الي يعيش ياما يشوف والي يمشي يشوف أكتر .. ده مثل مصري 100% وينطبق على كل خطوة هتمشيها في مصر ، تعالى نتمشى مثلاُ في نص البلد:
لما نمشي فى شارع طلعت حرب فى القاهرة ونعدي من قدام النادي الدبلوماسي فى التقاطع مع شارع البستان، نبقى ماشيين بالظبط فى مكان اتشال فيه الملك فؤاد
++
لما نمشي فى شارع طلعت حرب فى القاهرة ونعدي من قدام النادي الدبلوماسي فى التقاطع مع شارع البستان، نبقى ماشيين بالظبط فى مكان اتشال فيه الملك فؤاد
++
بين الحياة والموت بعد ما ضرب عليه النار أخو مراته الامير سيف الدين، وأصابه فى حنجرته، الإصابة اللى فضل يعاني منها طول عمره وخلت صوته "أجش وغريب"، لدرجة إن المصريين أشاعوا إن بعد الحادثة شالوا حنجرته وحطوا مكانها حنجرة خروف.. وإزاي تم التنكيل بكل الوسائل بالأمير سيف الدين
++
++
بعد نفيه برة مصر والاستيلاء على ثروته، وحجزه فى مصح نفسي اكتر من 25 سنة، وتهريبه بعدها من المصح علشان يروح يعيش أواخر أيام حياته فى اسطنبول.
هننزل على ميدان باب اللوق، هنا أقام الظاهر بيبرس فى المكان ده معسكر استقبل فيه أحد قبائل المغول اللى انشقت عن جيش هولاكو، واستقبلهم بيبرس
+
هننزل على ميدان باب اللوق، هنا أقام الظاهر بيبرس فى المكان ده معسكر استقبل فيه أحد قبائل المغول اللى انشقت عن جيش هولاكو، واستقبلهم بيبرس
+
وجعل المكان ده مقر إقامتهم، ومع الوقت اندمجوا وسطنا وبقوا مصريين زينا.. هنلاقي كمان بيت أحمد عرابي اللى اتصادر منه، ونفتكر قصة عرابي كلها، وإزاي فضل السنين الأخيرة من حياته يطالب السلطات البريطانية والمصرية ترجع له ممتلكاته وعلى راسها البيت ده.. عينك هتقع على قهوة الحميدية
+
+
وتفتكر إن علاء الأسواني لما كتب "عمارة يعقوبيان" كتبها على القهوة دي ، وبحاول أفهم إيه السر اللى خلى علاء الأسواني يسمي واحد من الشخصيات الشريرة والقبيحة فى الرواية باسم صاحب القهوة.. وبشوف أحمد زكي وآثار الحكيم قاعدين فى الدور اللى فوق فى القهوة فى فيلم الحب فوق هضبة الهرم..
++
++
هنتمشى لحد ميدان التحرير نسلم على طيف عمنا نجيب محفوظ في الدور العلوي لمحل غريب حل محل قهوة على بابا ، مش هنقف كتير في الميدان علشان لو وقفنا مش هنخلص حكاياته واحنا راجعين على عابدين هنسلم على شبح قهوة أسترا على ناصية محمد محمود انا كنت بابات فيها سنة 72 أسمع خطب وشعر وأغاني
+
+
لما كنا معتصمين في الميدان ضد حالة اللا سلم واللا حرب وبنطالب السادات بدخول المعركة
هنتمشى لقصر عابدين، نلاقي الخديوي اسماعيل واقف بيصرخ فيه لما بيتم مصادرته أمواله ويقول "فلوسي وفلوس عيالي"، لما احتدمت مفاوضات حل الأزمة وتعطلت على شيء أخير.. "قصر الجزيرة"
++
هنتمشى لقصر عابدين، نلاقي الخديوي اسماعيل واقف بيصرخ فيه لما بيتم مصادرته أمواله ويقول "فلوسي وفلوس عيالي"، لما احتدمت مفاوضات حل الأزمة وتعطلت على شيء أخير.. "قصر الجزيرة"
++
أو "فندق الماريوت حاليا"، الراجل اتنازل عن كل أملاكه تقريبا فى ربوع مصر واللى كانت حوالي ربع حجم الأراضي الزراعية فى مصر لكن رفض رفض تام التنازل عن القصر.. وفشلت المفاوضات وفقد الحكم للأبد لأن ده القصر الي بناة عشان يستقبل فيه حبيبته أوجيني مع انها خلعت منه وراحت اتجوزت نابليون
+
+
بس فضل يحبها وقرر يبهرها لما يستضيفها في مصر فخرب ميزانية مصر ودينها ووصلها للإحتلال في النهاية مش علشانه هو ده عشان اوجيني!
