الناس اللي علاقتهم مع زوجاتهم او الشخص اللي مخطوباله متوتره ؛ واللي عندهم قلة توفيق في دراستهم وإمتحاناتهم ؛ اللي مفيش فرحه او خطوه ايجابيه في حياتهم بتكمل ؛ اللي بيوتهم بتقلب خناق ومحدش طايق التاني ؛ واللي تعبانين نفسيًا وجسديًا وعندهم كسل وضيق مستمر وإكتئاب وقرف من كل شيء !
في إحتمالين للي بيحصلكوا
الاول إنكم بتعملوا ذنوب ؛ ف زي ما المزيل بيمحي العرق ويقضي عليه كذلك مزيل ذنوبك هو الاستغفار ؛ بُخ بخة إستغفار يومي تضيع بيه روايح ذنبك اللي مسيطره علي قلبك لحد ما تدلدق علي شخصيتك اللي بقت مليانه مشاكل ، وبكده كل حاجه تتسلك مهما كانت متلعبكه بإذن الله !
الاول إنكم بتعملوا ذنوب ؛ ف زي ما المزيل بيمحي العرق ويقضي عليه كذلك مزيل ذنوبك هو الاستغفار ؛ بُخ بخة إستغفار يومي تضيع بيه روايح ذنبك اللي مسيطره علي قلبك لحد ما تدلدق علي شخصيتك اللي بقت مليانه مشاكل ، وبكده كل حاجه تتسلك مهما كانت متلعبكه بإذن الله !
أما الاحتمال التاني ؛ واللي انا شخصيًا برجحه ؛ إنكم محسودين ، علي رأي المثل "العين فلقت الحجر" وفي واحد من الصحابه مات بسبب نظرة حسد ؛ ممكن تحسد نفسك وتحسد اللي حواليك وإنت مُش داري ! اي حاجه تشوفها قول ماشاء الله دي جميله ؛ خلي ما شاء الله دايمًا ملازمه لسانك !
الناس المحسوده محتاجه حل يخلصها من اللي هي فيه ؛ يكفيها شر عنين الناس اللي زي السكاكين بتدبح اي فرحه ومتخليهاش تعيش للآخر ؛ حتي ليلة العيد تلاقي فيها نكد وخناق ! اي مناسبه تقلب بغم ؛ بتعمل اللي عليك والجوازه مبتكملش ! مبتتوفقش في شغلك !
ده الحسد يا جماعه ..
ده الحسد يا جماعه ..
النبي صلي الله عليه وسلم قال "إن كُل ذي نعمه محسود" اي حد ربنا رزقه بعيال ، بجمال ، بصحه ، بزوجه صالحه ؛ بأي نعمه مهما كانت ؛ مُعرض للحسد ؛ الحسد عامل زي النار ، والمحسود لو محاوطش نفسه النار هتشبط فيها !
في الشتا بتلبس جاكت عشان تحمي نفسك من السقعه ؛ طب أعمل اي عشان احمي نفسي من الحسد وأخلص من اللي انا فيه ؟! إستمر علي قراءة المعوذتين "قل اعوذ برب الفلق ، قل اعوذ برب الناس" إقراها كتير ؛ إبني حصن منيع يمنع عنك عيون الناس وحقدهم وحسدهم !
كل لما تقرأ ؛ كل لما السور يعلي وتحتمي أكتر وتدّفي بالستر اكتر والارتياح وهدوء الاعصاب والاوضاع يزيد ، ولو عاوز السد يبقي منيع ؛ خلي غيرك يقرأهم عن طريقك ويحصن نفسه لانك هتاخد ثوابه فترتاح بسرعه !
الصقر بيبني عشه بعيد وصعب حد يطوله ويهدمه ؛ خليك زي الصقر ابعد عن عيون الناس ومرض نفوسهم ؛ بالمعوذتين ، ويبقوا يقابلونا لو حاجه اثرت فيك ، عيونهم زي الطوب وإنت زي السما ؛ عمر طوب حسد عيونهم ما يوصل لسما شخصيتك وحياتك ، ولا يأثر فيك !
بس طبعا ناخد بالاسباب ؛ مينفعش اقعد ومذاكرش واقول انا محسود ، مدورش علي شغل واقول أنا محسود ! متمرمغ في الذنوب واقول تعبي بسبب إني محسود ، ميبقاش الحسد شماعه بعلق عليها كُل حاجه !
وهكذا بقي علي كل حاجه ، وتأكد تمامًا إنك عظيم .. ناجح .. فيك حاجه حلوه حتي ولو مكنتش شايفها ؛ كمان الشيخ الشعراوي قال حاجة لطيفه جدًا
"إذا لم تجد لك حاقد فإعلم أنك فاشل" !
"إذا لم تجد لك حاقد فإعلم أنك فاشل" !
جاري تحميل الاقتراحات...