامها و قالت لها انها قبلت وظيفه بمقاطعه ثانيه وانها راح تروح و تشوف الوضع هناك اذا جاز…
اهلها استغربوا القرار و كيف اتخذته بدون ما تشاور لكن ما بيدهم شي بعدين وصلتهم رساله قالت فيها انها راح تدخل بمصح نفسي ونظرا لتشخيصها ما احد شاف ان هالشي غريب لكن ما حسوا بالخطر الا لما كيري بدات تفوت احداث مهمه للاسره منها زواج اخوها و مواعيد ابوها اللي يعاني من سرطان المعده
ابوها كانت حالته حرجه و كيري شخص يقدر الاسره كثير و عائلتها كانت كل حياتها و هي حريصه على زياره ابوها و رعايته خاصه ان الاطباء كانو قايلين لها ان ما بقى له وقت كثير
الام بدات تقلق و رفعت بلاغ بشخص مفقود و لما الشرطه كانو يسالونها عن كيري قالت لهم انها تعاني من ثنائي القطب الشرطه قالو اوكييي والله يا خاله ما نقدر نسوي شي بهالحاله هي غالبا قاعده تمر بنوبه و هي بنفسها برسايلها لكم تقول انها رايحه برغبتها الشخصيه فما نقدر نسوي لك شي
الام ارسلت لكيري وقالت لها الطريقه الوحيده اللي ممكن اتاكد من هويتك هو لو اتصلتي فيني و سمعت صوتك ردت عليها كيري و قالت راح اتصل لكن بعد هالاتصال ماعاد بتواصل معك انتي معك ولدي و انا شاكره لك هالشي لكن خلاص مواضيع الشرطه و غيرها انا اكتفيت منها انا منب بزر عمري ١٠ سنين اقدر اتركه…
بعدكذا ابو كيري مات مات وهو يسال عنها وما احد علمه انها مختفيه وبيوم وفاته ام كيري تحلمت انه يقولها لقيت كيري وهي معي الان،الام زاد همها و كانت تشوف ان هالحدث اذا ما جاب كيري فشكوكها ان اللي يراسلها مب كيري بمحلها و فعلا كيري ما حضرت الجنازه هناالاهل قالو الموضوع ماعاد ينسكت عليه
ولدها ارسلها رساله و منها بيتاكد اذا هي امه او لا الرساله كان فيها ثلاث اسئلة :
- ماهو اسمي الاوسط ؟
- ماهو اسم اول بوكسر لنا ؟
- ماهو اسم صديقي المفضل و انا طفل ؟
و طبعاً ما وصله جواب ..
- ماهو اسمي الاوسط ؟
- ماهو اسم اول بوكسر لنا ؟
- ماهو اسم صديقي المفضل و انا طفل ؟
و طبعاً ما وصله جواب ..
وبعد ما نزلت خبر الخطوبه رجعوا للشرطه مره ثانيه و قالو لهم رحوا حققوا مع خطيبها
و بعد ثلاث سنوات من المعاناه محققين جدد لفتت انتباههم القضيه و قرروا انهم راح يتولونها و فعلا انطلقوا و حققوا مع ديف و فتحوا كل البلاغات اللي كان رافعها يدققون فيها و يحاولون يحطون خط زمني للاحداث
و بعد ثلاث سنوات من المعاناه محققين جدد لفتت انتباههم القضيه و قرروا انهم راح يتولونها و فعلا انطلقوا و حققوا مع ديف و فتحوا كل البلاغات اللي كان رافعها يدققون فيها و يحاولون يحطون خط زمني للاحداث
لكن الشي اللي لفت نظرهم هو تكرر ظهور اسم ليز و سالو ام كيري هل قد جابت طاريها؟قالت ايه هذي المره اللي اشترت اثاث كيري و الصدق اني زعلت مره الاثاث كان انتيك و مت،متوارث بعائلتنا و ماكان لها حق تبيعه وانا والله قالولها الشرطه بس يا خاله ما هو وقت مشاريه الحين هذي المره الوحيده اللي…
بعد كذا الشرطه راحت تشوف الحسابات البنكيه لكيري و شافوا ان لها سنتين ما سحبت ولا فلس وشلون كل هالوقت عايشه بدون وظيفه و بدون فلوس ؟ هنا قرروا واحد منهم يحقق على ان فعلا كيري هي اللي كانت ترسل كل هالرسايل و الثاني يحقق على ان كيري ميته !
و بالتحقيق عرفوا ان فرص ان كيري تكون ميته اعلى بكثير من انها هي اللي كانت ترسل هالرسايل بس وشلون يقدرون يثبتون هالشي ؟ قرروا انهم ماراح يروحون بعيد و يحققون بليز هي من اول ما هي جايزه لهم
وقبل ما يستدعونها ما دروا الا وهي داخله عليهم و هالمره تبي ترفع بلاغ ازعاج بس مو بحق كيري لا بحق ايمي ام عيال ديف !
