من أجمل المقولات اللي قرأتها هي "كل الأعذار كاذبة من يريد سيستطيع".
أنا لما بيكون في حد عزيز محتاجه، بوفرله كل وقتي، لو بكلمه شات بفضل ماسك الموبايل في إيدي طالما الموضوع مهم، بحاول أفتح داتا أو ألقط واي فاي من أي مكان لو برة البيت.

لو حد عزيز عليا، والكلام معاه جميل، ممكن أسهر معاه للفجر، من غير ما أشيل هم النوم، ولو هو محتاجني في أي وقت ممكن أروحله في أي مكان، وفي أي وقت.
أنا بهتم باللي بحبهم، وشايف إن مفيش عذر مقنع، مفيش عذر مقنع خالص لو بتحب حد، إنك متديلوش كل طاقتك، وتعيشه لحظات سعيدة يفتكرك بيها.