لما نعدي فى ميدان عابدين هنندهش إن ده المكان اللى مشى فيه عرابي جاي من الثكنات فى قصر النيل (فندق نايل ريتز حاليا) .. ومعاه الجنود ورجال الأزهر
++
لما نعدي فى ميدان عابدين هنندهش إن ده المكان اللى مشى فيه عرابي جاي من الثكنات فى قصر النيل (فندق نايل ريتز حاليا) .. ومعاه الجنود ورجال الأزهر
++
ووراه بيمشي قطاع ضخم من ولاد البلد بيهتفوا بحياته!.. رايحين يقابلوا الخديوي توفيق يعرض عليه مطالبه..
بشوف جموع المصريين فى انتفاضة 35 وانتفاضة 47 وهي هدفها الرئيسي الوصول للهتاف قدام القصر، بيطالبوا بجلاء الإنجليز، والاستقلال، ساعات بينجحوا، وساعات بيفرقهم البوليس
++
بشوف جموع المصريين فى انتفاضة 35 وانتفاضة 47 وهي هدفها الرئيسي الوصول للهتاف قدام القصر، بيطالبوا بجلاء الإنجليز، والاستقلال، ساعات بينجحوا، وساعات بيفرقهم البوليس
++
وساعات بيفتح عليهم كوبري عباس
تحب نروح فين تاني السيدة زينب علشان نشوف أطلال قصر اسماعيل المفتش وزير مالية الخديوي اسماعيل وصديق عمره اللى قتله فى النهاية رغم اجتهاده الضخم فى فرض الضرائب وتوفير المصادر المالية للخديوي ؟ الاطلال لسه واقفة بتتحدى الزمن..
++
تحب نروح فين تاني السيدة زينب علشان نشوف أطلال قصر اسماعيل المفتش وزير مالية الخديوي اسماعيل وصديق عمره اللى قتله فى النهاية رغم اجتهاده الضخم فى فرض الضرائب وتوفير المصادر المالية للخديوي ؟ الاطلال لسه واقفة بتتحدى الزمن..
++
ولا نروح نشوف ما بقي من فندق كونتنينتال الفندق اللى فيه بدأ التخطيط لما أصبح ثورة 1919؟، ولا نعدي من شارع الجمهورية علشان نمر قدام نفس المكان اللى طعن فيه سليمان الحلبي القائد الفرنسي كليبر، واللى النهاردة نفس البقعة بالظبط هي بنزينة مصر للبترول؟، ولا نعدي على ميدان لاظوغلي
++
++
ونشوف قهوة المالية ملجأ عرابي قبل موته، قاعد مجهول منسي بيكتب العرايض علشان يطلب مساعدة مالية؟، تحب نطلع شارع رمسيس ونعدي قدام جمعية الشبان المسلمين ؟ فيه واحد خرج أطلق النار على حسن البنا مؤسس جماعة الإخوان المسلمين ، لا تعالى نعدي بسرعة على قهوة ريش نسلم عالحبايب يمكن نلاقي
++
++
نجيب سرور أو يدخل علينا توفيق الحكيم ، نروح فين واللا فين كل ما تلتفت هتلاقي حكاية ، و تحت كل حجر حدوتة
مرة تضحك ومرة تبكي ومرات كتير هتهز راسك وانت بتقول زحمة وعفرة وفوضى واهمال بس بعشقك يابنت الإيه
مرة تضحك ومرة تبكي ومرات كتير هتهز راسك وانت بتقول زحمة وعفرة وفوضى واهمال بس بعشقك يابنت الإيه
جاري تحميل الاقتراحات...