احمد عفيفي طالع بيتكلم عن القصة بتاعت توزيع الموارد الغير العادل وبالتالي يبقي مفيش منافسة عادلة بين الاهلي والزمالك واقفل القصة وخلصنا وبالتالي انتهي الموضوع شكراً وخلاص..
طبعاً الموارد اللي عفيفي بيتكلم عليها دي وهي عقود الرعاية الخاصة بالنادي الاهلي اللي دايماً وابداً بتبقي اعلي باذن الله من عقود نادي الزمالك ، عفيفي بيشوف ان دي من ضمن الموارد ، موارد لازم تتوزع بالتساوي بين الاهلي والزمالك ، وبيضرب الامثلة بالاندية اللي برا..
ولما احنا بنرد ان شغل ادارات الاهلي المتعاقبة علي مواضيع التسويق دة خلي وضع الاهلي في حتة مختلفة عن الزمالك غير ان الاهلي كسلعة تسويقية افضل بكتير من الزمالك بيقولك لا دة كلام فاضي وهو تفضيل، وكان النادي من دول لازم ولابد يطلع في الوجود يتقاله خد دي عقود رعاية وتسويق كبيرة..
محاولة التغاضيعن الفروق بين الاندية كسلع وبراندات كان ممكن يتفهم اول الالفية مثلا ، لكن لما نيجي نقوله دلوقتي دة اسمه تدليس ، وكأن مانشستر يونايتد كبراند وعوائد في التسويق والادارة مش اكتر بكتير من غريمه الاذلي ليفربول مثلا ، ودة لية عشان في ادارة اشتغلت علي دة بصورة انجح..
طيب هل مانشستر يونايتد كبراند كبير وضخم ومن اكبر براندات الاندية الرياضية في العالم متأثرش بالفشل الرياضي اللي بيحصل في الملعب مثلا؟ لا اتاثر قطعاً ورغم كل موارده الضخمة والجبارة دي برضو اتاثر لانه بقاله سنين بيخسر بطولات واوقات مبيتاهلش للمشاركة حتي في البطولات الاوروبية الكبيرة
النجاح الرياضي عامل مؤثر مع الشعبية بالسلب والايجاب،السيتي زمان كان زي لما بينافس علي بطولات؟ اكيد لا ، طيب هل السيتي حاليا هل زي اليونايتد مثلا كبراند في انجلترا؟ برضو لا ، طيب لية لان في فروق في الجماهيريه والشعبية وكذلك في العمل علي صناعة البراند الكبير دة لسنين وسنين طويلة..
لكن احنا نادي الزمالك ، هنبقي نادي مليان صراعات ادارية ، وقضايا ، وناس بتسب وناس بتلعن ، وناس مسئولة في بعض الاحيان بتوصل انها تقتحم النادي علي بعض ونجيب ناس تضرب ناس وضرب نار وسلاح ابيض
، ويبقي رئيس النادي بيخش صراعات مع كل المسئولين ويسب دة ويجيب سيرة زوجات وامهات الوسط الرياضي كله واي حد واي معلن واي قناة واي لاعب واي نادي منافس واي منافس علي مقاعد الرئاسة ويمنع الناس الناجحة انها تدخل النادي حتي لما يكسبوا بالانتخابات وبالصندوق..
ويتحول الصراع دة كله لقضايا ونقض وطعون وقرف وبلا ازرق فالطرف التاني يرفع قضايا هو كمان والمجلس يتعرض لمشاكل وتراشق فيمشي شوية بسبب كل دة ويرجع كمان شوية تاني وهكذا
،، وبعدين في نفس الوقت يفشل فشل كبير في اغلب البطولات اللي بيلعبها ويبقي عدد البطولات الكبيرة اللي بياخدها يكاد لا يتخطي اصابع اليد الواحدة بالعشرين سنة والخمسة وعشرين سنة غير انه طول تاريخه اصلا بعيد كل البعد عن ابرز منافسيه علي ضوء البطولات باميال وفراسخ..
يعني لا ناجح في البطولات ، ولا قادر يصنع براند تسويقي عبر عشرات السنين اللي عدت عشان ينافس المنافس الاذلي بتاعه تسويقياً ولا قادر يخرج برا دايرة الصراع الدامي اللي سببها راجل واحد بس ،
وكمان لما الراجل دة بيتم محاولة التخلص منه في النادي بيتهموا الدولة والمسئولين انهم ضدهم وبيحاربوهم لصالح الطرف التاني ولما الراجل دة يبقي موجود ويكمل يتم نفس الاتهام لنفس الجهات انها سايبه الراجل دة عشان يفضل يدمر في النادي ولا حول ولا قوة الا بالله
ولما المنافس بيهاجم الراجل دة قطاع كبير منهم بيصطف وراه ويقول اه منه التوقيت اشمعني دلوقتي عاوزينه يمشي عشان عمل فرقة اخدت الكونفدرالية والدوري طبعا ماهو انت مش بتديني فرصة اتنفس عاوز تهدني
دول بقي العالم دي بقي ، عاوزة تكون زي النادي الاهلي في التسويق والبراند وانها تبقي بتاخد اد النادي الاهلي وزي النادي الاهلي او حتي اقل بصورة بسيطة وهما عمرهم لا اشتغلوا علي النادي كبراند ولا عمرهم قدروا يبطلوا القرف المحيط بيهم طوال عشرات السنين من صراعات لا تتوقف بسبب الاشخاص دي
، بالاضافة لفشل مستمر علي ضوء البطولات طوال اغلب السنين ونجاحات قليلة جداً لا تقارن بنفس النادي اللي عاوزين يبقوا زيه ، طيب لية وبانهي منطق عاوزين يبقوا زيه؟
هو كدة ، احنا يابا طلعنا بنافس الاهلي نبقي زي الاهلي حتي لو الواقع بياكد ان المسافة بينا وبين الاهلي فراسخ واميال في كل موقع وكل ملف من الملفات اللي تقدر تصنع براند واسم ، تلقيح جتت كدة ، وضع يد ، زينا زيهم حتي لو احنا نادي ينتمي للعصور الوسطي ادارياً
والا هلقح جتتي عليك واقول انك بتجامل الاهلي علي قفايا وكدة كدة مفيش منافسة عادلة عشان ابرر لنفسي كل الفشل اللي انا بفشله قدام المنافس بتاعي..
والفشل دة مش سنة ولا مرة ولا اتنين ولا عشرة ، دة انكسار دائم من يوم ولادة الضي ومن يوم وجود كرة وانا متاخر عنه وبخسر قدامه في كل مجال وكل شئ ودايماً وابداً انا جاي وراه وعمري ما كنت قدامه ، بس هبرر كل الفشل المريع المزري دة بان مفيش منافسة عادلة..
مفيش عدل ، لموا الكراريس ،
من طرف اخوكوا العفيفي..
من طرف اخوكوا العفيفي..
جاري تحميل الاقتراحات...