رتبها

يعني أنا المفروض أقول إن #مصر رايحه فى داهيع عشان تتبسط صح ؟!
عايزني أقول إن إقتصادنا فى الحضيض بس مش عايزني أقول إن عندنا السلع متوفرة غير دوول تانية
عايزني أقول مشاريع فنكوش بس
مش عايزني أقول إننا عندنا أكبر نهر صناعي فى العالم يروي ملايين الافدنة وأكبر مصنع سكر فى العالم
1..

وزراعين لحد دلوقتي 3 مليون فدان ومكملين وإن عندنا أكبر مجمع مصانع أسمدة فى العالم
عايزني أقول إن المستمرين بيهربوا من البلد
ومش عايزني أقول إن BMW و مرسيدس و ميني كوبر تنقل مصانعها
و "تويوتا تسوشو " اللى فتحت فى مصر مصنع للعربيات بطاقة 50 ألف سيارة سنوياً
2..

وشركة أبانتي العالمية و Samsung و Oppo و Nokia و adidas اللي عملت كره كاس العالم مكتوب عليها made in Egypt جم مصر يخسروا فلوسهم؟!
إنت عايزني أقول كده صح ؟
يعني بيكو للاجهزة المنزلية وأكبر6 علامات تجارية #صينية لما تيجي تفتح مصانعها هنا وتنتج وهما شايفين مصر طارده للإستثمار؟
3..

عايزني أقول إن #مصر مديونة من ساسها لراسها وهتفلس بس مش عايزني أقول إن الدولة مسددة 2.5 مليار دولار فى شهرين وقبلهم 3.9 مليار دولار والإحتياطي وصل 34.55 مليار دولار!
وإن رئيس الوزراء قال مصر ملتزمة بدفع أقساط الديون في مواعيدها بدون اي تخلف كما نفعل دائما
4..

يعني عايزني أقول إن #أمريكا أكبر دولة إقتصادية فى العالم
ومش عايزني أقول إنها مديونة ومحتاجه كل دخلها و فوقيه كمان 10%علشان تسدد الديون وإن وزيرة الخزانة الأمريكية بنفسها صرحت وقالت بالنص
" قد لا نستطيع دفع اقساط الديون من الشهر القادم"
5..

عايزنى أقول البلد يتغرق عشان كلام صندوق النقد الدولي
بس مش عايزني أقول إن نفس الصندوق اللى منح #أوكرانيا قرض بـ 15.6 مليار دولار عشان الإمدادات العسكرية ضد #روسيا ؟؟!
عايزني أقول إن مؤسسات التصنيف الإئتماني اللى من وقت ما #مصر خرجت من مجموعة #الحبوب وإنضمت للـ #البيركس
6..

وهي كل شوية تخفض فى تصنيف البلد بشكل سلبي كلامها صحيح مليون الـ 100 بس فى نفس الوقت مش عايزني أقول إن نفس المؤسسات مع صندوق النقد الدولى ماقلتش إن سقف الدين فى #أمريكا وصل لـ 110% وإنهم إدوا درجة الأمان العالي لأكبر 3 بنوك فى أمريكا قبل ما يعلنوا إفلاسهم بساعات
7..

عايزني أقول إن الجنية بقى مدفون تحت التراب ؟ هو ده اللى عايزني أقوله !
بس مش عايزني أقول إن ده إبتزاز ليك كدولة عشان تخوف المستثمرين ويوقفوا شغل عندك ويرفعوا الفيدة كل شويه وانت ترفع معاهم والجنية ينزل تاني والأسعار تزيد والضغط على الشعب يزيد أكتر وكل ده عشان يلوي دراعك
8..

عايزني أقول كل شيئ سلبي عن بلدي عشان إرتفاع الأسعار ؟
ومش عايزني أقول إن فيه مظاهرات واعتصامات ضد الغلاء في معظم دول العالم " بريطانيا فرنسا المانيا اسبانيا الجزائر المغرب تونس لبنان سيريلانكا الخ "
هو ده اللى عايزني أقوله ؟!
9..

الخلاصة هما بيدولك طلقة عشان تضربها
يا إما تضربها فى وش عدوك الحقيقى وبالتأكيد هيصيبك كام شاظية كده
يا إما تضربها فى ضهر بلدك وتقعد تكتب ويالهووووي يابا ياما إحنا بنموت وتزرع في الناس اليأس والإحباط
وإنت طبعاً حر
أنا أخترت هضربها فين
#تحيا_مصر_وعاش_السيسي
#هنغرد_في_عشق_مصر

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد