من كام يوم واحدة معايا في السكن اغمي عليها
كنت قاعدة ف الاوضة بدعي ربنا يارب ينسوا اني معاهم
لقيتهم بينادولي 😂
هاتولنا ماية بسكر يجماعة 😂
المهم بعد محاولات فوقتها اول ما فاقت جبتلها عصير قالت لا عاوزة محلول يبنتي يهديكي يرضيكي العصير كفاية
لا محلول
جابوا المحلول والكانيولا

والمفروض اني اركبها وانا عمري ما مسكت كانيولا اصلا
قلتلهم ثانية واحدة دخلت الحمام فتحت فيديو عاليوتيوب طريقة تركيب كانيولا
وخرجت ركبتها بكل سلاسة
معرفش ليه الموقف ده بيمثل حياتي كلها عموما اني دايما مش جاهزة بس برمي نفسي وزي ما تيجي

يومها كلمت بابا بليل
بابا انا ركبت كانيولا كالعاده كلمته اللي مبيبطلش يقولها "ابنتي البطلة "
لازلت والله طفل صغير بيفرح بانجازاته الصغيرة