قصرت في المذاكرة الفتره اللي فاتت والوقت ضاق عليك صح؟
طيب هقولك..أنت كطالب مش محتاج حاليًا غير حاجتين مُهمين جدًا (البركة والتوفيق)
ودول من أعظم جنود ربنا الخفيين.
بركه يعني ممكن تخلص في نص ساعه اللي بيخلص في اسبوع.
وتوفيق يعني اللي ذاكرته تروح تلاقيه، وأنت مش عايز اكتر من كده

ومش هتحصل عليهم إلا لو استعنت بالله، وتجردت من الاعتماد علي نفسك ومذاكرتك للأعتماد علي الله، واللجوء إليه، يعني اتعب واجتهد بس حط في بالك بدون معية ربنا ليك لا شئ
لح علي الله في طلب البركة والتوفيق والسداد، وحس بضعفك وحاجتك له سُبحانه، واعمل اللي عليك وربك لا يضيع عمل عامل.

إحنا ولا حاجه بدونه..*وإنّا دون معية الله عدم*
اتقِ الله في مذاكرتك واعمل اللي عليك، وذاكر اللي تقدر عليه وخُد بالأسباب، وتوكّل علي الله..والتوفيق من عند ربنا.
-واعرف انك مُطالب بالسعي مش بالنتيجة.

في حجات أهم تستدعي الخوف اكتر من الامتحان، فاجمد كده وتوكل على الله دايمًا واهم حاجة اليقين بالله.
كُله بيعدي بكرم ولُطف ربنا مهما بلغ الأمر صعوبة..
ربنا يوفقكم جميعًا، ويراضيي قلوبكم، ويسدد خُطاكم وييسر لكُم كُل صعب ♥️
منقول