مـشـروع الـعـبـايـات‼️
هذا الثريد بيكون مرجع لكل بنت حابه تسوي بزنس عبايات 💡💸
إذا كنتِ أول مره تشوفين حسابي 🙋🏻‍♀️
أنا أسماء و حسابي تعليمي للتجارة الإلكترونية..💸
تمنياتي لكم بتحقيق الأرباح💰
و تسعدني متابعتكم 🤍

بزنس العبايات أكثر مشروع تجي عليه أسئلة و عليه إقبال و منافسة ، و رغم إن المنافسة فيه كبيره لكن أشوف نسبة النجاح ايضاً فيه كبيره بإذن الله 🙏🏻
في حال كان عندك شغف لهذا المجال
و عرفتي كيف تتميزين و كيف تبدين صح
و كيف تسوقين لمشروعك❕
طيب وش راح نحتاج في مشروع
العبايات ‼️
▫️نظامياً :
١- وثيقة العمل الحر + حساب بنكي تجاري مرتبط بالوثيقه ✅
٢- متجر إلكتروني+توثيق المتجر بمنصة الأعمال ✅
▫️حسابات للمشروع في منصات التواصل الإجتماعي:
١-إنستقرام
٢-تيك توك
▫️تصميم الهويه التجارية و المتجر :
إذا عندك ميزانية صممي هويتك و متجرك عند أحد المصممين ، لكن إذا ماعندك ميزانية صممي بنفسك من خلال تطبيق كانڤا .

▫️العبــايــات :
فيه طريقتين إما جاهزه ✅
أو تصممين وتخيطين عند خياط ✅
١-العبايات الجاهزة و تضيفين لها ليبل أو لوقو مشروعك .
من وين العبايات طيب ! عندك أسواق المعيقلية ، سويقة ، السويلم ، اوشيقر في الرياض .
إذا كنتِ خارج الرياض أبحثي عن أسواق الجملة في مدينتك ..
٢- تصميم العبايات :
الأقمشة أيضاً من أسواق المعيقلية ، سويقة ، اوشيقر ، السويلم .
لكن خذي القماش بالمتر في بداياتك و لاتاخذين رول كامل أو طاقة ، إذا بدت تجيك طلبات خذي رول كامل ، لإن الرول أو الطاقة تكفي من ٧ إلى ١٠ عبايات تقريباً ،
و بعض الأنواع تكفي إلى ١٢ عباية .

طيب كم أخذ متر للعباية الوحده‼️
على حسب الموديل ، يعني مثلاً الكلوش العادي ٣ متر ، و دبل الكلوش ٣ ونص تقريباً ، و البشت ٤ متر ونص ، القصة العادية من ٢ إلى ٣ متر ..
و إذا صممتي موديل و ماتعرفين كم متر بالضبط ، وري الخياط الموديل و المقاس
و قولي كم يحتاج متر ؟
بالبداية نصيحتي تبدأين ب ٣ موديلات فقط كحد أقصى ✅

الآن بعد ماشريتي القماش نجي للخياط :
ابحثي عن خياط شغلة صح و نظيف ، وبعده اتفقي معه على سعر ممتاز و إنك بتكونين عميلة دائمه و راح تجيبين له شغل دائم و مهم بعد تتفقين على مدة التسليم .
▫️ليبل العبايه أو اللوقو :
اكتبي في قوقل ( ليبل عبايه ) و شوفي التصاميم و قارني بالأسعار و اطلبي على الميزانية اللي تناسبك .

▫️الباكجنق :
إذا عندك ميزانية أبدعي و تفنني بالباكجنق لإنه بيكون تسويق مجاني و غير مباشر لمشروعك ، لكن إذا ماعندك يكفي تبدأين ببوكس أبيض و إستكر بإسم مشروعك
و بعد ماتنجحين سوي باكجنق خاص بمشروعك .
▫️التسويق :
شرحت في حسابي طرق كثيرة للتسويق بالمحتوى ، أبدأي بالمحتوى ثم المحتوى ثم المحتوى 💪🏻 ،
و بعد كذا أدعمي حساباتك بالإعلانات الممولة من نفس المنصات أقل تكاليف
و أسرع بالوصول ،
و بعد كذا إذا عندك ميزانية لإعلانات المشاهير أعلني لكن بعد مايكون حسابك نشط و فعال من خلال التسويق بالمحتوى و الإعلانات الممولة ✅
في النهاية تمنياتي لكم بالتوفيق و تحقيق الأرباح💰🤍