علشان الصوره الضبابيه اللي بيخلقها البعض عن عمد و البعض الاخر عن عدم فهم بخصوص ازمه نقابه المهندسين ممكن بعد شويه نشرح لكم شويه تفاصيل توضح الصوره .
حنقول كلام حيزعل بعض زمايلنا جوا النقابات الفرعية و العامة و حيزعل ناس براها لكن اتعودت فى المواقف اللى زى دى ما نكتمش شهادة حق او نمنع رؤيه قد تفيد البعض و قد لا يهتم البعض الاخر بها بالمرة
بداية انا عضو مجلس نقابة المهندسين فى المنوفية بعد خلع المجلس المحسوب على الاخوان مباشرة من 2014 الى 2016 و معظم المتواجدين حاليا زمايلنا و جمعتنا عشرة نقابية بعد 2016 مشرف على نادى المهندسين بالمنوفية ثم عضو مجلس ادارته مرتين و للاّن
فى الانتخابات السابقة بعد حالة عدم رضا من جموع المهندسين على اداء النقابات الفرعية و النقابة العامة برئاسة م هانى ضاحى نجح م طارق النبراوى نقيبا عاما باكتساح وتم انتخاب اعضاء الشعب و المجالس المكملة اللى بينتخب منهم المجلس الاعلى بعضوية "رؤساء النقابات الفرعية" فى عموم الجمهورية
تم استغلال حالة عدم الرضا دى فى دخول طرف تالت فى السباق الانتخابى عن طريق دعم مرشحين بعينهم الدعم ده كان غير مؤثر عموما لان نتيجة الانتخابات كانت معروفة بناء على المزاج العام و تقييم اداء الفترة السابقة لكنه كان مؤثر "فرعيا" فى اختيار البعض لكنه لم يكن بنفس فجاجة تدخل أمس
الدعم ده كان أمنى و حزبي وصل لتواجد أعضاء برلمانيون حاليا قى الجمعيات العمومية للمهندسين على مستوى الجمهورية و هم ليسوا بمهندسين و لا اعضاء جمعية عمومية المشهد كان واضح للعيان و مريب و لا يوشى بارتياح لما يحمله " المستقبل "
بجانب الدعم تواجد مرشحين لا زالوا فى مناصبهم الحكومية " المهمة " و انتماءهم لحزب مستقبل وطن فى نفس الوقت و طبعا هنا سبب الردعم السابق ذكره أصبح معروف المرشحين دول نجحوا و دخلوا المجلس الأعلي و بقى منهم الأمين العام و الأمين العام المساعد و أمين الصندوق المساعد
يضع سياسة النقابة النقيب العام وهو المسؤل الاول عن نتايج فترة المجلس طبعا الامين له صلاحيات مهمة لكن لا تلغى وجود النقيب العام واللي بيدور النقابة وشغلها فى الأساس اللجان اللى بتقدم الاقتراحات و بتستلمها و بتدرسها و بتوصي بقرارات بيتم التصويت عليها فى المجلس الاعلى برئاسة النقيب
المعتاد انه يكون فى توافق بين هيئة المكتب و الأمين العام هيئة المكتب هى الأمين العام و الامين العام المساعد و أمين الصندوق و أمين الصندوق المساعد و وكيل النقابة التوافق ده بيخلى فى توافق فى الرؤية و القرارات و حتى لو مفيش توافق فبيتم تغليب المصلحة العامة
بداية الأزمة تجاهل هيئة المكتب عموما و الأمين العام خصوصا لمقام النقيب العام و ده سبب استياء بالغ فى الدمعية العمومية لاننا متابعين احداث النقابة على صفحات الفيس و جروبات الواتس التجاهل ده عمل ازمة كبيرة و وضح ان فى نية لتهميش النقيب و السيطرة على ادارة النقابة بحجه انهم الأغلبية
ده مثال على محاولات تهمش النقيب و اضعاف صورته امام الجمعية العمومية تكليف من الأمين العام للنقيب فى صورة معكوسة و خرق " صارخ " للاعراف و التقاليد النقابية و نال استياء المهندسين قبل نقيبهم غير اصدار قرارات بدون الرجوع للنقيب و تعطيل قرارت صادرة باسمه
طبعا الامور سارت على هذا المنوال طوال عام كامل بدون الوصول لحل وسط بعد سيطرة الأمين و هيئة المكتب على تشكيل اللجان و اعضاءها و رؤساءها و زاد الامر سوءا تعيين اعضاء المجلس الأعلى المنتخبين اعضاء فى مجالس ادرات الشركات الخاصة بالنقابة
