السفر عن طريق أثيوبيا بالبر 🇪🇹
اولا مفروض توصل القضارف من وجهتك الموجود فيها سواء الخرطوم او مدني او اي منطقة، أول ما توصل القضارف تتوجه على جوازات القضارف طوالي عشان لازم تاخد تصريح سفر (فحص امني ) موضوعو ساهل ومجاني اذا اديت العسكري البتم ليك الشغل فدي حاجة ذوقية،
اولا مفروض توصل القضارف من وجهتك الموجود فيها سواء الخرطوم او مدني او اي منطقة، أول ما توصل القضارف تتوجه على جوازات القضارف طوالي عشان لازم تاخد تصريح سفر (فحص امني ) موضوعو ساهل ومجاني اذا اديت العسكري البتم ليك الشغل فدي حاجة ذوقية،
الفحص عشان يتأكدوا انك ما مطلوب جنائيًا او سياسيًا وبتحتاج ضامن من ناس القضارف، قبل ما تصل القضارف اعمل نسخة من جوازك واقامتك او فيزتك للبلد الماشي عليها وصورة شخصية.
بعد تاخد التصريح الافضل انك تبيت اليوم دا في القضارف وتسافر القلابات (الحدود) تاني يوم الفجر،
بعد تاخد التصريح الافضل انك تبيت اليوم دا في القضارف وتسافر القلابات (الحدود) تاني يوم الفجر،
عندك كم خيار في المبيت وناس القضارف ناس كرم وواجب لو ما قدرت تبيت في فندق.
السفر للقلابات من موقف الكودة تقريبا بي عشرة الف جنيه او ممكن تتفقو انتو اربعة (ممكن من الناس الحتلاقيهم في جوازات القضارف)
السفر للقلابات من موقف الكودة تقريبا بي عشرة الف جنيه او ممكن تتفقو انتو اربعة (ممكن من الناس الحتلاقيهم في جوازات القضارف)
وتأجرو عربية بوكسي(سعره 150 الف جنيه للاربعة اشخاص، ممكن اديكم رقم شخص ممتاز ومضمون ) لانو الشارع من القضارف سيئ جدا وكلو حفر، الطريق طوله 155 كيلومتر بتصل في ساعتين ونص لي خمسة ساعات حسب انت راكب شنو.
الافضل تشتري موية واكل معاك من القضارف عشان جودة الاكل هناك كعبة وغالي لحد ما وانت هناك بتكون محتاج للزمن بدل تقعد تفتش في الاكل.
اول ما وصلنا القلابات حولنا القروش لي بر 1 بر = 6.2 جنيه، في سوداني مقابل للجوازات بحول بسعر كويس ممكن اديكم رقمه اسمه عبداللطيف بلة،
اول ما وصلنا القلابات حولنا القروش لي بر 1 بر = 6.2 جنيه، في سوداني مقابل للجوازات بحول بسعر كويس ممكن اديكم رقمه اسمه عبداللطيف بلة،
وفي زول ممكن يساعدك في الخطوات دي كلها ويقيف معاك وبسهل ليك امورك لانو معروف جدا سوا للسودانين او الأثيوبيين، برضو ممكن اديكم رقمه
في القلابات اول شي بلاقوك ناس الاستخبارات والجمارك ثم بعداك ناس الجوازات بدوك ختم الخروج بعد ياخدو رسوم الف جنيه وورق الفحص الامني الاخدتو من القضارف
في القلابات اول شي بلاقوك ناس الاستخبارات والجمارك ثم بعداك ناس الجوازات بدوك ختم الخروج بعد ياخدو رسوم الف جنيه وورق الفحص الامني الاخدتو من القضارف
الموضوع دا ما بياخد زمن كتير لانو الزحمة حقت الايام الأولى خفت شديد.
بين القلابات والمتمة الأثيوبية كبري يمكن طوله عشرة متر بس قبل ما تقطع الكبري بي رجولك في ناس درداقات بياخدو منك قروش عشان يقطعوا ليك شنطتك.
بين القلابات والمتمة الأثيوبية كبري يمكن طوله عشرة متر بس قبل ما تقطع الكبري بي رجولك في ناس درداقات بياخدو منك قروش عشان يقطعوا ليك شنطتك.
