في الثيرد ده هحكي عن تجربه حقيقية عيشتها و هنهي كلامي بمفاجأة في آخر البوست متنساش تكمل للآخر ☺️🙏
التجربة دي كانت في فترة أولي مدني
أكتر فترة كان عندي فيها طاقه إيجابية كبيرة جدااا
جويا طاقة ان اتعلم كل حاجه و اخد كورسات فى كل حاجه فى تخصصي (مدني)

آخر الاجازه اللى بعد سنه أولي مدني كنت طالع منها وانا واخد
كورس اتوكاد
7 مستويات انجليزي من جامعة المنصورة و مراكز خارجية
كورس ICDL
تدريب عملي
و بخصوص التدريب العملي ده بالذات شوفت فيه الويل افتكر لما كنت بنزل منطقة لسه بتتبني جديد و امر على كل العمارات اللى بتتبني
تابع..2

كنت ادخل اي عماره الاقيهم شغالين في حاجة مختلفة اسال على المهندس الموجود و اقوله انا عايز اتدرب مفتكرش ان حد فيهم رفض في مره بالعكس كان بيكون فى ترحيب و ليا كلام عن الموضوع ده هقوله كمان شويه
تابع..3

كنت بقضي اجازة الصيف تقريبا كلها بره البيت اطلع الصبح بكشكول من الساعه 7 صباحاً تقريبا مرجعش غير 7 باليل لف فى مواقع مختلفه مابين خرسانات و تشطيبات و من كورس للتاني
الجميل بقا فى الموضوع ان الفترة دي طلعت منها بمعارف من المهندسين اللى كنت بتدرب معاهم و لسه على تواصل معاهم
تابع..4