عارفه لما يتقدملك عريس كنتي بتحلمي بيه طُول عُمرك ، الناس كلها بتشوفه محترم وذوق وجنتل بقي ، وانتي متزوقه وعلي سِنجة عشره ، وهو قاعد بيضحكلك ومتأيف ، وتدخلي تقعدي وفرحانه بقي آخيرا فاضل علي حلمك خطوه ؛ عريس لُقطه ، واهلك واهله اتفقوا وقروا الفاتحه !
وبعد شهر من الخطوبه من الشخص اللي ظاهريًا كويس ومحترم ، يحصل بين اهلك واهله خلاف ويطلعوا قيحه رغم ان حالهم ميسور ويختلفوا ف وجهات النظر ؛ ف ابوكي يقولك سيبيه ، وبعد كلام بين ابوكي وبينك تسيبيه وانتي مش راضيه !
وتمر الايام ربنا يبعتلك واحد يصونك ويضحي عشانك بكل شيء والشاب اللي سيبتيه ؛ يتجوز واحده ويطلقها بعدها ب اقل من ٦ شهور لانه كان بخيل وبيهينها وبيطلع اسرارهم لاهله ويدخلهم بينه وبينها فتكتشفي ان ابوكي كان معاه حق، وانه يستحيل يضرك ولا امك تحب تتعسك بس هما ادري واعقل منك ف الاختبار
وانتي الشخص اللي تتجوزيه يراعي ربنا فيكي وتحمدي ربنا فعلاً انك ماخدتيش الشخص الاول لانك كنتي هتندمي العمر كله وساعتها تفتكري مقولة احلام مستغاني "ربما تحزن لانك فقدت شخصًا كنت تعتبره نجمًا من نجوم السماء ولكنك لاتدري ! فربما فقدته ليعوضك الله بالخير ويجعل من نصيبك القمر " !
الله يرحم الدكتور مصطفي محمود ؛ بيقول انه يعرف شاب كان بيدرس لسه في الكليه ، كان الشاب واقف بيدردش مع صحابه قدام الكُليه ، وهما واقفين يضحكوا ويتكلموا لا بيهم ولا عليهم ؛ جت عربيه صاحبها سكران بعزم قوتها وسرعتها وشاطت الشاب دا وطيرته من علي الارض ، وفضل ينزف من جنبه
طلبوا الاسعاف وبسرعة دخل العنايه المركزه ، فتحوا جنبه لقوا كليته بتنزف بشده ؛ شلال دم نازل من جنبه ؛ الدُكتور قال لازم نعمل عمليه ونشيل كليتك ، لاما هتموت ف اقل من ٥ دقايق ! هاه تعيش بكليه واحده ؟ ولا تموت وانت بتنزف ؟
الشاب فضل يصرخ ويبكي ويقول شيلها يا دكتور وامري لله
الشاب فضل يصرخ ويبكي ويقول شيلها يا دكتور وامري لله
شالوا كليته والشاب كان في حالة صمت رهيب بعد العمليه ، وحُزن مسيطر عليه كُليًا ؛ الدكتور دخل علي الشاب بعد العمليه ب ٣ ايام وقاله : انت مؤمن بالقضاء والقدر ؟ قاله ايوه يادكتور مؤمن بيه ؛ عربيه تيجي تخبطني انا دونًا عن جميع الناس وقدري اني اعيش بكليه واحده !
الدكتور قاله احنا لما شيلنا كليتك لقينا فيها نسيج مُختلف عن شكل الكليه العاديه قولنا نعمل اشعه لقينا انها كانت بدايات لمرض السرطان وكان من المُستحيل نكتشف دا الا بعد لما يتمكن منك المرض ! او بمعني اصح بعد فوات الاوان !
الشاب قاله يعني حضرتك عاوز تفهمني ان ربنا اختار اني اتخبط في جنبي دونًا عن جميع الناس بقدره وقضائه عشان تشيلوا كليتي اللي فيها سرطان واعيش !
قاله فعلا دي الحقيقه ، الاعمار بيد الله بس لو مكنتش اتبخطت وشيلنا كليتك كان زمانك دلوقت في تعداد الاموات ، سنه بالكتير كنت انتهيت !
قاله فعلا دي الحقيقه ، الاعمار بيد الله بس لو مكنتش اتبخطت وشيلنا كليتك كان زمانك دلوقت في تعداد الاموات ، سنه بالكتير كنت انتهيت !
