طيب بسسسم الله الرحمن الرحيم النحكي ليكم رحلتنا الى اديس ابابا كانت عامله كيف رحله اخدت مننا تقريباً 10 ايام الثريد ما تراڤل قايد انا بس داير اصيح شويه
اول شي اتحركنا من الشارع المينا البري لمدني باص سياحي مكيف نص كم التذكرة الزمن داك النفر بثلاثين الف جنيه الرحله ما كانت سيئه شديد بالنسبه لي لكن كانت منهكه نوعاً ما
من هناك قررنا نتحرك طوالي القصارف وفعلا حجزنا مقاعد في حافله وبدت الحافله تتحرك... في الاثناء دي ابوي اغمى عليه وللحظه اتخيلنا اننا فقدناه خصوصاً اني اول مره اشوف زول مغمى عليه خليك من زول قريب لي في الحاله دي
برعاية ربنا سبحانه كان على بعد دقيقه مشي من البص مستشفى ود مدني العسكري او اظن اسمه كدا انا كا متذكر بالضبط، قدرنا اسعفنا ابوي للمستشفى و اتضح انه ضغطه انخفض شديد بسبب الحر والانهاك
قعدنا كم ساعه في المستشفى لحد ما ابوي صحصح وطلعنا على بيت قرايبنا.
في مدني انا عشت كم يوم صعبين الصراحه عدم الكهرباء والمويه كان متعب شديد وكنت قلقان على ابوي خصوصاً بسبب الحر
في مدني انا عشت كم يوم صعبين الصراحه عدم الكهرباء والمويه كان متعب شديد وكنت قلقان على ابوي خصوصاً بسبب الحر
كانت الخطه انو نقعد يومين بالكتير لحد ما نتطمن على ابوي. لكن في نفس الوقت كانت بتجينا اخبار انو المعبر في اثيوبيا قفل وبطلوا يدخلوا السودانيين و إشاعه حقت انو بودوا السودانيين معسكرات لاجئين وبتاع دي اثرت علينا كتير.
ما كنت بقدر اجازف واطلع المعبر ساي ما بقدر اتكلف قروش وانهاك لي ولاهلي. ما اتحركنا الا لما اتأكدنا انو في ناس اتحركت و قدرت تخش.
وفعلاً سمعنا انو في ناس خشت وإتحركنا على القضارف بحيث نواصل رحلتنا
وفعلاً سمعنا انو في ناس خشت وإتحركنا على القضارف بحيث نواصل رحلتنا
وصلنا القضارف والرحله كانت ممتازه الباص مكيف كويس وكل شي مريح، في القضارف اثناء ما بنعمل الخروج من مكتب الجوازات قالوا لينا ما بنقدر نخش الا يكون عندنا فيزا لدوله تانيه غير اثيوبيا وكدا خشينا في دوامه تانيه
قعدنا في القصارف او الاصح في قريه قريبه من القضارف اسمها ام شجره عند قرايب معارفنا و قدر ما احكي عن كرم ولطافة الناس ديل انا ما ممكن اوفيهم حقهم حقيقي نسوني انا كنت جيت هناك ليه.
في الاثناء دي كنا بنحاول نعمل ڤيزا للامارات بحيث نقدر ندخل اثيوبيا وجزء من جوازاتنا اتأخر كم يوم.
في الاثناء دي كنا بنحاول نعمل ڤيزا للامارات بحيث نقدر ندخل اثيوبيا وجزء من جوازاتنا اتأخر كم يوم.
بعد جهد جهيد طلعت لينا الڤيز كلنا واتحركنا مباشرتاً على القلابات طريق القضارف للقلابات في البدايه كان جيد الى حد ما لحد ما وصلنا دوكه من بعد دوكه الطريق كان سيئ وخطير جداً الرحله كانت صعبه وكنا راكبين كريز فلك ان تتخيل
وصلنا القلابات في وقت مناسب بحيث نخلص الاجراء المفروض يتعمل في الجزء السوداني من الحدود والجزء الاثيوبي من الحدود وفعلاً دا الحصل، كنا متخوفين انو نبيت في الحدود لانو البيتان صعب جدا. الناس بتبيت في الشارع حرفياً.
للاسف مع اننا خلصنا الاجراء في زمن كويس استهلكنا زمن طويل في حجز عربيه تودينا لقوندر ،طبعا سماسره ومستهبلين ما يدوك الدرب من مستهبلين المويه والعصير شرايح الاتصالات لحدي مستهبلين البصات كلهم بحاولوا ينهشوا لحمك.