هنا المحقق مسكها و قالها يا عزتي لك كل الناس ضدك عطينا جوالك ننزل اللي فيه عشان كل شي يصير عندنا و الصدق
من عذرهم بنات جيلك يغارون
انتي حدث محد تخيل حدوثه
مالومهم لو كان عنك يصدون
دام بحضورك يفقدون الانوثه
بس هاتي الجوال و ليز قالت الله يسلمك ياطويل العمر شفت الجمال لعنه…
من عذرهم بنات جيلك يغارون
انتي حدث محد تخيل حدوثه
مالومهم لو كان عنك يصدون
دام بحضورك يفقدون الانوثه
بس هاتي الجوال و ليز قالت الله يسلمك ياطويل العمر شفت الجمال لعنه…
لكن اللي ماكانت تعرفه انهم راح ينزلون كل شي كل شي حتى المحذوف راح يطلعونه و قدروا يستردون عدد كبير من الصور و الرسايل اللي بسببها بدات تنحل اول الغاز التحقيق ليز هي اللي كانت ترسل مب كيري !
و الشرطه تقول ان عشان ليز تتقن دورها ككييري على الانترنت كان يبيلها ٤٥ ساعه اسبوعيا على الاقل يعني دوام وظيفه كامله فكيف كانت تعيش و تصرف؟ليز عندها حبيب اسمه توم هالحبيب كان يعتقد انه بعلاقه جاده و حصريه بليز و ان لما ليز احترق بيتها - اللي هي حرقته و قتلت الحيوانات- انتقلت للعيش…
طيب مين هي ليز ؟
ليز انولدت لاسره الاب كان مدمن معنف و الام كانت مكسوره الجناح اعتدائات الاب المتكرره بسببها خدمات الاطفال اخذوا ليز و اخوها وحطوهم مع اسره ثانيه وهذا كان كافي ان امها تصحى على نفسها و تترك زوجها و تستاجر بيت و تبدا حياه جديده مع اطفالها
ليز انولدت لاسره الاب كان مدمن معنف و الام كانت مكسوره الجناح اعتدائات الاب المتكرره بسببها خدمات الاطفال اخذوا ليز و اخوها وحطوهم مع اسره ثانيه وهذا كان كافي ان امها تصحى على نفسها و تترك زوجها و تستاجر بيت و تبدا حياه جديده مع اطفالها
مع الاسف ماصار هالشي لانو صدمتها سياره و توفت قبل تاخذ اطفالها ليز استمرت بالتنقل بين عدد من العوائل و فيه على الاقل حادثه وحده مؤكده لتعرضها للتعنيف عند احد هالعوائل و بالاخير استقرت وتم تبنيها من عائله القوليا
ليز لها ماضي بالهوس بالرجال و التعلق المرضي فيهم و ببدايه عشريناتها انجبت طفل من شخص كان ناوي الانفصال عنها لكن لما عرف بحملها استمر معها مضطرا عشان الطفل اللي ما كان يعرفه انها كانت تخونه اثناء حملها مع رجل اخر اسمه غلين !
هالرجل كان شخص قدراته العقليه بسيطه و بعد الولاده خلته ينتقل معها للبيت و يهتم بالطفل اللي ما كمل كم شهر بهالدنيا الا و توفى بعد تقرير الطب الشرعي ثبت ان سبب وفاه الطفل هو ان الطفل تعرض للهز بقوه shaking baby syndrome ليز على طول حطتها براس غلين و قالت هو اللي يعتني فيه وهو السبب
و عشان تثبت برائتها قدمت رسايل تدعي ان غلين كاتبها لها ويعترف باللي سواه و على ان الخط ماهو خط غلين لكن هيئه المحلفين صدقوا انها فعلا منه و حكموا عليه بالسجن من ٧ الى ٢٠ سنه بوقت عزاء الطفل كل من شاف ليز يقول انها كانت سعيده و مبسوطه وكان حمل و نزل عن ظهرها ماهي ام فقدت طفلها !
بعد هالحادثه اهل المدينه ما عاد هم طايقيناه لانهم يعتقدون انها هي اللي قتلت الولد و انتقلت على مدينه ثانيه وتعرفت على رجل اسمه دوك جابت منه طفلين و هالرجل انفصل عنها و تعرف على وحده اسمها مليسا
ليز استقعدت لهم بالداخلة و الطالعه كل ماراحوا مكان لقوها بوجيههم هذا غير المكالمات اللي كلها تهديد و وعيد و الاقوى عاد لما بدات تلبس و تتكلم مثل مليسا و تقدم نفسها للناس على اساس انها مليسا ! زواج مليسا و دوك انهار بعد علاقه استمرت خمس سنوات خمس سنوات من عمرها ليز سخرتها…
نرجع للشرطه اللي للحين ما يقدرون يعتقلونها لان ما عندهم ادله و لا يبون يستعجلون و يضرون القضيه جتهم ليز و قالت تدرون ؟ انا اتوقع ان اللي كانت ماذيتنا طول الايام اللي فاتت هي ايمي مب كيري !