قرار المهندس طارق كان تعيين الاعضاء من الجمعية العمومية من خارج اعضاء المجلس الاعلى لتوافر الكفاءه و فصل الملكية عن الادارة تبع ذلك او تزامن معاه قضية التعليم الخاص اللى ازدادت سوءا و اللى كانت ضمن البرنامج الانتخابى للنبراوى فى اول مده ليه وشهدت شد و جذب مع الحكومة وماوصلناش لحل
علشان القصة دى فيها فتي كتير لكن الرفض ما كانش للتعليم الخاص على اطلاقه بل تقنين شروطه من وجهه نظر مصلحة المهنة و هى تضييق الفارق بين تنسيق قبول الكليات الحكومية و تنسيق الكليات و المعاهد الخاصة و ده منطقي ما يبقاش شخص يدخل هندسة ب 60% و التنسيق الحكومى 90% فما فوق
ده غير اكتشاف ان ممكن اى شخص ثانوية عامة و " أدبى " او دلوم تجارة " مش فنى صناعى " ياخد كلية هندسة برا و ييجى يقولك قيدنى مهندس فى النقابة النبراوى رفض ده و كلنا رافضينه فى حين ان مجلس النقابة قالك نعمله " مقابلة شخصية " 😂😂😂و نقبله
القرار ده كان بناء علي توصيه مين ؟ السيد وكيل النقابه ؟ اللي هو مين ؟ اه بالظبط كده رئيس لجنه القيد و المراجعات بالنقابه و ده كان بعد تحديد موعد جمعيه سحب الثقه " كانوا مطمئنين جدا " 😊😊😊
المعاهد الخاصه اللي بتدي بكالوريوس هندسه بشروط معارضه عليها النقابه و موافقه عليها الحكومه قيل انها ملك لبعض النقباء الفرعيين و أعضاء المجلس الاعلي هنا معنديش معلومه لكن سمعت الكلام و محتاج تقصي من الجهات المهنيه لان هنا تضارب مصالح
من ضمن ازمات الامين مع النقيب العام لما النقيب اختار مكتب محاماه تعامل معه في مدته الاولي ليكون مستشارا قانونيا للنقابة حيث ان النقيب هو الممثل القانوني الوحيد للنقابة بصفته و شخصه الامين رفض و " لغي" قرار النقيب في سابقه اولي من نوعها و هنا بدا التصادم مع النقيب ياخد شكل عنيف
النقيب بعد كده شاف ان اللجان كلها تحت سيطره الامين و المكتب " زي قرار الوكيل اللي هو رئس لجنه القيد في نفس ذات الوقت " و احتاج يبقي في مرونه و بعض اللجان تبقي معاه و ده اترفض لان المكتب سيطر و شكل اللجان
الامين و هيئه المكتب وصل الصدام مع النقيب لذروته و تم ترويج عن طريق الامين العام المساعد " من بتوع يسقط حكم العسكر " سابقا ان النبراوي خد قرار بتقليص حصه النقابه في الشركه في حين ده ما حصلش و الحقيقه ان الشركه محتاجه قرض لاستيراد مواد خام بالدولار و القرار ده لا زال محل دراسه
ده كان من ضمن الضرب تحت الحزام و من ضمن افتراءات كتير روجت عن النقيب الي ان جاءت الجمعيه العموميه في ٦ مارس اللي قررت سحب الثقه مو الامانه العامه و تشكيل امانه جديده
سبق الجمعيه دي طلب سحب ثقه من المجلس الاعلي لكن لم يصدق عليه من وزير الري " الحكومه " اللي لازم يعتمد قرارات الجمعيه العموميه و يوافق علي الجمعيات العموميه الطارئه .. القرار اتاخد باغلبيه الحضور لمن علشان منصف رغم انه قرار اغلبيه لكن شابه عوار لانه كان غير مدرج بجدول الاعمال
بالتالي كان سهل الطعن عليه اداريا و ايقاف تنفيذه و هو ما تم بعدها و قبلها كمان بفتره اصبح المجلس الاعلي يجتمع بدون تصور النقيب العام او من ينوب عنه و ده كان القشه اللي قصمت ظهر البعير
بعد ايقاف قرارات الجمعيه العموميه ٦ مارس تم الدعوه الي سحب الثقه من النقيب العام في ٣٠ يونيو و " صدق وزير الري علي طلب سحب الثقه " الموقع من " ١٩٦٥ " مهندس
معالي النقيب العام قبل الاستفتاء علي شخصه و بعد اقرار طلب الجمعيه العموميه الطارئه بدأ دعم من كل الجهات مش سر
بلاش نقول ازاي لانه مفهوم دعم حزبي و غير حزبي و لوجيستي الي اخره في ناس راحت علي اتفاق معين و لما راحت الجمعيه العموميه صوتت ضد سحب الثقه مش باقول ده كدليل لا دي حقيقه غير ان العقيل انتخب ب ٤٠٠٠ صوت و في سحب الثقه نزل له ٢٤٠٠٠ صوت
