&&- لأحمد فهد العريفي ، في حب مدينته حائل - ١٤١٠ هـ - 1️⃣:
يابو هلا لاجيت شقرا جديله ... بنت الجبل فاذكر لها ماجرى لي
عنود عندل ماتخلي خليله ... رمز الوفا وأسمى معاني الجمالي
أحبها والحبّ شوقي دليله ...

&&-2️⃣:
....
أحبها والحبّ شوقي دليله ... يشهد عليّ بالحبّ من شاف حالي
فيها على كلّ الصبايا نفيله ... عشاقها باشواقها ما تبالي
نجدية من شامخات القبيله ... ولها من حيود الطنايا رجالي
يا ديرتي يسقي ثراك المخيله ... ياماكر جدودي، وديرة خوالي
..

&&-3️⃣:
....
الموقدة لضيوف حاتم دليله ... نارٍ ٍ لها بالنايفات اشتعالي
حاتم صخا للضيف سيفه وخيله ...عادة هل العليا قديم ٍ وتالي
وعنتر عذاب الخيل هذا مقيله ... فوق النعي هالوا عليه الرمالي
وعدي وزيد الخيل هذا مقيله ... وهذا حمى بقّار مرو السلالي

&&-4️⃣:
.....
ودار المهادي يوم يوفي عميله ... وجشعم، وزقام ، بعاد المدالي
والشبرمية يوم تمنع دخيله ... ودار أخو خنسا وابو زيد الهلالي
شمّر هل الردات، ويا قبيله ... وربوعنا الحجلان ويّا رجالي
.....

&&-5️⃣:
....
وقت الرخا مايرخصون الكحيله ... وبالضيق ماتسوى الكحيله ريالي
مثايل ٍ قلته بشقرا جديله .... بنت الجبل حايل عروس الشمالي.!/