بصورة عامة المرتبات هنا مش عالية بس بردو مش قليلة، أيا كانت ظروفك إيه لوحدك ولا معاك أسرة المرتب هيكفي بس الفكرة هتوصل لأخر الشهر باقي معاك فلوس ولا لأ، وده يوصلنا لفكرة تانية وهي هل هتعمل savings؟ لأ، بس في المقابل بتاخد معيشة كويسة وخدمات وصحة وتعليم مجاني، فالسؤال بتحوش ليه؟ 1

علشان تشتري حاجة في مصر؟ لو قدرت تعمل ده، برافو عليك. لو مقدرتش فأنت محتاج تبص لفكرة مهمة، أحنا غير جيل أهالينا، والكلام بالمناسبة برة بردو، زمان كان المرتبات مقاربة لكده بأسعار أرخص كتير فالجيل ده عمل رفاهيات أكتر، أحنا جيل هيعيش paycheck to paycheck لحد إشعار أخر، فكونك عايش 2

شهر بشهر كويس مع وجود مبلغ للطوارئ فده كويس، الهدف تكون في أمان مادي مش تتملك حاجات وتعمل فلوس، متحطش الضغط ده علي نفسك بس لو نجحت وعملت ده شاطر فعلا بس أحيانا لازم تتقبل إن ظروف العالم كله حاليا الكل بيخسر فيها فخلاص خد نصيبك من الخسارة اللي هيتمثل في إنك مش هتحوش فلوس 3

مرتبك هيخليك تبعت فلوس لأهلك؟ غالبا آه، فرق العملة هيكون في صالحك، آه مش هتوفر كتير بس مثلا تقدر توفر 100 باوند يعني حوالي 4000 ممكن تنفع مصروف لحد من أخواتك الصغيرين، مش قادر تعمل ده ساعد بأنك تشيل حاجة كبيرة معاهم، تغير كل سنة موبايل أو لابتوب لحد من أخواتك مثلا وهكذا 4

في النهاية يعني الدنيا مش غامقة يعني ومش بحر فلوس، الدنيا معقولة وكويسة وعايش مرتاح مش مضغوط ماديا لدرجة تأذيك نفسيا هنحتاج إيه من الدنيا يعني