الشارع من الرياض ل مدني: مرقنا بالمشتل لحدي الستين منه بطريق الغرب (اخترناه عشان القري في الطريق لو لا قدر الله حصل شي)
مرقنا الساعة ٦ صباحا و الشارع كان ما فاضي زي ما اتوقعنا الناس متحركة برجلينها عادي و ارتكازات الدعم ما سألونا (في مجموعة في المشتل كانو بدقو في حرامية) - ١
مرقنا الساعة ٦ صباحا و الشارع كان ما فاضي زي ما اتوقعنا الناس متحركة برجلينها عادي و ارتكازات الدعم ما سألونا (في مجموعة في المشتل كانو بدقو في حرامية) - ١
وصلنا الستين و الريدي كانت الحافلات واقفة بتشحن و الناس ما كتار زي اول ايام ف حرفيا بحنسوك تركب، برضو البنزين سوق اسود راقد شديد الجالون من ٣٠ لحدي ٤٥ ما تشتري من اول زول تشوفو اتكلم مع كم زول كدا. احنا كنا أسرة سايقين عربية خاصة اول ارتكاز في الستين وقفنا مسافة يفتش العربية-٢
القدامنا كانو كلهم شباب طلب بطاقاتهم و فتش الطبلون مسافة و كدا، احنا لما جا دورنا عاين لينا كدا و قال امشو ساي. من سوبا و لقدام في ارتكازين واحد ما اشتغل بينا و التاني مباشرة قبل نقطة التفتيش (المحروقة تماما و كذلك قيادة اللواء اول مشاة) فتح الطبلون عاين ليه ساي و مررنا-٣
بعد تمرق من الخرطوم في ارتكازات دعم بين كل قرية و قرية من الكنينة و انت ماشي لحدي ابو درق كلهم بوقفو بطلبو بطاقة و بمررو ما بتمسكو الا واحد علي بداية جياد شكلو ما سوداني غايتو سألنا انتو مواطنين ولا عساكر؟ عندكم عساكر؟ اولادكم عساكر؟ (كان بعاين لاخواني الاتنين) طلب بطاقة بابا-٤
و فتش الطبلون بعداك قراها و قالينا بالسلامة..🤡 في خين انو الحافلة الداخلة الخرطوم في نفس الارتكاز نزلو الاولاد كلهم و فتشو شنطتها لدرجة رمو الهدوم في الأرض، تفتيش جادي و دقيق و كدا.
الطريق من هنا ما فيه شي الا المدرعات و الدبابات حقت الجيش المحرقة، العربيات دي مدمرة تماما- ٥
الطريق من هنا ما فيه شي الا المدرعات و الدبابات حقت الجيش المحرقة، العربيات دي مدمرة تماما- ٥
الشارع محروق و اسلاك الكهربا مقطعة و الشجر برضو جنب الطريق محروق خالص ف واضح انو الدعم انتهي منهم تماما في الحتة دي. الشي التاني في كل قرية نمر بيها الدعم حايم و واقف في صف العيش و الخضار و عايشين حياتهم بصورة درعة.
لحدي الحصاحيصا كدا ماف وجود دعامة جوة المدينة بس ارتاكازات.٦
لحدي الحصاحيصا كدا ماف وجود دعامة جوة المدينة بس ارتاكازات.٦
اول جياشي نشوفو من اول يوم كان في نقطة تفتيش مدني و دي تحديدا حتي البصات و الحافلات نزلو الشباب و فتشوهم نفس تفتيش الدعامة، الأسر و النسوان ما سالوهم.
عموما الطريق امان و هدوء و الأفضل تسافرو ك أسرة ما تكونو شباب براكم عشان ما يجرو بيكم زمن بس، تكوم واضح و عندك اثبات شخصية و-٧
عموما الطريق امان و هدوء و الأفضل تسافرو ك أسرة ما تكونو شباب براكم عشان ما يجرو بيكم زمن بس، تكوم واضح و عندك اثبات شخصية و-٧
و ما تخلوهم يستفزوكم لانو شوفة عيني بلزو الاولاد و بنزلوهم من البص و كدا. كذلك الطريق مليان افران و كفتريات فاتحة و بناشر و حتي احنا العربية اتعطلت بينا اخدنا ساعة في الحصاحيصا مسافة تتصلح برضو كل شي فاتح و المكانيكية و بتاعين الاسبيرات و كلو شغال.
اتوكلو و سافرو ماف عوجة 💯٨
اتوكلو و سافرو ماف عوجة 💯٨
برضو يعني بيني و بينكم من تطلع من الخرطوم الناس منفصلة عن الواقع انفصال تام و ما مقدرين سوء الوضع جوة كيف ولا حتي عارفين حاصل شنو. اما ناس مدني ديل ف للان كلهم كانو فاكرين الجيش مسيطر🤡 و انصدمو بكلامنا عدييل انو الدعم محتل الخرطوم زط
جاري تحميل الاقتراحات...