🔴 تعرف ان الألوان دي مش موجودة في الواقع، وكلها مش أكتر من مجرد وهم بصري موجود بس جوه عقلك انت؟!
يعني التفاح مش (أحمر) والسما والبحر لونهم مش (أزرق) والشجر والعشب مش (أخضر) والشمس مش (صفراء).. كل الألوان دي مش حقيقية، ومفيش حاجة واقعية اسمها لون أصلًا.. عارف ليه؟!
يعني التفاح مش (أحمر) والسما والبحر لونهم مش (أزرق) والشجر والعشب مش (أخضر) والشمس مش (صفراء).. كل الألوان دي مش حقيقية، ومفيش حاجة واقعية اسمها لون أصلًا.. عارف ليه؟!
عشان الكون جواه موجات ضوئية ليها ترددات مختلفة. والموجات الضوئية دي بتنشأ من أجسام مختلفة، وبعدين تسافر في الفضاء لحد ما توصل لعينك. ولما بتوصل، المخ البشري بيستوعبها وبيعالجها على حسب طولها الموجي، وبيديها لون مميز في دماغك!!
واللون ده هتلاقي معظم البشر بيتفقوا عليه، عشان مراكز معالجة الألوان الموجودة جوه شبكية العين، اللي هي بيسموها الأقماع أو مخاريط العين Eye Cones، بتبقى عند البشر كلهم متماثلة، ما عدا بعض الناس اللي عندهم عيوب خلقية معينة، ف بيميزوا الألوان بشكل مختلف..
وبالتالي بيبقى عندهم(عمى ألوان Color Blindness)
والمذهل بقى هو ان البشر عندهم جوه عيونهم 3بس من الأقماع أو ال Cones المسئولة عن الرؤية دي ومجالهم هو مجال تردد الضوء المرئي اللي احنا عارفينه اللي هو الأحمر والأخضر والأزرق أو الRGB لكن في حيوانات تانية بتشوف بشكل مختلف تمامًا عننا.
والمذهل بقى هو ان البشر عندهم جوه عيونهم 3بس من الأقماع أو ال Cones المسئولة عن الرؤية دي ومجالهم هو مجال تردد الضوء المرئي اللي احنا عارفينه اللي هو الأحمر والأخضر والأزرق أو الRGB لكن في حيوانات تانية بتشوف بشكل مختلف تمامًا عننا.
1️⃣ مثال على ده مثلًا الكلب، عنده قمعين أو 2 Cones بس. والاتنين دول بيميزوا الألوان الأصفر والأزرق. يعني الكلب بيشوف أصفر ف أزرق، أو حاجة بيسموها dichromatic vision.. بس المميز في الكلب هو ان عنده حاجات تانية زيادة اسمها Rods، ودي المسئولة عن الرؤية في الظلام..
2️⃣ القطط مثلا عندها 3 Cones زي البشر، بس الأقماع بتاعتهم مختلفة عننا شوية، وبتشوف الألوان بشكل باهت. وتركيب العين نفسها مختلف بيخلي مجال الرؤية عندهم أوسع بكتير من عندنا عشان يعرفوا يصطادوا.. وبردو عندهم Rods وبيشوفوا ف الضلمة..
3️⃣ بس عارف بقى المذهل أيه؟حيوان زي جمبري المانتيس Mantis Shrimp عنده 16 قمع أو Cone من نوع مختلف ف عينه!! وكل قمع من دول مسئول عن نوع مختلف من الرؤية والألوان ف تخيل بقى الكائن ده بيشوف العالم بشكل عامل ازاي وبألوان ايه؟!
ده بيشوف ألوان احنا منعرفهاش ومعندناش اسم ليها من الأساس!!
ده بيشوف ألوان احنا منعرفهاش ومعندناش اسم ليها من الأساس!!
وكل الخصائص المميزة للعيون والرؤية دي موجودة في الكائنات المختلفة بسبب انها بتتطور بفضل وجودهم في بيئات مختلفة، ليها احتياجات مختلفة.. يعني جمبري المانتيس ده مثلا عشان بيعيش في المية على أعماق، ف بيحتاج مجال الرؤية بتاعه يكون أوسع كتير.. وكذلك الكلاب والقطط عشان بتصطاد..
لكن البشر اتوجدوا على كوكب بيلف حوالين شمس متوسطة الحجم، وعشان كده عيونهم اتعودت على رؤية المجال المحدد ده من الضوء أو ال Light Spectrum.. وعشان كده في حاجات كتير في الكون مش بنشوفها ولا نعرفلها لون، عشان هي مش بتتفاعل مع فوتونات الضوء المرئي أصلًا!!
⚫ ف تفتكر انت شكل الكون الحقيقي اللي احنا مش شايفينه ايه؟! سؤال غريب ومخيف شوية، بس المشكلة انه حقيقي تماما، عشان فعلا الكون الحقيقي شكله مختلف تماما عن اللي احنا بنستوعبه، ومفيش فيه حاجة اسمها ألوان أصلًا!!
وعارف الحاجة اللي هتذهلك حرفيًا ايه؟! ان في المستقبل البعيد لو الانسان تطور تقنيا لدرجة انه بقى قادر يسافر في الفضاء وبين المجرات، واتولدت اجيال كتير من البشر على مدار آلاف وملايين السنين عاشت على كواكب مختلفة، أو قضت عمرها في سفن بتسبح في الفضاء..
فالبشر دول قدرتهم على النظر هتتطور بشكل مختلف تمامًا عننا دلوقتي، بسبب اختلاف بيئتهم واحتياجاتهم!!
يعني ممكن في المستقبل يشوفوا أشياء مختلفة خالص عننا، منقدرش نستوعبها أصلا!! وهيبقوا شايفين ومستوعبين الكون بشكل مختلف تمامًا!!
يعني ممكن في المستقبل يشوفوا أشياء مختلفة خالص عننا، منقدرش نستوعبها أصلا!! وهيبقوا شايفين ومستوعبين الكون بشكل مختلف تمامًا!!
كإن بصرهم اترفعت من عليه غمامة كانت بتمنعهم من استيعاب الحقيقة الفعلية!!
يالا يا عم.. أسيبك انت بقى تفكر وتحاول تستوعب في الحقيقة المذهلة دي ومعناها، وانت قاعد بتتأمل في السما والنجوم...
محمود علام
يالا يا عم.. أسيبك انت بقى تفكر وتحاول تستوعب في الحقيقة المذهلة دي ومعناها، وانت قاعد بتتأمل في السما والنجوم...
محمود علام
جاري تحميل الاقتراحات...