رتبها

تصريحات وردود الثقافة
من تحت الصفصافة!
لزم التنويه
هذا المنشور يخص المصريين فقط
وغير معني بمخاطبة غيرهم من أي شعب أو جنسية أخرى. نحن نكن للجميع كل الإحترام والمودة ونتمنى لكافة الشعوب مزيدا من الرخاء و الازدهار.
أنا بخاطب حكومتي والمسؤولين فيها فقط🇪🇬
-١تابع
#مصر
#شيرين_هلال

فلو حضرتك لا تحمل الجنسية المصرية يبقى الكلام دا مش موجه لك بالمرة
أما بعد،
المصريين أصحاب أول حضارة موثقة في التاريخ العالمي بلا أدنى شك أو جدال، لأن دي مواضيع مقتولة بحث وإثبات . نركز احنا بنقول أول "حضارة" مقولناش أول "الخلق" و الفرق كبير في المصطلحين و عشان منختلفش
-٢تابع

الحضارة تعريفها المبسط:
هي النتاج الفكري والثقافي والمادي المتراكم لأمةٍ من الأمم والتي تمنحها خاصيةً مميزة عن الأمم الأخرى ، وهي نظام اجتماعي يعين الإنسان على الزيادة من إنتاجه الثقافي، وتتألف الحضارة من عناصر أربعة: الموارد الاقتصادية، والنظم السياسية، والتقاليد الخُلقية
-٣تابع

، ومتابعة العلوم والفنون؛ ولها عناصر مادية زي الآثار والمباني والقصور وعناصر غير مادية زي الفنون بمختلف أنواعها والمنتجات الثقافية زي السير والأفكار والمؤلفات وكلام كتير
ونمسك إحنا في التراث غير المادي ونقول كلمتين مهمين أوي.
-٤تابع

مكنش العالم مدرك أهمية توثيق التراث المادي قبل سنة 2003 و تحديدا لما اعتمد مؤتمر منظمة الأمم المتحدة للتربية والعلم والثقافة اليونسكو اتفاقية باريس لحماية التراث غير المادي. يعني من 20 سنة بس إبتدت الدول تتسارع لتوثيق تراثها لدى المنظمة و بغض النظر عن نوايا المنظمة
-٥تابع

من ورا الإتفاقية و شروطها اللي مش بسيطة لبعض الدول، واللي تتميز ببيروقراطية وتسلطية شبيهة بآلهة العطلة والتخوين مدام عفاف بتاعة الدور الرابع في الوزارة، إلا إن دا مينفيش أهمية توثيق عناصر التراث غير المادي لبلد تراثها الثقافي متعدد ويعتبر الأكبر على مستوى العالم،
-٦تابع

ودا لحمايته من السرقة والاقتباس ولزيادة الوعي الوطني والدولي بوجوده وملكيته لينا كشعب مصر. التوثيق بيتم بتقديم ملف متكامل بالأدلة والوثائق التاريخية اللي بتثبت حق البلد في العنصر دا. بياخد وقت مدة سنتين ومفاوضات و مراسلات و ليلة كبيرة سعادتك عشان الخبراء الدوليين المعيينين
-٧تابع

من المنظمة "المحايدين" يبتوا في شأن العنصر و يقولوا موافقين ، وساعتها بس يكون تراثك ملكك، قبل هذا الإعلان : أنت لا تملكه رسميا يا سيد!
ما احنا في عالم بتاع منظمات بقى!
فجأة في السنين القليلة الأخيرة، بنشوف عناصر تراثنا بيتم توثيقها و نسبها لمجتمعات وشعوب أخرى! واحنا قاعدين!
-٨👇

طيب من يا اخوانا المسؤول عن توثيق تراثنا : وزارة الثقافة المصرية العريقة اللي بيرجع نواتها لعهد الخديوي اسماعيل في 1870 لما بدأت بدار الكتب المصرية (دي عراقة وزارة الثقافة بتاعتنا بس)
المهم يرجع مرجوعنا لعمليات التوثيق وبتتبع ازاي بتم، هنلاقي إن الوزارة بتختار مجموعة
-٩تابع

من الخبراء "المصريين" بيكون دورهم الدراسة وتقديم الملف لليونسكو ودخول المفاوضات مع اليونسكو بإسم "مصر" ، وبعدها بيقوموا بمتابعة مراحل التوثيق. طيب إيه الفوائد من ورا تعيين خبراء و لجان و صرف بدلات سفر ومكافاءات وتعيينات؟
بعد التسجيل اللي بيتم لصالح الدولة "المصرية"
-١٠تابع

