رتبها

ثريد : عن قرار رئيس الوزراء بالسماح للذهب مع القادمين لمصر بدون قيود لمدة ٦ شهور مع فرض ضريبة قيمة مضافة بنسبة ١٤% على القيمة الاجمالية مقوما بسعر الجرام بمصر واهدافة ونتايجة وحسبتها علشان الناس قبل ماتتسرع تبقى عارفة بتعمل اية بالظبط وماتتخمش وبالنهاية تخسر
لان القرار غلط

سعر جرام الذهب فى دبى بدون مصنعية يعادل ٢١٠ درهم اماراتى وسعر الدرهم الاماراتى بالبنك ٨.٥٠ جنية مصرى وبالسوق السوداء يتعدى ١٠ جنية او ١٠.٥٠ وبنفس الوقت سعر جرام الذهب بمصر عيار ٢١ بسعر ٢٥٥٠ بدون مصنعية برضه فانت كمغترب ( احذف قيمة المصنعية فى البلدين مع ان مصنعية دبى اغلى طبعا )

واشتريت جرام ذهب ب٢١٠ درهم والمعادل لهم بالمصرى ١٧٥٨ وتدفع جمرك بقيمة ١٤% يعنى ٢٥٠ جنية يبقى اجمالى الجرام واصل مصر ١٧٥٨+٢٥٠ =٢٠٣٥ جنية من سعر ٢٥٥٠ جنية للجرام يبقى عندك مكسب بالجرام حوالى ٤٠٠ جنية ، طيب انت اساسا لو اخدت الفلوس درهم وغيرتها بسعر سوق سوداء بفرق ٢ جنية فقط

هاتكسب ٤٠٠ جنية فورا وبدون مخاطر حساب المصنعية هنا وهناك ومخاطر حمل الذهب اساسا لان الذهب منظور برضة وهايستغلوك التجار او الناس لكن ويسترن يونيون هاتاخد الدرهم او الدولار وتخلية عندك حبيت تغير بنك ماشى سوث سوداء براحتك خليته بالبيت لا لية مصنعية ولا هايخسر او بالبنك ..ييقى اية

السبب فى القرار العجيب ، هما بياخدو القرارات فى عجالة وفاكرين كدة انهم ناجحين بالعكس انت كبلد افضل لك يخش دولار او درهم حتى سوق سوداء وانتم سمعتم شركة الدخان بتشترى من السوق ب٣٩ علشان تظل تنتج وتفتح ابوابها لكن لما الناس تجيب ذهب هايعملو اية هايسيحوة يصدروة ( ودنك منين يا جحا)

بالعكس انت كدة هاتكسب تجار وحرفيين الذهب بالامارات والمملكة وكل العالم على حساب الحرفى المصرى الى شغال بالصاغة وعاوز يسترزق وهاتقضى على الصناعة برضة زى ماقضيت على مهن كثيرة بغبائك وقراراتك الغير مدروسة والى بيطلع القرار بيسال شعبة الذهب اية رايكم فيقولو افرض ضريبة لان مايهمهم ا

الحرفيين بقدر مايهمهم مايخسروش وحسبنا الله ونعم الوكيل

واى حد عندة حسبة ثانية ويغلط كلامى يتفضل ويشرح بالارقام وانا لها 💪💪💪 ومعكم من هنا ليوم السبت الصبح قاعد بالبيت واول يوم عمل قادم عندى السبت وهاغيب ٣ ايام او اسبوع مش عارف ربنا يسهل 😂

المصادر جوجل تاريخ اليوم