اول ما تقطع الكبري بلاقوك ناس الامم المتحدة بقيسوا ليك درجة الحرارة وما بياخدو زمن كتير المهم بعداك بتدخل الجوازات الأثيوبية عشان يدوك فيزا لي اثيوبيا بتكلف 80 دولار وما بقبلوا الا دولار عديل لا بر أثيوبي ولا جنيه سوداني وبلصقوها ليك في الجواز وبرضو ما بياخدو زمن
( دا في حال عندك اقامة او فيزا لي بلد تاني )بعدهم الجمارك الأثيوبية ولو معاك اكتر من ثلاثة الف دولار وعايز تطلع بيها من اثيوبيا افضل تعمل افصاح عنها، ودي كانت أسوأ خطوة في الرحلة كلها لانو مكان ضيق وجايط وغير منظم والناس متعنتين وعشان الزحمة بكون في حرامية اعمل حسابك منهم.
بعدها بتتوجه للمواصلات وكلها هايسات ودي برضو فوضى ومافي سعر معين لكن عموما سعر الشخص الواحد بين 500 بر لي 1000 بر، السفر بيكون في شكل طوف وبتتقدمو عربية فيها عساكر من الجيش الأثيوبي عشان الحماية وكده بقولو لسه في باقي حرب بين القبائل والحكومة لكن نحن ما لاقتنا حاجة،
الشارع مافيهو مشكلة لولا توقف الفوج بسبب ناس الجيش (بي سبب التوقف الاجباري دا شربنا في الشارع في اظبط جبنة في حياتنا حسب كلام علي ماهر 😁) ممكن تصل قوندار في ساعتين بس لكن نحن وصلنا تقريبا في خمسة ساعات،
من تمشي نص المسافة الجو بتغير معاك جدا وببقى بارد والطبيعة حولك شكلها بتغير لحدي ما تدخل قوندار.
بعد تصل قوندار غاليا حتصل بعد الساعة 5 مساء واللي هي مواعيد اخر طيارة لي اديس لكن ما تقلق قوندار مدينة جميلة وكبيرة وآمنة تعتبر عاصمة اقليم امهرا فيها فنادق ممتازة وباسعار ممتازة جدا،
بعد تصل قوندار غاليا حتصل بعد الساعة 5 مساء واللي هي مواعيد اخر طيارة لي اديس لكن ما تقلق قوندار مدينة جميلة وكبيرة وآمنة تعتبر عاصمة اقليم امهرا فيها فنادق ممتازة وباسعار ممتازة جدا،
تاني يوم عندك خيارين عشان تسافر لي اديس يا تمشي بالبر او تركب طيران والأفضل وآمن الطيران وممكن يكلفك حوالي 80 دولار فقط( الواحد دولار = 100بر في السوق الاسود و = 54.5 بر في البنك )،
الناس المسافرين لي دول ثانية وما عندهم رغبة في دخول اديس ابابا ممكن يقطعوا تذكرة من قوندار لي وجهتهم النهائية كونكشن في اديس عن طريق الخطوط الأثيوبية، انا واصحابي المعاي سافرنا اديس اول قعدنا كم يوم حتى سافرنا فيما بعد انا وصلت الامارات الحمدلله وعلي ماهر واسرته وصلوا الصين.
اما الناس البتسافر اديس أول وحابين يقعدوا فيها كم يوم حيتفأجوا مفاجأة جميلة جدا انو اديس ابابا مدينة جميلة وآمنة والجو فيها خرافي وبنيتها التحتية برضو ممتازة وفنادقها مرتبة ونظيفة وحتى الناس في اديس راقيين ومعظمهم بتكلموا إنجليزي وبعضهم بعرف عربي بس ما كتير ولحدما ممكن تكون رخيصة
عشان البوست ما يبقى طويل اذا في اي أسئلة اخرى عن اديس او الرحلة عموما اكتب في التعليقات تحت وانا برد ليك ان شاء الله حسب معرفتي.
ربنا يحفظ السودان واهلنا ويولي من يصلح
حتما سنعود ان شاء الله ويعود السودان وطنًا عزيزًا آمنًا يسع الجميع 🇸🇩❤️
الصور صورتها من اديس ابابا 🇪🇹❤️
ربنا يحفظ السودان واهلنا ويولي من يصلح
حتما سنعود ان شاء الله ويعود السودان وطنًا عزيزًا آمنًا يسع الجميع 🇸🇩❤️
الصور صورتها من اديس ابابا 🇪🇹❤️
جاري تحميل الاقتراحات...