بيكون من حقها تقديم برنامج لدعم ممارسة العنصر على الأرض، وبناءا على تسجيل هذا العنصر الثقافي غير المادى بتقدر الدولة تاخد دعم وتمويل من اليونسكو بيبدأ من 40 ألف دولار لممارسة هذا العنصر!
كدة شرحنا ليه بنوثق وأهميته إيه و بدأ إمتى ومين مسؤول.
-١١تابع

طيب ليه فالكام شهر اللي فاتوا بنشوف عناصرنا الثقافية بتنسب لشعوب أخرى؟
يعني إيه الفلافل إسرائيل سجلتها لنفسها؟ حد يفهمنا الطعمية (الفلافل) أكلة يهودية من التراث اليهودى ازاي وهي مرسومة على جدران المعابد؟ الطعمية المنقوشة على جدران المقابر الملكية فوادى الملوك من آلاف السنين
-١٢👇

موضحة طريقة دش الفول وإضافة الخضراوات له وتخمير أقراص الطعمية ووقتها مكنش في يهود!!
معلش كانت فين وزارة الثقافة؟
ازاي منسوجات التلي اللي عثر عليها في المقابر المصرية ، الإمارات العربية سجلتها لنفسها في ديسمبر2022؟ التلي الموجود عندنا من 4500 سنة
-١٣تابع

على نقوشاتنا-ازاي قدرت الامارات تثبت ملكيته "بالتوثيق"؟
معلش كانت فين وزارة الثقافة؟
ندخل على أحدث عناصر التراث المصرية الأصيلة اللي جات على لسان الدكتورة نهلة إمام مستشار وزارة الثقافة للتراث الثقافى غير المادى أن مصر بتتقدم بملف "السمسمية"
-١٤تابع

لتسجيلها على قوائم التراث غير المادى المشتركة مع السعودية!
والفيديو دا بتحكي فيه مستشارة الوزارة الثقافية عن ملابسات الملكية "المشتركة" اللي اقنعتها بالتقدم بهذا الملف المصري الأصيل مناصفة والحقيقة ملابسات ملهاش علاقة بالبحث والتدقيق
youtube.com
-١٥تابع

إنما لها علاقة بهيا بنا نطلع رحلة لليونسكو!
يعني وزير الثقافة السعودي قابلها وقالها احنا كمان عندنا سمسمية ردت مباشرة بالموافقة بعد ما كنا محضرين الملف من مدة وهي ذاتها مستشارة وزارة الثقافة قالت في تصريح سابق لهذا اللقاء إن تاريخ السمسمية بيرجع للمصريين القدماء،!
-١٦تابع

لكن ، أصبحت السمسمية عنصر ثقافي مشترك!
قدمت المستشارة تبرير غريب لتسلسل الأحداث ، ودا يخلينا احنا غير المتخصصين نقدم لها صورة من مقبرة جسر كا سنب من الأسرة ال18 (1300 قبل الميلاد)، متواجدة على جدارية بتعرض في متحف المتروبوليتان بالولايات المتحدة الأمريكية
-١٧تابع

بتظهر فيهاعازفة مصرية على آلة القيثارة الوترية واللي بيرجع لها اصول آلة السمسمية الشهيرة في مدن القنال. ازاي أي دولة تقدر تقدم دليل أو توثيق لملكيتها بهذا القدم وهذه العراقة؟
قالت برضو المستشارة نهلة إن عندها توجه دولة بالتعاون مع الدول العربية و الأفريقية ،
-١٨تابع

واحنا مش ضد أي تعاون عادل يتم بشكل منصف لحقوق ملكيتنا لتراثنا، لكن للاسف المشهد ملتبس ومحتاج توضيح لأنه على صورته وعلى أد تصريحات المستشارة المحترمة شديد الغموض ومثير للريبة بالنسبة لنا!
وجاء رد د.نيفين الكيلاني وزيرة الثقافة لتوضيح تضارب تصريحات المستشارة نهلة تزيد الحيرة!
-١٩

الوزيرة بعد تعديد لمزيا و فضائل المستشارة و التغني بوطنيتها الظاهرة في التضحية من اجل الوطن قالت إن بحسب لائحة المنظمة : بتعطي للدولة توثيق لعنصرين فقط على سنتين يعني: سنة توثيق نقدم فيها الملف والسنة اللي بعدها سنة صمت، فبما إننا في سنة صمت اقترحت المستشارة اننا ممكن
-٢٠تابع

