بالنسبة للناس الجات مصر، واولاد الحرام طبعا مامقصرين وضاربين الناس في فرق الاسعار والناس مسكينة دايرة تفك قروشها عشان تاكل وتشرب وتسكن وماعندها زمن للسؤال الكتير وفي ناس فيهم اول مرة يجو مصر وخصوصا بعد انا سمعت قصة الزول الفكو ليهو الجنيه المصري بحساب (٣٠)
وهو كان بي (١٤) زعلت ليهو اكتر منو زاتو. ف الكلام دا توضيح بخصوص تبديل العملة من الاخر كدا:-
⁃الناس مقسومين لي تلاتة حاليا: جزو قروشو دولار (او اي عملة أجنبية) وداير مصري، جزو عندو سوداني (بنكك) وداير مصري، جزو عندو مصري او سوداني (بنكك) وداير دولار (ودا نادر جدا).
١- ماتفك عند زول مابتعرفو نهائي، حاول قدر الامكان تفتش زول عن طريق معرفة.
٢- لو رشحو ليك كم زول عن طريق معرفة، اسألهم كلهم كتير ووضح المبلغ الداير تفكو، لانو كل ماكبر المبلغ كلما ادوك سعر كويس.
٢- لو رشحو ليك كم زول عن طريق معرفة، اسألهم كلهم كتير ووضح المبلغ الداير تفكو، لانو كل ماكبر المبلغ كلما ادوك سعر كويس.
٣- حاليا في الفترة الجاية حيحصل تعويم للجنيه المصري، ف قدر الامكان احتفظ بي قروشك دولار ما جنيه مصري نهائي.
٤- ممكن تفك في الصِرافة عادي ماضروري تمشي السوق الاسود، بس ركز انو هم ممكن يفكو ليك دولار لكن مابدوك انت دولار (نادر جدا جدا) وطبعا سوداني مابشيلو منك نهائي والحاجة التانية فرق السعر طبعا من السوق الاسود.
٥- عليك الله لمن تجي عاوز تفك، اسأل وفِك قروشك في نفس اليوم، وما تسأل وتنوم وتجي بكرا تقول (امس ماكان بي كدا؟) السعر كل يوم بتغير لكن الحاجة الكويسة التغير مابكون كبير شديد زي السودان، لكن برضو الضمان امان.
٦- اذا انت مابتعرف زول نهائي وخايف على قروشك انا ممكن اوصلك بي الزول البتعامل معاهو بي السنين وبتتعامل معاهو اسرتي كلها وان شاء الله هو مابقصر معاك ابدا ابدا. (وزول ثقة يعني ماعرفتو اول امس في السوق ولا سمعت بيهو عند زول).
٧- ممكن هو يوصف ليك تجيهو في حتتو او اذا انت مابتقدر تصل او مابتعرف او خايف تشيل معاك قروش في الشارع هو ممكن يصلك لي باب بيتكم (ودا انا تعاملي معاهو كدا).
٨- قاعد اتعامل معاهو بي (بنكك او دولار وبديني جنيه مصري)
٩- لو انت داير تفك Please DM me ولا أنا ولا هو مابنقصر معاك ان شاء الله.
٩- لو انت داير تفك Please DM me ولا أنا ولا هو مابنقصر معاك ان شاء الله.
١٠- قروشك دي انت مالاقيها في الواطة خليك حريص عليها وعلى نفسك وماتخلي زول يغشك بالساهل كدا. و ربنا يبعد عننا وعنكم الحرامية وتجار الأزمات.
جاري تحميل الاقتراحات...