باستشارية العصبية، اجه مريض للدكتور، جان المريض عنده جلطة دماغية خفيفة، فالطبيب كان خشن وياه بالاسئلة، كأنّه أخرجه من منطقة راحته.
وبعد كم سؤال، رجع تحنّن عليه، وصار يطمئنه ويتمنّى له العافية.
بعدما راح، اندار علينا وكأنّه شاف الاستغراب بعيوننا وگال: "أحيانًا لازم أسوي هيج

"لأن ممكن مثل هلمرضى جايين يحصّلون مزايا ورواتب ضمان اجتماعي من إدّعاء الجلطة، لحدما تأكدت منه أنّه صادق لمّا أعراضه كانت متناسقة"
بنفسي من يشتدُّ ويلين لمصلحة الناس 🤍

نفس الطبيب، اجاه واحد عنده صرع في منطقة دماغية محدّدة، شاف الأدوية الي عنده، قلَّب الكيس، شاف دواء واحد يخصّ الصرع، والباقي اوميكا 3، فوّار، فيتامينات، الخ.
التفت للمقيِّمة الي بصفه، أبدى امتعاضه بصوت ما ينسمع من تصرّفات الأطباء بوصف أدوية زائدة للمرضى لأجل المكاسب، بعدين…

عدَّل من وضعيته، وگال للمرضى: تستمرون على هذا العلاج الواحد بس، الباقي كلّه ماكو إله حاجه.
ما تحدّث بسوء عن زميله كدام المرضى، رغم مجان تصرّف يعجبه. بنفس الوقت وفّر مصاريف العائلة.

لمّا تشيل هموم جبيرة، ومحد يعرف بيها إلّا المركز وياك ويعرف بشغلك، فالموضوع مو سهل! بس الي يشوفها عليك، حياته تتغيّر للأبد، وحيبقى يتذكّرلك الموقف، يگوله لأهله وأصدقاءه، ينشره بتويتر، يتذكّره طول العمر ويمكن يكوله لأبناءه وطلابه بالمستقبل.
الطريق المو سهل يتعِّب، بس أبقى اثرا 🤍