تدرون إن مواقع #الميزان من أكثر المواقع ثقافة وذكاء وبحث عن المعلومات، ماراح تلاقي ميزان دقة قديمة أو جاهل أو ماعنده معرفة لأن الثالث منهم قوس، بطبعهم أشخاص شديدة التأقلم وعندهم مرونة فكرية عالية جدًا، ومؤنسين، الجلسة معاهم تبهجك وترفع من طاقتك وتحمسك لبدء بدايات جديدة..
ولأن العقرب هو بيتهم الثاني، بتلاقي ان كل ميزان تعرفه يحرص كثير على اسراره ومعلوماته و مايحب انه يكون واضح وبيخاف كثير من الفضايح واظهار كل مستور، السرية قيمة عالية جدًا عند الميزان، ايضًا اوضاعهم المادية غالبًا يخفونها عن الآخرين لعدة أسباب، ايضًا هم اشخاص تملكيين جدًا.
ثاني العقرب يعطي تملك و إخلاص لأصحاب مواقع الميزان، هم اللي ممكن تلاقي عندهم تحف قديمة وصداقات قديمة و معلومات قديمة و ممتلكات قديمة، حتى الثور ثامنهم، يضعون قيمة لكل شيء يمر عليه الزمان، حتى ان ذوقهم عتيق وراقي، هم الأشخاص اللي ممكن يوصلون حتى للثراء اسرع من غيرهم.
ولأن العذراء ١٢ الميزان، بتلاقي ان كل ميزان تقابله يحتفظ بأراءه الحقيقية عنك لنفسه، ماراح يواجهك فيها ولا راح يظهر جانبه الصريح والإنتقادي بسهولة، رغم ان بيوت التفكير عنده يحكمها الجوزاء والقوس، فالناس تنصدم من مرونته وتعدد اراءه وافكاره
ان كيف يا الميزان انت ماتحب التفاح وبقعدتك مع اصحابك وضحت انك ماتحبه واليوم تضحك وتجامل شخص معين وتاخذ من سلته تفاح؟ رغم انك ضد اللي يوزعون تفاح بالشوارع؟ تاسع الجوزاء يخليه مرن جدًا ويصفق لغيره حتى لو كان ضده، ومع ١٢ عذراء، هو يقمع تعنته بالأراء وقول انتقاداته بوضوح.
رابع الميزان جدي، بطبيعتهم أشخاص يضعون قيمة عالية جدًا للماديات عشان كذا يتهم الميزان بالسطحية، ماراح تلاقي احد يخاف على نفسه كثر الميزان، يحب يؤمن احتياجاته من بدري، لذلك ممكن تلاقي الميزان يضحك للفقير ويواسيه بس مايصاحب إلا الغني اللي عنده حظوظ بحياته، هو مايحس بالأمان إلا كذا
ايضًا الميزان على قد مايضحك معاك وعلى قد مايطبل لك ويحسسك انه سريع انسجام وسريع حب وسريع قبول بسبب طاقة سابع الحمل إلا انه بالأصل جاف مشاعريًا وحقيقته هي رابع الجدي، مهما وضح لك انه هطف، هو بالأصل بطيء عاطفيًا ومايحب بسهولة، ويخاف على نفسه، قشرته الخارجية سهلة، بس العمق جفاف.
ولأن الميزان بيوت المال عنده ثور وعقرب واسد، هم اللي الأموال جدًا فارقة بحياتهم ومن قيمهم العليا و ممكن تصير قصص وسوالف بحياتهم عنوانها المال والممتلكات، فلو انتحست مواقع الميزان تعطينا قصة معاناة مع المال وقصص السرقة والإختلاس والديون والشفقة، ولو ارتفعت اعطتنا الثراء✨..
ايضًا لأن العقرب هو بيتهم الثاني ومعروف ان طاقة العقرب مظلمة، فلو حبيت تختبر اي ميزان بحياتك؟ اختبره بموضوع الأموال والممتلكات، اعرف ولاءه لك من خلال الأموال، ايضًا انجح واظهر نجاحاتك له شوف بيفرح ولا يزعل، ونبش عن ردة فعله الحقيقية، لأنه ملك التصنع واخفاء الحقيقية والتمثيل.
