الثورة المضادة عاوزة تقنعنا انو حربها هي حربنا، وبتخون أي زول بيقول ليها لا للحرب. ولا ينبغي أن نستجيب للإبتزاز
❓ليه لا للحرب؟
❓ليه لا للحرب؟
⭕ لا للحرب دا بيان سياسي عديل. ومافي زول بيقدر يزايد على مواطن سوداني بأنو يقول ليو "لا للحرب ساي كده دا عبث وسخف في الميديا وبعداك مفروض يحصل شنو؟" ده استهبال كبير ومحاولة وضعنا في محك بتاع: لا يا سيد، الحرب بدأت خلاص مفروض تكتمل أو بالعدم مفروض تقدم خطة مسبّكة ومشروع سياسي
لوقف الحرب لأنه مافي مجال للهرب منها! ...الحرب اللي أي بني آدم في السودان كان عارف إنها حتقوم الّا فولكر بيرتس قال ما توفرت إشارات مبكرة عن قيامها في تقريره لجلسة الأمم المتحدة! معليش لكن حسابك قدام يا مان.
⭕مافي مواطن كان عنده يد في قيام الحرب دي، وبالتالي هو بأي حال ما مجبر يقدم ليك أيّ خطة مسبّكة أو مشروع سياسي لوقفها، البيان السياسي القدمو الشعب دا البيان الأكثر بلاغة إنو ما داير حرب فوق رأسه، ما داير قصف طيران ومدفعية ودوشكا، داير يعيش، صعبة دي؟
⭕ لكن إذا انت مُصر واصل حربك وأحكم القبور. الموضوع بسيط، أي زول عايز يعيش حياة سليمة مفروض خيارو دائما في الحياة يكون تفضيل أيّ خيارات بتحفظ حيوات الناس بما فيهم نفسه، ودي قمة الثورية. فإذا الحرب دي حتقيف بتفاوض يحفظ ملايين الأرواح حاليا
ويعيد تاني انتاج نفس القوات القسرية المسلحة من الجانبين مافي أي مانع، حبابو التفاوض الليلة واللحظة دي قبل بكرة. بنحفظ أي روح فيها نفس، بنبقى أرواح كتيرة، بنعيش حياة جديدة، بنبقى نحن أولاد الحياة الجديدة وحينها بنبي ألف محاولة لهزم المليشيا بدون سلاح
وبنفتح شبابيك جديدة ومجالات تفكير أوسع من خيارات الحرب الضيقة.
❌الحرب مرفوضة تماما، ومافي أي ذرة وطنية في إنك تقصف أرواح بشرية وسط المدينة لمواطنين البلد الانت بتدعي زورا انك جيشه البحميها في دايرة قطرية لدولة قومية وجواها أمة واسمها وطن؟
❌الحرب مرفوضة تماما، ومافي أي ذرة وطنية في إنك تقصف أرواح بشرية وسط المدينة لمواطنين البلد الانت بتدعي زورا انك جيشه البحميها في دايرة قطرية لدولة قومية وجواها أمة واسمها وطن؟
في حربك اللعينة لسلطة تعيد فيها مجددا انتاج نفس أدوات الصراع. نحن ما داعمين لأيّ زول شايل سلاح في السودان، لأنو مافي زول طوال تاريخ السودان رفع سلاحه إلّا في وجه الشعب السوداني أوَّلم البتسابقو في تذكية بياناتهم ليه بشعبنا الصامد الأبي والكليشيهات دي! قوات الشعب هي الشعب.
❌ مافي أي وطنية في استحواذك الضخم على فائض الريف وعسكرة الانتاج ومراكمة جبال من الثروات البتشاركوها دائرة أضيق من خرم الإبرة اسمهم الضباط الكبار. مافي أي وطنية في إنه آلاف الجثث تموت قدام قيادتك برصاص المليشيا البتقاتلها وهي نفسها الحاوطت نفسك عنها بجدار برلين خوفا من رصاصها.
❌مافي وطنية في إنك تخلق مليشيات في البلد من الأساس وتسمح بتسليحها وتجييشها لآلاف الشباب والقصّر عشان يقاتلوا عنك أولاد نفس البلد، وتجي انت ذاتك الخالقها تحاربها وسط المدن وتقتلوا سوية الآلاف من المواطنين. ومافي أي وطنية في إنك تستغل التشوه ده كلو في إنك تستغل العوذ والفاقة
البخلي القبائل تجند عيالها بسبب الشرط المادي الإنت نفسك ساهمت فيه بشكل مباشر في استغلالك للفائض وتفقيرك الممنهج للريف مع حلفائك المدنيين أو بدونهم.
❌مافي أي وطنية في إنك تطبّع مع إسرائيل أكبر شر على وجه الأرض وتتنازل عن القضية التي هي بوصلة الثورة: فلسطين. مافي أي وطنية في هذه الحرب، والجيش السوداني منذ تاريخ السودان الأكثر حداثة مابعد الاستعمار ما قدم أي خدمة وطنية تعطينا مبرر لنكسة طويلة ربما لازمته. هو ابن الاستعمار،
الاستعمار بشرّه وهو الوريث الشرعي له في البلاد. يؤكد هذه الحقيقة أي ضابط جيش وأي ناطق رسمي وأكبر وأصغر عسكري وضابط في الجيش السوداني بأن الجيش هو المؤسسة الشرعية والوطنية والدستورية الوحيدة في السودان، لكن أي شرعية؟ وأي وطنية؟ وأي دستورية؟ هذا حديث ساذج قبيح يشرعن للحرب،
بأنها حرب مؤسسة البلاد الوطنية ضد المليشيا وإما دعمها أو تصبح خائنا للبلاد! الحرب لعينة لعن الله من أيقظها.
🎯 حرب الجيش ضد المليشيا وحرب المليشيا ضد الجيش هي حرب مؤسستين أي منهما عدو للشعب، مافي أي مجال لأي تفاؤل ساذج مفاده أنّ أفضل الأمرّين حلو!
🎯 حرب الجيش ضد المليشيا وحرب المليشيا ضد الجيش هي حرب مؤسستين أي منهما عدو للشعب، مافي أي مجال لأي تفاؤل ساذج مفاده أنّ أفضل الأمرّين حلو!
وأنّ هنالك مجال لإصلاح مؤسسة دون الأخرى فيما بعد، ده كلام ساذج فقط! الخيار الوحيد غير الساذج حاليا هو وقف الحرب تماما، نحفظ الأرواح، نبني نافذة جديدة للنور في وسط العتمة .وبعدها نحاول مجددا حل المليشيا تماما دون أي طلقة وإرجاع العساكر للثكنات. لا للحرب ده بيان ثوري،
وبيان سياسي لايقبل أي مزايدة. ما تقبل توافق على الحرب ولاتقبل يبتزوك بأن تقدم حلا بديلا للحرب الان، دي رفاهية نحنا ما عندنا ليها أرواح تخوض فيها حاليا. الحل واحد فقط حاليا، وقف الحرب تماما. قل لا لا لا للحرب.
#لا_للحرب
#كل_الثروة_والسلطة_للشعب
#فتح_مسارات_آمنة
#لا_للحرب
#كل_الثروة_والسلطة_للشعب
#فتح_مسارات_آمنة
جاري تحميل الاقتراحات...