لا حول ولا قوة الا بالله ربنا يرحمه ويغفر ليه، الزول دا اول يوم في الضربة بيتنا كان حرفياً جزء من ارض المعركة بين الدعامة وسلاح الاشارة نحن تلبنا عند جيرانا الورا، بعد م الجيش سيطر على المكان كنت عايز ارجع البيت اشيل حاجاتنا امي اشتبكت معاي قدام باب جيرانا قام النقيب دا شافنا

جا قال ليها ماف شي خلاص يا امي الناس ديل انتهوا انا بسوقه ليك من يده بنجيب الحاجات العايزها كلها وبجي بسلمك ليو في يدك وفعلاً مشينا لقينا العربات مكسرة وفك لي بطارية ادور بيها عربية ودخل معاي عفش كان برة وانتظرني لغاية م شلت حاجاتي المحتاج ليها كلها وطلعنا وفي السكة كان

بطمن فيني انو المكان دا خلاص تاني ما ح يفكروا يجوهو ان شاء الله، معرفتي بيو والكلام دا كله اخد اقل من ساعة لكن والله من شدة الطيبة الفي الانسان دا انا شايل همه من اليوم داك حرفياً الشهادة ما بتختار اي زول، اللهم ارحم الشهيد هاني وصبر أهله

اللهم تقبله شهيداً في جناتك واعفُ عنه وأحسن عزاء أهله، اللهم اجعل قبره روضة من رياض الجنة اللهم أنر قبره بنورك ووسع له وأسكنه الفردوس، اللهم ارحم شهداءنا جميعًا الذين قدموا إليك وحلّوا ضيوفًا بجوارك تاركين الأهل والمال والولد مدافعين عن الحق