دبلة الخطوبة هي مُجرد حلقة مَعدنية بتخلينا نبص للطرف الآخر كـ شريك مُحتمل مش كـ شريك مُؤكد.
استحضر دايمًا في ذهنك أن الطرف الآخر لسه مبقاش زوج حقيقي أو صديق مُقرّب .. هو مجرد شخص مُناسب ظاهريًا وبيمتلك فرصة أكبر من غيره للإستمرار معاك بشكل دائم.
( 1 )

يعني زي ما فيه إحتمالية أنك تغيّر مكان الدبلة من اليمين للشمال، فيه بردو إحتمالية أنك تقلع الدبلة دي بشكل نهائي
ولذلك، الأسلوب الأكثر حِكمة للتعامل مع الآخر - بعد ما تحس تجاهه بشعور الأُلفة والقَبول - هو أنك تركن الجزء العاطفي دا - مُؤقتًا - وتبص من عدسة العقل والمنطق.

اللي بيخلي الإنسان يتأثر بشدة ويدخل في نوبات من الهَلع الشعوري بعد إنتهاء علاقة مُعينة هو أنه بيتوقّع من العلاقة دي أشياء مش من حقه .. بيسبق الأحداث ويغوص بعاطفته داخل شيء إحتمالية إنتهائه واردة في أي وقت.

فـ الإنسان محتاج يحط الناس في أماكنهم المُناسبة، ومحتاج يعيد تسمية الأشياء بمُسماها الصحيح علشان يقدر يتعامل معاهم بشكل أكثر حكمة.