قالولها طيب كيري وين تتوقعينها فيه ؟ قالت اتوقع ان ايمي قتلتها و تقمصت هويتها و صارت ترسل الرسايل عشان تخفي الجريمه و هالمعلومه اكدت ظن المحققين ان كيري فعلا ميته لكن كانو يبون يعرفون كيف ماتت و وشلون
بعدها بكم يوم ليز اتصلت عليهم و قالت ان ايمي اطلقت النار عليها و اصابت رجلها !
الشرطه على انهم عارفين ان ليز هي اللي سوت كذا بنفسها لكن اضطروا يجيبون ايمي و يحققون معها اللي اساسا كان عندها حجه غياب قويه فطلعوها
الشرطه على انهم عارفين ان ليز هي اللي سوت كذا بنفسها لكن اضطروا يجيبون ايمي و يحققون معها اللي اساسا كان عندها حجه غياب قويه فطلعوها
الشرطه خلاص صاروا يعرفون مفاتيح ليز و طلبوا من ديف انه ينتقل للعيش مع ايمي لانهم يدرون ان ليز راح تفقد اعصابها و الا ما تزل و تسوي شي يدينها و فعلا انتقل معها ديف و اتصلت عليهم ليز تصيح و تشكي كانت تعامل الشرطه معامله البستي
المحقق استغل الموقف و قالها لو جبتي لنا اعتراف ايمي بالفْتل و كيف تم و وين الجث.ـه الان صدقينا راح تتخلصين منها للابد قالت يعني تبوني اخليها تعترف بايميل ؟ قالو اللي تشوفينه بستي المهم يجينا الاعتراف
و جتهم اليوم الثاني تقول جبته جبت اعتراف ايمي جبته و بالايميل كانت تقول ان باليوم اللي اختفت فيه كيري انا يا "ايمي" دخلت الشقه وحصلت كيري فيها دخلت معها بجدال بعدها كيري طلعت من الشقه و "ايمي" لحقتها لسيارتها و طعننْها من ثلاث الى اربع مرات 💔
و اخذت جثتـ.ـها و قطعنْها و احرقتها و بعد كذا تخلصت منها باكياس زباله هنا المحقق ادرك ان من اليوم الللي اختفت فيه كيري كانت ميته و ان الرساله اللي وصلت لديف بانها تبي تعيش معه وصلته بعد ما ماتت 💔
و رغم وجود الايميل معهم الا انهم مازالوا ما يقدرون يعتقلون ليز لان ما فيه دليل مادي يثبت اي من هاللي صار هنا راحوا و استعادوا سياره ليز اللي كانت اصلا مبيعوه و لما شالوا لكرسي شافو ان تحته بقعه دماء و ان غالبا ان كميه الدم المفقود اللي كون هالبقعه يعني ان هالشخص ميت هنا قدروا…
وهنا و اجهوها ان كل الفتره الماضيه كانت قاعده تساعدهم انهم يمسكونها هي!
و صادروا كل اجهزتها اللي كانت تستخدمها طول الثلاث سنوات اللي رحوا وقت المحاكمه محامي ليز كان دفاعه ان اذا مافيه جثه هذا يعني ان مافيه قضيه ما تقدرون تحاكمونها بالفْتل و انتم ما عندكم جثه هنا ديف حصل تابلت عنده كانت تستخدمه ليز و بهالتابلت كان فيه ذاكره
اخذتها الشرطه و نزلت كل البينات و حصلوا صوره قدم مقطـ.وعلى بحاله متقدمه من التحلل و عليها تاتو و التاتو اثبت ان هالقدم قدم كيري💔 و بكذا قدروا يثبتون ان ليز هي المسؤولة عن اللي صار
تم الحكم عليها بالسجن المؤبد لفْتلها كيري فارفر + ٢٥ سنه لاشعالها النار ببيتها ! ليز ما زالت تدعي البراءه و تقول ان القاتل الحقيقي حر طليق ! احد السجينات تقول ان ليز كانت تطلب منهم انهم ينادونها كيري !
كيري قتلتها ليز جسدياً و معنوياً بعد ما شوهت سمعتها و شككت الناس بعقلها و اتزانها هذا غير خذلان الشرطه لها بسبب مرضها اللي كانت اعقل من بشر كثير و تحملت المسؤولية و اخذت علاجها و عاشت حياه كامله عكس ليز اللي ما كانت مشخصه باي مرض و لكن كانت اسوء من اي شخص دخل عياده نفسيه !
جاري تحميل الاقتراحات...