و اكون اكثر انصافا التصويت التاريخي للنقيب امبارح ليس تاييدا مطلقا لكنه في حقيقته " تصويت عقابي لكوكتيل فاخر يضم " المنصب الحكومي و الحزبي و النفوذ " كوكتيل اراد توجيه اراده المهندسين ففوجئ بتصويت حر وتصور ان القبول امر شكلي امام النفوذ ففوجئ برفض مطلق تكبر علي النصيحه فتلقي درسا
درس لمن اوصل الازمه الي وضع يصعب حله الا برحيل احد الطرفين جدد المهندسون في احدهما الثقه و بحسابات العزه و الكرامه وانتفاء المصلحه وجب علي الطرف الاخر الرحيل
هذه رؤيه مراقب و ليس منتمي كما اعدت دائما و ان كان يشرفني الانتماء
هذه رؤيه مراقب و ليس منتمي كما اعدت دائما و ان كان يشرفني الانتماء
تفصيله اكثر اهميه نسيت اقولها و برضه هنا ناس كتير مش عارفينها كان في طلب لسحب الثقه من المجلس وبعض المهندسين الموقعين راحوا النقابه يجتمعوا مع النقيب اتفقوا يقابلهم في مسرح النقابه علشان العدد و كانت مقابله و معلنه
و معروفه السيد الامين العام امر بغلق المسرح بعد التجمع طلبوا الموظف الموظف مش موجود البال اساسا قديم المهم النقيب اثبت حاله و طلب فتح الباب و المهندسين فتحوه بدون عناء قام السيد الامين العام قدم بلاغ في الساده المهندسين و اتهمهم " باللوغائيين " في بلاغ رسمي
و تم القبض عليهم و استدعائهم امام النقابه دي كانت الضربه القاضيه فعلا في علاقه الجمعيه العموميه بالامين العام ان الخلاف في الرأي يوصل لايداع المهندسين اقسام الشرطه لأنها كانت سابقه اولي و اعتقد حتكون الاخيره في تاريخ النقابه
احد الزملاء "الغوغائيين" كان م سامح الغزولي عضو مجلس نقابه المهندسين بالجيزة تخيلوا !
كانت خطأ شنيع .. و مشوره شار بها شيطان و معروف صاحبها ..
و اصبح قبول الامين و اعضاء هيئه المكتب لدي الجمعيه العموميه للمهندسين منعدما حتي قبل انعقادها
و اصبح قبول الامين و اعضاء هيئه المكتب لدي الجمعيه العموميه للمهندسين منعدما حتي قبل انعقادها
هنا شعر المهندس أن الأمين غير أمين علي كرامه المهندس و رأيه و حريته و اصبح وجوده و العدم سواء
و هنا بيان نقابه مجلس المهندسين بالمنوفيه الذي تشرفت بعضويته يوما من الايام اقوي بيان علي مستوي النقابات الفرعيه بيان واضح و حاسم و معتز بنفسه و مهندسيه 👏👏👏
نحب نضيف المعلومه دي للاخوه و الاخوات هنا اللي اتسرعوا و هاجموا المهندسين امبارح و اتهموهم انهم اخوان و انهم بيفتعلوا مشكله و ان النقيب افرط عندما تحدث عن " حزب و أجهزه " متهمينه باختصام " الدوله " .. ما تسمعونا حسكم .
طب نهديكم السؤال ده :
ايه العلاقه بين طارق النبراوي و ايهاب العمده ؟
اللي يعرف الاجابه الصحيحه له صندوق انتخابات هديه يقطعه براحته و يعمله طيارات ورق .
ايه العلاقه بين طارق النبراوي و ايهاب العمده ؟
اللي يعرف الاجابه الصحيحه له صندوق انتخابات هديه يقطعه براحته و يعمله طيارات ورق .
ممكن تكون دي اجابه ؟
*استقالة اللواء محمود عرفات نائب وزير الانتاج الحربي من المجلس الأعلى لنقابه المهندسين*
*استقالة اللواء محمود عرفات نائب وزير الانتاج الحربي من المجلس الأعلى لنقابه المهندسين*
نضيف تفصيله صغيره كبيره مهمه نسيتها برضه اتذكرت كده عرضا لما قيل ان م طارق قلل حصه النقابه في شركه يوتن و ده غير صحيح و في اجتماع مجلس اعلي نقيب نقابه فرعيه قال انه معروض شراء اسهم النقابه في الشركه ب ١٠٠ مليار جنيه جه الامين العام بشرنا انهم اتفاوضوا معاه و ممكن يوصل ٢٠٠ مليار
جاري تحميل الاقتراحات...