*ناس امدرمان ...*
**زول مصاب بطلق ناري او سكين دون تردد اتجه علي مستشفي النو مباشره .*
**محتاج غسيل كلي تعال انت النو وخلي المريض في البيت تعال نسق ليه وشوف ح تكون غسلتو متين .*
**عندك جرعة كيماوي وجرعتك معاك خلي المريض في البيت وتعال النو نسق ليه
#اتحاد_مغردي_السودان

وشوف متين مفترض يجي ياخده . لو جرعتك زاته مافي تعال وخلينا ننسق ليك كيف نجيب ليه الجرعه من مدني او شندي .*
* *ام علي وضوع طوالي م تتلفت تمشي علي المستشفي السعودي، امورك طيبه وبتقدر تدفع خاص مستشفي الندي مقابل حديقه امدرمان الكبري شغاله ولاده .*

* *عندك طفل تعبان دون تردد تمشي علي مستشفي البلك للاطفال. وكذلك التطعيم متوفر يوميا من الساعه ٨ صباحا الي ١٢ ظهرا .*
* *محتاج عنايه مكثفه اصل النو اذا كان المريض كبير أو البلك اذا كان صغير ومن هناك فريقنا بحاول ينسق ليك في حته خاصه ويدبر ليك طريقه الوصول اليها .*

* *صحتك كويسه طوالي تمشي النو تتبرع هناك بالدم، والدم دا بغزي اغلب مستشفيات امدرمان الفي الخدمه .*
**ما عندك قدره تصل اي من المستشفيات دي بي سبب تكلفه الترحيل اركب اي شي واصل هناك والحساب مدفوع ...

امسك اي زول في المستشفي قول ليه المتطوعين الشغالين هنا وين وقول ليه ادفع حق الترحيل دا *
**وعشان نخفف الضغط علي المستشفيات نحاول نكون حذرين في حركتنا ونحافظ علي صحتنا .*