رتبها

سؤال وجواب ونقاش مفتوح
امبارح حصل موقف فى ساحة الانتظار المقابلة للعقار اللى انا ساكن فيه... لقيت اتنين شباب بينضفوا الساحة وبيكسروا بعض شجر الحديقة المحيطة بالساحة..!
نزلت بسرعة وعنفتهم وقلتلهم متمدوش اديكم على الشجر...
1/13

دا شجر معمر واحنا فى حاجة لكل شجرة مزروعة .. ووضحت اننا مهتمين بالشجر وبيتم رية من قبل الهيئة العامة لتجميل القاهرة وكمان احنا بنعتنى بية وبنسمدة.. وقلتلهم دا حتى الرئيس اطلق مبادرة 100 مليون شجرة وفى شجر من هذة المباردة اتزرع فى هذة الحديقة... وجرى النقاش كالتالى:-
2/13

الشابين: لا ما اللى اخد الساحة واجرها بيتكلم ان الشجر دا كلة هيتشال!!!
أنا: لو حد مد ايدة على الشجر السكان كلها هتنزل وتقف وتتظاهر ضد ازالة اى شجرة... (طبعا دا شجر معمر وشجر جديد من المبادرة الرئاسية!!)
3/13

الشابين: يعنى الناس سكتت لما الاسعار ولعت وهينزلوا يعملوا مظاهرة علشان الشجر والزرع؟
انا: ايوا طبعا.. الاسعار دى ظروف عالمية بتمر بيها كل الدول لكن ازالة الاشجار وتصحير المناطق السكانية المزدحمة بالمواطنين من الاشجار بغرض مشروع تجارى دا غلط ودا فى ادينا وايد الدولة توقفة،
4/13

وتغيرة ومحدش هيسمح بية ابدا! وذكرت بعض النسب الخاصة بانتاج هذة الاشجار من الاكسجين وقد اية دا مهم لمنطقة مزدحمة زى اللى احنا عايشيين فيها وخاصة ان معظمها مواطنين متقدمين فى العمر! ودى اخر مجموعة من الاشجار متبقية فى الحديقة بعدا ازالة عشرات الاشجار من سنتين تقريبا!!!
5/13

الشابين: لا الاسعار ذادت بس فى مصر، واحنا اللى حالنا وحش لكن كل الدول الباقية كويسة... وطبعا مهمهمش موضوع الشجر!! انا: انتوا عندكوا كام سنة؟ الشابين: واحد قال 19 والثانى 22
انا: ابتسمت وقلتيلهم انتوا فى عمر ابنى هو بردوا 22 سنة
6/13

وهنا بدأ حوار استمر لاكثر من ساعة ونصف على الاقل بكلمهم عن مصر والتغيرات اللى حصلت بس للاسف كان فى مقاومة شديدة لانهم مش عارفين اى حاجة من اللى بتحصل فى مصر على الاطلاق... اكنهم عايشين فى بلد تانية... لكن فى الاخر نجحت انى اعرفهم كمية مشاريع ضخمة حتى فى محافظاتهم فى الصعيد،
7/13

ومبقوش مصدقين لكن اقتنعوا الى حد كبير جدا!! ومن ضمن الكلام ايضا مشاريع معالجة المياة والاستصلاح الزراعى وتحلية المياة ومقارنات بين الماضى والحاضر وحتى مناقشات حول سد النهضة ومستقبل مصر ... كل حاجة اتكلمنا فيها وبصراحة كانوا مش مضايقين بالعكس شكرونى فى الآخر
8/13

وكل ما كنت بقولهم كفاية بقا صدعتكوا .. كانوا بيقوللى لا كمل حضرتك عاوزين نعرف!! وسبتهم وهما بيكلموا بعض وبيتناقشوا فى اللى انا قلتة... واديتهم مصادر يدخلوا عليها من موبيلاتهم ويقرأوا عن المشاريع لو يحبوا.... وأتمنى يعملوا كدا وان كنت اشك!!!
9/13

وهنا افتكرت توجيهات الرئيس للقوات المسلحة واللى اطلقوا حملة "شوف بنفسك" وبياخدوا طلاب الجامعات يتفرجوا على مشاريع مصر العظيمة... ودا رائع طبعا... لكن!
السؤال؟
طب مين هيوصل للشباب اللى مش فى الجامعات وبيشتغلوا باليومية؟!!
10/13

الشباب وانا بكلمهم مش شايفين ولا عارفين اى حاجة من اللى بيحصل فى مصر ولامدركين كمية الاصلاح والتطوير ... هما كل همهم لقمة العيش وبس... ودا طبعا حقهم ...
لكن احنا لازم نوصلهم المعلومة لان دول اعداد مهولة من الشباب اللى لازم يعرفوا ويتعلموا مصر عملت اية وبتعمل اية...
11/13

طب هنوصلهم ازاى وفين وامتى وبأى طريقة؟؟ مع العلم ان الشباب اللى اتكلمت معاهم مبيتفرجوش على تليفزيون، لكن على موبايلتهم فقط طول النهار وكمان وهما شغالين مابيسمعوش غير اغانى المهرجانات...!!!
12/13

طب هنعمل اية؟!!!
هل لازم يكون فى منصات رقمية بتقدم اعمال درامية موجهة لهؤلاء الشباب؟ يمكن!!! افكار كتير لابد من طرحها لتغير الحالة الفكرية الخاطئة لهذة الشريحة من شباب مصر قبل مايكبروا على هذة الافكار المغلوطة!!
13/13

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد