احنا حاليا علي اعتاب نهاية موجة المحتوى القصير بعد ادراك كبار القوم ( الشركات العملاقة ) ان النوع ده من المحتوى غير مربح لهم بل تأثيره سلبي عليهم.
بيبدأ الموضوع من اعلان مفاجئ من العم مارك زوكيربيرج بوقف برنامج تمويل صناع الريلز علي فيسبوك و انستاجرام مع بعض التصريحات لمديري انستاجرام عن انهم يبدو انهم اخذوا قرار خاطئ بتحويل انستاجرام لتطبيق فيديو كليا و انهم هيرجعوا يركزوا شوية علي الصور ..
التغير المفاجئ لشركات العم مارك اللي كان قاعد يكتب بوستات عن مدى انتشار الريلز و انها فرصة كبيرة لهم جه بعد ما لاحظ انه مش بس الريلز مش بتحقق ارباح كفاية دي بتأثر علي ارباح باقي المنصة!
و ده ليه ؟!
و ده ليه ؟!
لان الناس بقيت تقضي وقت اكتر في الريلز و فيسبوك و انستاجرام قاعدين يحشروها في كل مكان و يزقوها علي حساب كل انواع المحتوي الاخرى
انواع المحتوى الاخري اللي بتحقق دخل اكبر لهم من الريلز!
و النتيجة ؟!
انواع المحتوى الاخري اللي بتحقق دخل اكبر لهم من الريلز!
و النتيجة ؟!
انخفاض في عدد متصفحي الفيد العادي لفيسبوك و انستاجرام و بالتالي انخفاض عدد اللي بيشوفوا الاعلانات اللي في الفيد العادي و بالتالي ارباح اقل
علي الجانب الاخر فيوتيوب برده لسا ملقاش عائد قوي من وراء الشورتس صحيح ده مأثرش علي ارباحه زي ميتا لكن استمرار عدم وجود العائد القوي من كل منصات المحتوى القصير يعني انه عاجلا ام اجلا هنشهد خفوت نجم المحتوي القصير بشكله الحالي لانه المنصات دي مش هتزقه بنفس القوة اللي كانت بتعملها
علي الجانب الآخر خالص بقي فتيكتوك قائد ثورة المحتوى القصير بيعاني من الحظر في دولة ورا التانية بسبب المشاكل السياسية و مخاوف الغرب من وجود تطبيق يعمل فيهم زي اللي هما بيعملوه بتطبيقاتهم
ده غير انه هو كمان مبقاش للمحتوى القصير اوي .. في الواقع تيكتوك قعد يزود حد الفيديو لحد ما وصل ل ١٠ دقايق و بعدين اتاح مشاهدة الفيديوهات في الوضع العرضي فاللي هو حتي قائد الثورة مش متمسك اوي بالمحتوى القصير جدا ده
هنا يجي السؤال ليه بقي المحتوى القصير ده صعب التربح منه و العائد بتاعه مش قوي و المعلنين مش دايسين فيه جامد ؟!
هذا ما سنتناوله في ثريد آخر، ربما غدا او بعد غد
هذا ما سنتناوله في ثريد آخر، ربما غدا او بعد غد
جاري تحميل الاقتراحات...