وعن علامات انه اسرتك مسيئة نفسيا وكيف ( تسند نفسك وتنقذها) ساتحدث: اول شي كلنا بشر وفكرة التقديس والمبالغة وهم ،ثانيا الاساءة موجودة في كل الاسربس بدرجة متفاوتة من الشدة والنوعية لاسباب كثير ومو كلها مقصودة واللي حتكلم عنه هي اللي تعد نمط يومي يعني ( البيت شغال ٢٤ ساعة بالشكل ذا)
١- يقارنوك بغيرك طوال الوقت اما باخوانك واخواتك او بعيال الخال والخالة او الاعمام او الجيران ( او اي احد امر في الشارع)
٢- رايك مو مسموع واحيانا مو مسموح ودائما الرد على كلامك ( انت غبي. ماتفهم شي، فاشل، او التريقة على كلامك والتصغير منك )
٤-مافي مدح ، ولا مشاركة في مناسباتك السعيدة او تنقلب لخناق او عتب او لوم المهم ( اكشن يحصل في كل مناسبة انت مبسوط فيها )
٥- يمنّوا عليك ( انا اعطيتك وجبت وسويت وقدمت واستحملت عشانكم ووووو) المهم انك ٧٠٪ من يومك في حالة ( المنّ) هذه
٦- البخل ، والبخل ماله علاقة بالفقر والغنى البخل في المشاعر وفي المصروف او المساندة المعنوية حتى الحضن !
٧- لما تبدا تتكلم عن طموحك وانجازك يااما ولا شخص يسمع او تتم مقاطعتك ويتكلموا عن انجازاتهم هما .
٨- الكلام الوحيد اللي يدور اما انتقاد، او اوامر ، او وعظ ، مو كلام عنك او حوار رايح جاي عن اللي تفكر فيه وتحسه ( او كلام كله خذ وهات وافعل كذا )
٩- استخدام الدين ( ربنا حيحرقك عشان انت ماسويت لي كذا ، ماحتتوفق لانك ماتسمع اللي اقوله ( ملحوظة: الطلبات غير منطقية وفوق طاقتك زي تاخذ قرض، او تتزوج بحسب الاختيار، او او )
١٠- التقليل منك او التريقة او اشاعة اسرارك امام الاخرين ، او مشاركتهم التنمر عليك )
١١- الخداع والكذب والاستغلال المادي ( ماحنعرف نجملها) طيب والحل ؟
اولا تعرف انه مهما كان التاثير لمايحمل العلاج وارادتك حيكسروا حلقة التكرار المتوارثة المرضية( انك تكرر نفس نمط التعامل مع نفسك وعيلتك الجديدة)
ثانيا مافي ابوه ولا امومة ( مثالية) لكن في الام والاب ( الجيد بقدر كافي) وفي اللي تعاملهم ( طالع نازل بين مرة ولطيفين ومرة قساة لحدّ كبير) وهم ( الاباء والامهات الحدّيين او النرجسيين الشخصية)
ثالثًا: الماضي ما يرجع لكن اللي بيدنا تغيير تاثير الماضي على الحاضر ، انك تفهم اللي حصل ، لعب دوره كيف في علاقاتك وشغلك وعلاقتك بنفسك واي جانب ( اتضرب ) في حياتك ( بما فيهم اضطرابات الاكل والاضطرابات الجنسية النفسية وكمان الانحرافات)
رابعًا: التحرر من سطوة الماضي النفسية على حياتك الان هو برأيي ( المنفذ لعلاج نفسي حقيقي وتغييرلبناء الشخصية ، انك تشوف اللي حصل معاك طالع فين يمنحك حرية اختيار انك تكمّل اي ماانت او تغيّر وطبعا ماحتعرف ترجع لمرضيّة الاعراض بعد ماتشوفها)جت من فين وتشتغل كيف.خلاص ( الرصاصة انضربت )
جاري تحميل الاقتراحات...