ربنا رحمته واسعه ، ويستحيل يضر الا لنفع اكبر ، وحرمك من كليه واعطاك قصادها عُمر تعيشه ؛ ربنا بيقول كل شيء معمول حسابه بالملي "وكل شيء خلقناه بقدر "
- " هذا المُنحدر الذي حطمك وكسر فيك كل شيء ، ستشكره في يوم ما ..! "
- " هذا المُنحدر الذي حطمك وكسر فيك كل شيء ، ستشكره في يوم ما ..! "
لما ربنا حب يختبر سيدنا ابراهيم في ايمانه ويشوفه هيطيع اوامره ولا لاء ، وكان يوميًا يخلي سيدنا ابراهيم يشوف في منامه انه بيدبح إبنه اسماعيل ! وكأنه بياخد أمر مُباشر "إدبح ابنك " ، حِزن حُزن شديد ، وابنه يقوله "إفعل ما تؤمر ستجدني ان شاء الله مع الصابرين" !
سيدنا ابراهيم مبينطقش ، وسيدنا اسماعيل ماشي بسرعه وثبات ، ووصلوا مكان بعيد ونام سيدنا اسماعيل علي بطنه ، وسيدنا ابراهيم ماسك السكينه عشان يدبح ابنه ، ولسه بيرفع السكينه وهينزلها علي رقبته ويضحي بيه ؛ ربنا نزل من السما كبش ضخم بقاله ٥٠٠ سنه متربي ف الجنه علشان ينزل في اللحظه دي
ويجي قصاد السكينه وهي نازله ويتدبح بدل سيدنا اسماعيل ويفديه من الموت ! ويتقلب حُزن سيدنا ابراهيم لفرحه ، ويتسمي للمسلمين عيد الاضحي ، وينجح ابراهيم في الاختبار ، ويأّكل الفقرا كل سنه من ضحية العيد ومفيش حد الا لما ياكل من لحمة العيد ، والبركه تُعم ووش سيدنا ابراهيم ينور من الفرحه
وكأن ربنا بيقوله أردت ان اختبر ايمانك وصبرك فلما نجحت في الاختبار أبهرتك بكرمي وادهشتك بعطائي !
فعلاً الانسان لو عرف ربنا مدبرله اي في الغيب لكان داب زي الشمع في حُب ربنا تبارك وتعالي ، صدق الله "وعسي أن تكرهوا شيء وهو خير لكم" !
فعلاً الانسان لو عرف ربنا مدبرله اي في الغيب لكان داب زي الشمع في حُب ربنا تبارك وتعالي ، صدق الله "وعسي أن تكرهوا شيء وهو خير لكم" !
كُل انسان ناجح لديه قصة مؤلمة وكُل قصة مؤلمة لها نهاية ناجحة تقبل الألم واستعد للنجاح !
ربنا اسمه الضار النافع ؛ بيضُرك ضرر بسيط بس عشان يحميك وينفعك من انك تقع في بلوه سوده ، الخافض الرافع ؛ ممكن ينزلك لتحت بس عشان يرفعك اقوي واحسن
ربنا اسمه الضار النافع ؛ بيضُرك ضرر بسيط بس عشان يحميك وينفعك من انك تقع في بلوه سوده ، الخافض الرافع ؛ ممكن ينزلك لتحت بس عشان يرفعك اقوي واحسن
المانع المُعطي ؛ ممكن يمنع عنك جوازه ، شِغلانه ، قرشين ؛ بس عشان يعطيك ويبهرك بزياده ! ربنا سمي نفسه الحكيم ؛ بيمنع لحكمه عنده مع الوقت بتعرفها ، ويحرم عشان يوسع بالقوي !
سيدنا يعقوب اتحرم من ابنه يوسف وتاه منه ؛ ولو مكانش دا حصل مكانش سيدنا يوسف بقي وزير اقتصاد مصر ولا قصته بقت احسن قصص القرآن اللي تريح القلب وتهدي الاعصاب وتعرفك ان بعد الحُزن فرحه !
ربنا ارحم واحن عليك من امك ، اجمد كدا وخلي عندك يقين ف الله ، خليك زي الطياره الورق سايبه نفسها للهوا يطيرها مكان مهو حابب ، سيب نفسك وقلبك لربنا يتحكم فيك ، ويختارلك ويمشيك زي ماهو حابب !
اليقين يا صديقي ؛ الضربه اللي متموتش تقوي !
اليقين يا صديقي ؛ الضربه اللي متموتش تقوي !
لما يحصلك حاجه اعرف انها خير لان ربنا اسمه رب الخير ورب الخير ميجبش الا الخير ؛ هتنول حلمك وهتتلم تحت سقف واحد مع اللي قلبك اتمناه ف الحلال ، وهتتخطي اللي وقعت فيه ؛ ربنا بيبدل لاما بيبارك !
ومتنساش ان سيدنا عمر قال لو عُرضت الاقدار علي الإنسان لإختار القدر الذي إختاره الله له !
ومتنساش ان سيدنا عمر قال لو عُرضت الاقدار علي الإنسان لإختار القدر الذي إختاره الله له !
جاري تحميل الاقتراحات...