لما حكيت لـ trusted friend عن موقف حصلي وأذاني جدا وقتها قالي "احمد ربنا ؛ وجع مره ولا كل مره" مفهمتش وقتها ازاي عايزني اتقبّل وجع المرادي بصدر رحب ، سألته طب منا بتألم دلوقتي ازاي عايزني استحمل عشان بعدين ! قالي "عشان انت النهارده اتخدعت سنة ، انما بعدين هتبقى اتخدعت عمرك كله" !

بعدين فهمت قصده ، فهمت لما عرفت انه فيه حاجات لازم نحسمها حتى لو بنهايات محزنة ؛ بس كونها انتهت دا في حد ذاته closure كويس !
الخوف ان الدنيا تسرقك وتفضل في علاقة بتستنزفك ؛ توهمك كل يوم انه فيه أمل ؛ تخدعك بالأمل وهيا في الحقيقة بتشدك لتحت ، وبتخليك واحدة واحدة نسخة قبيحة منك !

الخوف من الخسارة بيخلينا نخسر اكتر ، اللي بيبص تحت رجليه عمره ما هيشوف المكسب البعيد ، في كل مرة بتحسم فيها موضوع بيأذيك افتكر دايماً انك الكسبان ، وان مفيش خسارة اكبر من خسارة نفسك ، ولا فيه مكسب أكبر من راحة بالك ، وان وجع مره ولَا كل مره !