ده أحمد سامي شاب مصري عنده 17 سنة ، كان في زيارة لقرايبه في حدائق المعادي ، وهو ماشي في شارع جانبي سمع صوت واحدة بنت بتصرخ ولما جرى عشان يشوف مصدر الصوت جاى منين فوجيء إن فيه 4 شباب راكبين توك توك وبيشدوا بنت ماشية في الشارع لوحدها عشان يخطفوها ،
الموضوع اخد ثواني البنت كانت بتحاول تقاوم فيهم قدر يوصل لهم ويشتبك معاهم ويخلص ال ربنا قدرّه ينقذها من إيديهم ولما بدأت الناس تتجمع الشباب زقوه وهربوا بس قبل ما يمشوا فيه واحد منهم ضرب "أحمد"في صدره وبفضل ربنا الضربة كانت جنب القلب مش فيه، الناس نقلوه للمستشفى وتم إنقاذه الحمدلله
أسرة "أحمد" والبنت نفسها عملوا محضر في القسم و خلال ساعات الـ 4 عيال فيه 3 منهم الشرطة جابتهم والرابع مسألة وقت وهيتجاب برضه بسبب جدعنة وشهامة "أحمد" ولولا تدخله في الوقت المناسب فيه بنت الله أعلم شكل الخبر المكتوب عنها كان هيبقى عامل إزاي ،
أحمد هيخف إن شاء الله وهيرجع يكمل حياته بس لازم من هنا لغاية ما نرجع كلنا نشكره و نشجع الكل يعمل زيه مش يعملوا نفسهم مش شايفين او يمسكوا الموبايل يصوروا .. المصريين طول عمرهم معروف عنهم الشهامة الغير مرتبطة بسن و ده اللي نفسنا نرجع نتعود عليه ♡
منقول
منقول
جاري تحميل الاقتراحات...