أكثر جملة بقيت بسمعها "أنا فقدت الشغف ومش هكمل!"
مش لازم يكون عندك شغف علشان تكمل أصلاً!
فيه أمور لازم تستمر فيها حتى لو ملكش نفس تكملها
مش قادر أقوم أصلي=لازم تقوم تصلي مش بمزاجك!
مش قادر أذاكر=لازم تذاكر
مليش نفس أتعلم علم شرعي فقدت الشغف = هو مش أكل علشان نفسك اللي تتحكم فيك!

متكونش بتتبع هواك ومزاجك (نفسيتي قابلة هذاكر وهحفظ قرآن مش قابلة مش هكمل أنا)
خالف هواك تسلم، متتبعش نفسك في كل حاجة وتستسلم لها هتضيعك
مهما كان اللي بتمر بيه متوقفش
(الإنسان متقلب بطبعه، مش لازم الشغف والحماس ييجي في الأول لأنه هييجي نتيجة الإنجاز وأنك عملت شيء فتتحفز تعمل غيره

إمتى هتتعلم المجاهدة، لما كل ما نفسك تقولك بلاش كذا تقولها سمعًا وطاعة وتريّح؟
(النعيم لا يدرك بالنعيم)
متوقفش بحجة أنك ملكش نفس!
الفراغ هيقتل كل حاجة جواك،
ذنوب وفشل وخطط مبتورة وتعب نفسي وإلخ.

كمل ولو بحاجة بسيطة ( مرة عايز ومرة مش عايز، لأن المشاعر بتطلع وتنزل اللي بيفرق هنا هو الاستمرارية في المعايشة وفهم النفس ومخالفتها )
كمل علشان تلاقي إجابة لسؤال عن عمرك فيما أفنيت؟"))