الذهب والدولار للمرة المليون:
شوف يا سيدي, وهكلمك بالشعبي ومن غير فلسفة ومصطلحات,
القاعدة الذهبية في التجارة وف البورصة وف العملات, وف الذهب وف كل حاجة:
1- ما تشتريش الحاجة وسعرها عالي ومبالغ فيه لمجرد ان سعرها طالع.
2- اشتري الحاجة لما يكون سعرها نازل او في بداية صعوده بس
👇

3- لما يكون السعر في صعود غير منطقي, فده معناه إن فيه سبب عارض للصعود ده, وإن السعر هيهبط بزوال السبب.
4- السعر الحالي للذهب غير منطقي وأعلى من سعره بالدولار (سوق سوداء أو حتى عقود آجلة) في العالم كله!
5- السبب لده هو مضاربات مستثمرين ومستوردين لنظرا لشح الدولار وأشياء أخرى
👇

6- الوقت ده تحديدا مش وقت شرا, بالعكس ده وقت بيع الدهب اللي معاك وتحويله لدولار لو أنت غاوي مضاربات سريعة
7- لو هتشتري دهب دلوقتي حط في اعتبارك إنك بتشتريه عشان تحتفظ كتأمين لفلوسك لفترة طويلة مش للمضاربات السريعة
8- لو معاك مبالغ صغيرة مفيش داعي تضارب بيها أصلا ياعم الأور🙄
👇

9- للمرة ال 5 مليون: اللي معاه دهب أو دولار يحتفظ به, مهما حصل, لأن كل يوم هييجي أصعب م اللي قبله.
10- شرحت قبل كده, الليلة دي فيها ايه وماشية ازاي, فمحدش يسألني الدولار هيتعوم أمتى وهيبقى كام, لأن محافظ البنك المركزي نفسه ميعرفش, والدنيا ماشية هبل وتعليمات, ويوم بيوم ومفيش خطة!