نسجل السمسمية بالمشاركة مع دول أخرى ، لأن دا مسموح به بحسب اللائحة...... وهنا في شيء جديد ظهر في تصريحات وزيرة الثقافة – إن الاقتراح بالمناصفة مع دولة أخرى يحقق توثيق "مغلوط+غير منصف"، و مش عارفين ازاي المستشارة صرحت تصريحات بالشكل دا للوزيرة والوزيرة وافقت
-٢١تابع

وأعادت على مسامعنا التصريح!
هو ازاي هيكون توثيق لو منتقص لملكيتنا للعنصر! ايه التوثيق في كدة يا سادة؟؟؟
هو أنا لما اتبرع بجزء من ملكيتي أبقى كدة وثقت؟
لو فعلا عايزين نوثق كان في تدابير ممكن تتاخد فيها شيء من فنون الإدارة و الحنكة السياسية في التعامل مع المنظمات الدولية،
-٢٢تابع

و على سبيل المثال لا الحصر:
ممكن نطالب بعمل لجنة خاصة بمصر احتفاءا و احتراما لكونها أول و أقدم وأغنى الحضارات، وبالتالي من المجحف بالنسبة لها الإنتظار في صفوف نفس الدول التي لا تحظى بهذا الثراء من العناصر الثقافية. وهنا هنكون بنحقق عدالة مش مساواه في الظلم!
-٢٣تابع

ممكن كمان يتعمل قائمة طويلة بعناصر التراث المصري غير المادي بمعرفة خبراء التراث والفنون الشعبية واساتذة التاريخ في مصر ودول مش بالعشرات يا فندم ، عندنا منهم بالآلاف ما شاء، احنا دولة غنية أوي بالكوادر والخبرات مش دكتورة نهلة لوحدها ! وتتقدم لليونسكو
-٢٤تابع

كطلب تحفظ على تقدم أي دولة لتوثيق عناصرنا لحين السماح بذلك بحسب لائحة اليونسكو وتكون كمان قائمة معلنة عشان محدش يفكر يتعدى على حقوقنا!
و قبل ما حد يتهمنا بالشوفونية أو برفض العمل الجماعي التشاركي، هقوله استناني
ومتظلمش مصر و المصريين احنا شعب حقاني
-٢٥

احنا وثقنا الخط العربي بالمشاركة مع 16 دولة عربية بقيادة المملكة العربية السعودية – عادي جدا مكنش في حساسيات ولا قولنا ازاي مصر تيجي في الوسط ولا فين الشقيقة الكبرى، بالعكس لم نبحث عن ريادة في عنصر ثقافي مشترك، عشان احنا مش طمعانين في حاجة ولا بنتربص بحد
-٢٦تابع

ومن الأخر عندنا ما يكفي من التراث اللي يارب نقدر نحصره ونحافظ عليه،معندناش نعرات ولا احنا شعب بتاع تنافر بين الأشقاء. احنا كل اللي عايزينه حقنا وبس
انما نتقاسم فحقوقنا أهي دي محصلتش قبل كدة ومش مبلوعة!
ده الفيديو اللي احنا مذكوين في ديله بس عادي
youtube.com
-٢٧👇

دا اثبات بس اننا مش بندور على معارك مع اي دولة وحابين روح التعاون.
وأخر ملف ممكن نسأل فيه : معلش فين وزارة الثقافة؟
هو ملف مهرجان الموسيقى العربية
مع تولي مدير المهرجان المايسترو هاني فرحات رئاسة المهرجان فوجئنا بتصريحات منه ملخصها إن المهرجان المعروف عنه تقديم الأصوات
-٢٨تابع

المصرية الموهوبة من فنانين الأوبرا المصرية ومعاهد الموسيقى العربية بمساندة من نجوم الطرب المشهورين بمصر والعالم العربي ، وأنه هيفتح المجال للمطربين العرب ومش هيغني نجوم المهرجان اللي غنوا السنوات السابقة ، بالإضافة كمان إن حقوق البث لفعالياته هتروح حصرا لمجموعة إم بي سي!
-٢٩تابع

كان في السنوات السابقة المهرجان بيستغل فرصة وجود فقرات لمطربين مشاهير زي مدحت صالح وعلي الحجار وأنغام وصابر الرباعي وغيرهم ويطَلع قبلهم فقرات للمطربين و المواهب الشابة من أبناءه، دلوقتي اتحرموا من فرصتهم السنوية أنهم يغنوا، واحنا كمان اتحرمنا معاهم إننا نشوفهم ونتعرف عليهم!
-٣٠👇

