رتبها

الجمال ده ده مهدد بالإزالة!
مع الأسف عدد مهول من المقابر سيتم إزالتها أكيد في حل للحفاظ على الآثار الغير مسجلة وعرضها في متاحف بما يتناسب مع قيمتها الفنية والتاريخية وإنقاذ هذا الإرث الإنساني وقبلها رفات الموتى... شئ محزن 👇

دي مقبرة أحمد حشمت باشا من مقابر منطقة الإمام الشافعي التى سيتم ازالتها لمد طريق صلاح سالم

في مبادرة عملها شباب اسمها "توثيق وانقاذ الاثار الغير مسجلة بمشروع تويعة صلاح سالم" للأسف محتاجين مساعدة

بدل ما يهدمها ببلدوزر يتم تقطع واجهات هذه المقابر وشواهدها وفن الخط العربى اللى فيها بحرص ويجمعها فى متحف فى مصر؟ طيب الأحسن ان متاحف العالم تيجى تسرقهم وتقطعهم بمعرفتها وتاخد اللى تاخده مثلا عشان نشوف معمار مقابر مصر فى متحف المتروبوليتان ولا برلين؟!
ده ضريح محمد راتب باشا👇

للتذكرة جزء من بوابة عشتار تم إعادة تجميعها فى متحف فى برلين وبقيتها فى المخزن بتاع المتحف! واتوزع أجزاء تانية لمتاحف تانية حول العالم واحنا مش عارفين نختلق متحف لشواهد ومعمار مقابر مصر اللى مضطرين نهدها

اكتشاف وإنقاذ شاهد عبيدة ذو ال١٢٢٣ عاماً!
بإكتشاف الأستاذة سارة حسن (كاتبة سيناريو من المشاركين في كتابة مسلسل رسالة الإمام الشافعي) لشاهد قبر أثري غير مسجل لسيدة تُدعى عُبَيدة إبنة كامل القُرَشىّ ، يوم الخميس ١١ مايو ٢٠٢٣.
بعدما تم اكتشافه بمحض الصدفة 👇

تنظيف أثر تم إنقاذه يتخطى عمره ١٤٠ سنة!كامل النص التأسيسي الأثري لحوش "حسن أفندي حسبي" المؤرخ بسنة ١٢٩٧ هجرية الموافق ١٨٨٠ ميلادية أي من أوائل عهد الخديوي محمد توفيق باشا. 👇

وده طربوش رخام تم إنقاذه
في النهاية أنا لا اهاجم التطوير ولا المشروعات فقط يجب استغلال هذا التراث والتعامل معه بطريقة أكثر دقة وإحترام مما يحدث... هل ده معقول 😢

مدفن "محمود سامي البارودي"رئيس الوزراء و وزير الحربية وأحد رموز ثورة عرابي، كان شاعر كبير لهذا لُقب برب السيف والقلم.
البارودي مات ١٩٠٤يعني المدفن ده عمره تجاوز ال ١٠٠عام يعني أثر
المدفن ده طالته يد التطوير والهدم وخلال أيام هيختفي للأبد وتم وضع علامة الهدم عليه ⭕👇