الصدق و اي حاجة في الحياة زي البذرة ، لازم تعدي بالمراحل.. ايام هتسقيها ايام هيكون فيه جفاف الخ... المهم تفضل مستمر و مع الوقت هتكون شجرة قوية بجذور قوية..
لكن كل ما تكره او تكدب ع نفسك و تروح تهجرها و تشوفها منافقة !! انت كدا ظالم
افتكر انها "رعاية و استمرار"

النهارده كدبت ع نفسك.. مافيش مشكلة اصدق في اللحظة اللي بعدها
صدقت نص نص مافيش مشكلة
اصدق في اللي بعدها
تعبت
يأست بكيت سخطت جحدت
مافيش مشكلة استجمع نفسك و ارجع توب و ارجع اشكر
و ارجع تاني تؤمن بالصدق بالحياة بربنا
و تثق
و تفهم انه تدريب الروح زيه زي تدريب عضلات جسمك

ليه الصدق بالذات ؟ ليه ماخترتش حياة غني او قوية او جميلة او سعيدة
ليه صادقة ؟
لان الصدق اساس كل حاجة في الكون
و لانه لا يتطلب منك تكون صح او غلط / وحش او حلو
لو انت متراخي ف"حلو" تكون صادق و تقول لنفسك انا متراخي و انا مختار كدا و عاجبني كدا و مريحني كدا و مبسوط كدا

لانه هتكتشف انك بتكدب ع نفسك كتير بحجة انك الشخصية الناجحة في نظر المجتمع بس الظروف موقفاها
طب و لييييه ؟؟
لو التراخي مريحك :) لو انت مبسوط .. طالما ما انتش عالة ع حد و لا كائن طفيلي
"سمي الحاجة باسمها" ،دا الصدق اللي بتكلم عنه
مش اللي علموه ليك ..انك لازم تكون مثالي و و الخ

دا الصدق اللي عاوزاه منك
انت الوحيد اللي ليه حق يحط قوانين لحياته.
- صدق نفسك - تصدق - صدقك ينجيك
من فتن العالم و من فتن عقلك و من وهم الحزن و من وهم الاضطرار
تبقى قادر - السيطرة بتيجي من سيطرتك ع نفسك انت و ليس الخارج