ولأن سابعه حمل، بتلاقيه اسرع شخص يدخل حياتك، اسرع شخص ينسجم معك، اسرع شخص يخليك تحب الحياة، اسرع شخص يضحكك، اسرع شخص يدغدغ قلبك، جذابين جدًا لأن سابعهم يحكمه المريخ، فطاقة الميزان طاقة تزاوج وطاقة اغواء واغراء، حتى انهم جذابين للحِنس الآخر😉
ودايمًا بتلاقي الميزان حوالينه معجبات إذا كان رجل و للنساء يا كثر معجبينها واللي يهوجسون فيها، لأن طاقة الحمل طاقة قبول وطاقة توافق وجاي الحمل عندهم بالسابع، يخلي كثير الناس عندهم رغبة بالشراكة معهم سواء عاطفيًا او اي نوع من الشراكة، خلي الميزان جاسوسك المغري والمغوي وبتنجح😂
ما أعتقد بيمر عليك ميزان بمواقعه وماراح تحس انه رافضك! لأن بيوت الإجتماع عنده نارية، وهذه الطاقة تخليه اجتماعي قوي جدًا، ذكي ويفهم احتياجات الطرف الاخر، قليل حساسية وعقلاني مع الاخرين، يمشي مع الموجة صح وما يصارعها، ١١ الأسد يخليه يسعى لإعجاب الاخرين والناس اصلًا يعجبون فيه💕
ايضًا ممكن يكون الميزان متسرع وغير جيد في تقدير الآخرين بسبب طاقة سابع الحمل، ممكن ايضًا يورط نفسه بمواقف عدائية او مشكلات تتعلق بالآخرين و وارد تلاقيه طرف ثالث او عضو مجموعة، وهذا اصلًا درس كارمي يتعلم من خلاله الميزان، لأن معروف طاقة الحمل طاقة مشاكل وصراعات وجاي سابعه.
فعلى حسب حاكم سابعه تحدد نوعية الميزان اللي قدامك، ايش مريخ مواقع الميزان اللي امامك؟ راح تحدد مدى الخير اللي فيه والشر اللي فيه، لأن ايضًا الميزان يحمل جانب مظلم ولكنه مدفون بالأعماق، وكارما حياتهم العلاقات وموازنتها.
ايضًا ١١ الأسد يخليهم يحبون الرفاهية ويسعون للرفاهية ويخافون كثير من نظرة الناس والمجتمع، هم اللي يتعلمون فنون الاتكيت وهم اللي يحافظون على اللباقة والأناقة، وهم ايضًا اللي يظهرون أحسن ماعندهم ويتبنون المثل اللي يقول صيت الغنى ولا صيت الفقر، مايحبون يظهرون بصورة سيئة إطلاقًا..
ايضًا ١١ الأسد يخليهم سهل يكسبون الأضواء وسهل ينشهرون وسهل يكسبون قبول الآخرين، ايضًا ممكن تكون عندهم رغبات خفية بالقيادة تحت رداء الوزير او التابع، كل ميزان تقابله يظهر لك انه تابع لك وتحت اوامرك بس من الداخل عنده رغبة خفية بقيادتك والتحكم فيك💀 ١١ يمثل اهدافنا الحقيقية.
دايمًا الميزان عنده هدف يتعلق بقيادة المجتمع او المكان او الوسط اللي يتفاعل فيه وهذا الشيء مايقوله بصوت عالي و بيكون سياسي جدًا وبيحاول يرغبك ويغويك ويجيك بالشيء اللي تحبه، حتى ان اقوى اىىلحة الميزان هي الشهوات والرغبات بسبب ٨ الثور، مايحاربك بالعىْف، يحاربك بالحب والرغبة.
اغلب البيوت اصلًا لمن نجي نشرحها بتلاقي انها اوجه خفية، لأن الميزان ما يظهر حقيقته، يظهر الشيء اللي يحسسك بالراحة والأمان والقبول وممكن توافق عليه بسبب عاشر السرطان، هو غامض بأغلب جوانب حياته، واللي يظهره لك سطحي جدًا و مايسعى لأنه يختلف معك علنًا وبيظهر دايمًا بمظهر بريء ولطيف.
جاري تحميل الاقتراحات...