نفسي اكمل حياتي مع شخص يهتم بتفاصيلي و يشاركني لحظاتي السعيده و الحزينه ،شخص أكون أنا الأهم و الأولي في حياته ،زعلي ميهونش عليه ،وجودي يفرق معاه و في يومه ،يحسسني اني استاهل و اتحب و استحق التقدير ، يكون حنين عليا و يستوعب تقلباتي المزاجيه ،انام كل يوم و انا مطمنه علشان هو موجود

لما اعاتبه و ازعل بسببه يهد الدنيا علشان يراضيني و يراضيني بالفعل مش بالكلام و ميكررش الي بيدايقني ، يحترم عتابي و يعرف انه معناه محبه ، لما احتاجله يقف جنبي و يسد ، اقدر اعتمد عليه و انا مطمنه انه هيبقي اد ثقتي و اعتمادي ده

يقدر مخاوفي و ضغوطاتي و مشاكلي و حياتي ، ياخد رأيه في كل الي يخصه و يسمعني و يطمني ، يحل معايا مشاكلي و لو غلطت يصلح الغلط مش يعاقبني عليه و يطمني ، يحتويني و يطمني و يطمني و يطمني

شخص اكون مطمنه و انا معاه ، ماليه عينه و قلبه ، مش مخليني اشك ف تصرفاته او دماغي تسحلني ف تبرير مواقفه او اسأل نفسي كل خمس دقايق هو بيحبني ولا لا ، شخص عايزني فعلا و بيعمل كل حاجه عشان يوصل انه يبقي معايا و يكون مقتنع ب ده من جواه مش مجرد كلام