علي ما يبدو ان جوجل اخذت وقتها ورتبت نفسها وبدأت في الرد علي مايكروسوفت في حرب الذكاء الاصطناعي و المرة دي علي عكس المرات السابقة جوجل فعلا قدمت منتجات حقيقية و رؤية صلبة لادخال الذكاء الاصطناعي في كل منتجاتها ..
- البداية Google Bard، اللي تم تحسينه من حيث انه بقي متعلم اكتر من ٣٠ لغة برمجة و قادر يرد علي كل اسئلتك البرمجية فيها بشكل مرتب.
بارد بقي مبني علي نموذج PaLM 2 اللي تم الاعلان عنه امبارح برده و اللي يعتبر اقوى و ردوده هتبقي اكثر منطقية و بقي متدرب علي اوراق بحثية و معادلات رياضية ده غير معرفته بلغات اكتر.
- بارد هيكون قادر علي الرد عليك بصور، هيكون قادر علي انك تصدر ردوده بشكل مباشر علي Gmail و Docs.
ده غير تعاون قادم بين Google و Adobe لعمل تكامل بين بارد و ادوات ادوبي الجديدة للذكاء الاصطناعي Firefly .. ده اللي هيمكنك من خلال بارد تعمل صور و تعمل فيديوهات و قصة كبيرة اوي.
ده غير تعاون قادم بين Google و Adobe لعمل تكامل بين بارد و ادوات ادوبي الجديدة للذكاء الاصطناعي Firefly .. ده اللي هيمكنك من خلال بارد تعمل صور و تعمل فيديوهات و قصة كبيرة اوي.
- بارد كمان بقي متاح حاليا للجميع بدون الحاجة للانتظار ده بالاضافة انه تم الاعلان عن انه هيكون مدمج في بحث جوجل قريب و بيديك ردود علي اسئلتك في البحث.
- جوجل موقفتش عند بارد اعلنت كمان عن مميزات الذكاء الاصطناعي لتطبيقات ال Workspace
و البداية من ال Gmail
دلوقتي هيبقي في زر Help me Writing اثناء ردك علي اي ايميل، بمجرد الضغط علي الزر و كتابة امر بسيط بالرد هيكتب لك الايميل كامل.
دلوقتي هيبقي في زر Help me Writing اثناء ردك علي اي ايميل، بمجرد الضغط علي الزر و كتابة امر بسيط بالرد هيكتب لك الايميل كامل.
اما Docs فنفس الفكرة هتقدر تخليه يكتب لك، علي سبيل المثال عايزه يكتب لك Job Description هتكتبله الشغلانة هيكتب لك و يحط لك النص بشكل مرتب في الملف.
اما في Sheets, فهيساعدك بالتخطيط و الشغل.
اما في Slides فهيبقي مدمج فيه تحويل النص لصور.
ده غير وجود الذكاء الاصطناعي حتي في Meet و في Google Cloud و ليلة كبيرة اوي يصعب فعليا انك تستوعبها كلها في بوست واحد 😅
- الذكاء الاصطناعي مش واقف لحد هنا جوجل كمان اعلنت عن ميزة Smart Compose اللي هتخليك في الشات الذكاء الاصطناعي يكتب لك و تقدر تخليه يغير التعبيرات بتاعت الجملة يعني تكتبله جملة و تقوله اكتبها بشكل اكثر احترافية او شكل ساخر و كل ده من جوة تطبيق الرسايل.
- كمان هيبقي في Ai Background Generator في اندرويد، اللي هو هيحط لك اداة تحويل النص لصور تعمل بها خلفية لموبايلك.
- كمان تطبيق Google Photos هيستفيد من الادوات دي بذات ميزة Magic Eraser اللي هتخليك تشقلب الصور و تمسح اللي مش عايزه منها و تحط اللي انت عايزه و كله باستخدام ال Ai Text to Image Generator و يعدل لك الصورة كمان و اضاءتها عشان تناسب الصورة الجديدة.
- تقريبا جوجل ردت علي كل حاجة قدمتها مايكروسوفت بمنتج منافس، و دخلت الذكاء الاصطناعي في كل حاجة مايكروسوفت دخلتها فيها، عشان تكون المنافسة علي مين هيكون افضل و اكثر عملية ؟!
جاري تحميل الاقتراحات...