اتأخرنا.. واضطرينا نبيت في الحدود.
اتأخرنا.. واضطرينا نبيت في الحدود.
كنا محظوظين بشكل ما لقينا واحد من قرايب الناس القعدنا معاهم في ام شجره وقدر يوفر لينا راكوبه متواضعه نبيت فيها بدل الشارع. مع ذلك كانت ليله صعبه... انا ما نمت تقريباً مع اي صوت انا كنت بصحى وفي راسي اسوأ السناريوهات.
اليوم التاني الصباح اتوفقنا في حجز عربيه وطلعنا على قندور، رحله جميله جداً لكن مقلقه نوعاً خصوصا مع وجود المرافقه العسكريه البتطلع مع العربات.
نسيت اذكر انو ما بخلوا العربات تتحرك بعد الساعه 3 من الحدود عشان كدا الناس بتضطر تبيت.
نسيت اذكر انو ما بخلوا العربات تتحرك بعد الساعه 3 من الحدود عشان كدا الناس بتضطر تبيت.
وصلنا قوندر وحجزنا فندق بسيط واستحميت ونمت في فرش مريح وفوقي سقف...حاجات ما كنت حاسس بوجودها الا فقدتها...الحمدلله.
صباح اليوم البعده صحينا هلى اصوات كواريك وجوطه في الشارع طلعت البلكونه اشوف الحاصل لقيت المنظر دا :
الشوارع قافله ومترسه... الجيش منتشر... المحلات مقفله....إدارة الفندق ما قادرين يفيدونا بحاجه. اتحبسنا تاني ؟؟؟ حنقدر نطلع ؟؟؟
اتنين شباب اثيوبين نصحونا نطلع مشي بمرافقتهم ودي كانت مخاطره لحد اللحظه دي انا ما عارف ابوي اقتنع بيها كيف لكن بشكل ما طلعنا ومشيتا حاجه حقت 5 كيلومتر ومعانا شنطنا لحدي ما لقينا رقشات اجرناها واتحركنا المطار.
في الطريق لاقتنا حته كدا زي النفق ومن فوق في الاطراف ناس كممميه...
في الطريق لاقتنا حته كدا زي النفق ومن فوق في الاطراف ناس كممميه...
بس من ما جينا مارين بيهم احنا اتفلقنا بكممممييه من الطوب والحجار انا ما عارف جلينا منها كيف بحماية الله مافي حاجه جات فينا وقدرنا نصل المطار.
وصلنا مطار قندر اكتشفنا انو رحلتنا اتلغت لكن لقينا ف مقاعد في الرحله المفترض تتحرك بعد عشره دقايق من وصولنا المطار و الحمدلله ركبنا ووصلنا اديس.
في مطار اديس الموظفين اتعاملوا معنا بشكل سيئ....
في مطار اديس الموظفين اتعاملوا معنا بشكل سيئ....
اول شي حابسيننا في البص البوديك للصالات ما يقارب النص ساعه وقافلين الابواب لما الناس اتضايقت وقاموا يضريوا ابواب البص عشان يفتحوا لينا نتنفس البص كان ملينا على اخره...
بعدين فرزوا الناس الجات من الحدود عن طريق قوندر وودونا صاله مختلفه وبعد نص ساعه تانيه تاني ركبونا بص على اساس يودونا صاله تانيه.. هنا الناس بدت تتوتر و تجوط وتكورك خفنا يرجعونا او يحمونا نخش البلد. الظاهر هم نفسهم ما عارفين يتصرفوا فينا كيف..
بعدها ودونا استلمنا عفشنا ولطعونا ساعه تانيه بعداك ساقوا الناس العندهم تذاكر لحتات تانيه و خلوا باقي الناس تتخارج.
دي كانت اصعب رحله امر بيها في حياتي مع هروبنا من صنعاء ما كان بالصعوبه دي لكن الحمدلله في النهايه اتسهلت.
ربنا يعدي الكابوس دا على خير ونقدر نرجع ونلم في اهلنا واصحبانا وحبايبنا.
ربنا يعدي الكابوس دا على خير ونقدر نرجع ونلم في اهلنا واصحبانا وحبايبنا.
جاري تحميل الاقتراحات...