المشهد اللي كان في فيلم "الباشا تلميذ" ؛ لما انجي عرفت إن بسيوني ظابط ! قالتله اي ! انهارت وقالتله لييه كدا ! ليه ادتني كل حاجه وف ثانيه خدت كُل حاجه ! ده انا اتغيرت عشانك !
واتصدمت صدمة عُمرها ! طب انا عاوز اقول اي !
واتصدمت صدمة عُمرها ! طب انا عاوز اقول اي !
عاوز اقولك ان سنة ١٩٥٠ كان في دكتور علم نفس اسمه "Curt Richte" الدكتور دا عمل تجربه غريبه شويه ، جاب شوية فيران ، وحط كل فار منهم في جردل مصنوع من الازاز وملي نص الجرادل ميه وولع سيجارته ومسك ساعته ف ايده وفضل يحسب الوقت ويراقب الفيران وهي عماله تعوم في الجرادل ؛ كل فار جوا جردل
وليه ازاز بالذات ؟ قالك عشان الفار ميعرفش يتسلق ويخرج ، في فار قعد ٥ دقايق واستسلم للغرق ، التاني ٤ دقايق ، اكتر فار فضل يقاوم الغرق ١٥ دقيقه وبعدين استسلم ، الدكتور قرر يكرر نفس الحوار دا تاني بس بشوية تغيرات بسيطه !
حط الفيران جوا الجرادل الازاز تاني بس كان بيراقبهم ، والفار اللي يحس انه خلاص هيغرق كان يطلعه وينقذه وينشفه ويسيبه يرتاح ؛ كل الفيران عمل معاهم كدا ، اللي يحس انه هِمد وهيغرق يطلعه وينقذه قبل لما يغرق بشويه ، وبعد لما طلعم ونشفهم وارتاحوا ، قام شايلهم وراميهم في المية تاني !
طبعًا احنا قولنا ان اكتر فار قاوم الغرق قعد ١٥ دقيقه واستسلم ! تخيلوا الفيران لما اترموا تاني قعدوا قد اي ! اقل فار فيهم قعد يقاوم ٦٠ ساعه ! تخيلوا ٦٠ ساعه مش دقيقه ! وفي فار منهم قعد يقاوم الغرق ٨١ ساعه ! يعني قعد حوالي ٤ ايام يقاوم الغرق من غير استسلام !
اشمعنا يعني طولوا المرادي في المقاومه اضعاف اضعاف المره الاولانيه ؟ قالك لانه ف المره الاولي كانوا فقدوا الامل واستسلموا ؛ لكن ف المره التانيه لما طلعهم وانقذهم قبل الغرق ونشفهم ورماهم تاني كان عندهم امل ان في طوق نجاه هينقذهم ؛ بعد دقيقه بعد اتنين انشاله بعد ٨١ ساعه !
عاوز اقول ان الامل هو الخيط اللي ممكن يتعلق بيه اي انسان ؛ القشايه اللي بيتعلق بيها الغريق ، اوعي تعّشم حد وتديله الامل وتِخلي بيه ، ممكن يقاوم الدُنيا ويتحدي العالم علشان عنده امل وثقه فيك ، مُتفائل انك يستحيل تخذله او تِخلي بيه !
الفيران قعدت تقاوم علشان عندها يقين ان في حد هينقذهم ؛ الانسان ممكن يتغير ١٨٠ درجه لو انسان علقه بحلم "سواء جوازه ، شُغلانه ، يساعده يحقق حاجه معينه" ، والله ممكن ينام ويقوم يحلم باليوم دا !
متقولش لابنك لما تنجح هجيبلك كذا وابنك ياكل الكتب وترجع تِخلف وعدك !
متقولش لابنك لما تنجح هجيبلك كذا وابنك ياكل الكتب وترجع تِخلف وعدك !
في ناس ممكن تعّلق احلامها وطموحاتها علي كلمه ووعد منك !
وكمان حاجه تانيه : ممكن الانسان قدراته تتغير وتبقي تهد جبال لو نفسيته حلوه ؛ اي ام ممكن تشيل البيت وتقلبه فوقه لتحته تنضيف لو الاب باس دماغها وقالها الله يقويكي ! ف بيديها زقه ودفعه تقويها ، وبيشحن بطارية السعاده جواها !
وكمان حاجه تانيه : ممكن الانسان قدراته تتغير وتبقي تهد جبال لو نفسيته حلوه ؛ اي ام ممكن تشيل البيت وتقلبه فوقه لتحته تنضيف لو الاب باس دماغها وقالها الله يقويكي ! ف بيديها زقه ودفعه تقويها ، وبيشحن بطارية السعاده جواها !
العيل الصغير بيصحي بصعوبه للمدرسه وبطلوع الروح ، بس يوم العيد بيصحي الفجر وممكن يطبق ! من فرحته ؛ ودا اكبر دليل لحديث النبي "الكلمه الطيبه صدقه" ! مهو مش صدقه من فراغ ؛ صدقه عشان بتقوي ، والابتسامه صدقه عشان بتدفع لقدام !
تخيل دكتور الكليه طبطب علي كتف الطالب وقاله انا متاكد انك قدها ؛ تخيل واحد قال لمراته انا مقدرش استغني عنك وجابلها وردايه ؛ دي ممكن تولع ف البيت من فرحتها !
اوعي تدي الامل لحد وتقطعه ؛ جايز تكون انت الحبل الوحيد اللي غيرك شادد فيه !
اوعي تدي الامل لحد وتقطعه ؛ جايز تكون انت الحبل الوحيد اللي غيرك شادد فيه !
واوعي تكون بايدك تفرح حد وتحزنه وتكسر بخاطره ؛ كدا انت بتهده وانت مش داري !
اوفي بوعدك وفرّح اللي منك ؛ لان ربنا هيحاسبك علي كدا يوم القيامه ؛ الحُزن بيهد زي ماقال بن القيم : الحُزن يُضعفُ القَلب ، ويُوهنُ العزم ، ويضر الإرَادَة ، ولا شَيء أحبُ إلى الشّيطان من حُزن المُؤمن !
اوفي بوعدك وفرّح اللي منك ؛ لان ربنا هيحاسبك علي كدا يوم القيامه ؛ الحُزن بيهد زي ماقال بن القيم : الحُزن يُضعفُ القَلب ، ويُوهنُ العزم ، ويضر الإرَادَة ، ولا شَيء أحبُ إلى الشّيطان من حُزن المُؤمن !
وصالح سليم قال عن الوفاء بالوعد
لا اعتقد ان هناك سبب حقيقي يجعل رجل حقيقي لا يوفي بوعده الا شيء واحد ؛ قالوله هو اي ؟ قالهم الموت !
لا اعتقد ان هناك سبب حقيقي يجعل رجل حقيقي لا يوفي بوعده الا شيء واحد ؛ قالوله هو اي ؟ قالهم الموت !
جاري تحميل الاقتراحات...