ليه يا وزارة الثقافة؟
احنا مش ضد تواجد الفنانيين العرب، بالعكس يشرفوا وينوروا مصر واحنا الشعب اللي نجومية أي فنان عربي بتزدهر لما بيغني له وتنتشر من عندنا وشيء يشرفنا، لكن ليه فحدث خاص زي دا نحرم ولادنا من الظهور فمهرجان للموسيقى ناجح ملكهم بتقدمه الدولة لتشجيع فنانيها ؟
-٣١👇

وبعيدا عن مدى صحة تولي الفنان هاني فرحات منصب في هيئة الترفيه السعودية من عدمه، إلا ان إدارة المهرجان بعيدة عن المصلحة المصرية اللي بتحاول توفرها الدولة من خلال وزارة الثقافة بإمكانياتها الكبيرة – اللي مش شرط تكون عندها ميزانيات ضخمة زي الموجودة في دول الجوار، لكن الحقيقة
-٣٢تابع

عندها ثروة فنية بشرية و ميراث ثقافي محدش يعرف يقيمه وبالتالي محدش يعرف يحط له رقم مناسب عشان يعرف يشتريه!
وبالرجوع للوزيرة و تصريحاتها عن الفنان هاني فرحات :
شايفة إنه اتسرع في تصريحاته و هي تصريحات بتعبر عن "أفكاره الخاصة غير المكتملة"،
-٣٣تابع

و مش بس كدة دا معندوش سلطة مطلقة في اختيار البرنامج وتصريحاته بالنسبة للوزيرة "لا تمثل شئ" معلش سيادة الوزيرة لما حضرتك شايفة إنها لا تمثل شئ ، وملوش سلطة مطلقة في اختيار الفقرات، أمال هو جاي يشتغل إيه؟ ليه بيتم إختيارهم؟
الثقافة والفن والتراث هما أحد أدوات القوة للدول
-٣٤تابع

وأصبحوا بيمثلوا نوع من النفوذ المادي بنشوفه في استغلال الدول لعناصره في الترويج لنشاطها الإقتصادي زي التسويق لأطباقها المشهورة للرواج الثقافي و السياحي.
لازم نفكر نفسنا بحقيقة غايبة أنه على مدار التاريخ و الحضارة المصرية حصل لها تجريف و سرقة من أول اليونانيين و الرومانيين
-٣٥تابع

وصولا للأوروبين واحتفاظهم بآثارنا المنهوبة لحد دلوقتي في متاحفهم العالمية واللي من غير القطع المصرية الأصيلة وتحف الفن المصري تخسر كتير، لكن مفيش شعب ولا دولة إدعت ملكيتها لآثارنا ولا لثقافتنا، بس اللي بنشوفه النهاردة من محاولات السطو على مقدارتنا الثقافية،
-٣٦تابع

وموقف وزارة الثقافة المتماهي معاه وعدم اتخاذ مواقف واضحة تحمي تراثنا سواء في ملفات اليونسكو أو في مهرجان الموسيقى أو في خطر المركزية الأفريقية ، اللي حمل لواء الدفاع عنه هو الشعب المصري
وصعب جدا التحميل على الشعب دا في معركة هذا الزمان و هي المعركة الثقافية لوحده!
-٣٧تابع

هي السوشيال ميديا هتفضل لحد إمتى تحوش الي وقع منكم و تمسك اللي كان مفروض إنتوا تعملوه؟
لو كنتوا نسيتوا ان تجريف الشخصية المصرية في الخمسين سنة اللي فاتوا إنتوا كنتو مشاركين فيه بإهمالكم وتراخيكم وانعزالكم عن الناس ، فإحنا مش ناسيين!
-٣٨تابع

لو كنتوا نسيتوا إن بسبب انعدام الثقافة والوعي بلدنا كانت هتخرب و تضيع وعليكم جزء من المسؤولية في الدرس اللي متعلمتهوش، فإحنا مش ناسيين!
وأخيرا احنا بنطرح أسئلة تخص تراثنا وبلدنا وتاريخنا اللي ملكنا كلنا ومن حق ولادنا نحافظ لهم عليه!
ونتمنى نشوف اجوبة عملية!!
بقلم
#شيرين_هلال

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة