الجملة اللي بتقول
أي علاقة بتتقاس بحاجة واحدة بس ؛ وقت شدتي ، انت كنت فين !
لا خالص مش ده المقياس الوحيد اللي أي علاقة بتتقاس بيه !
غيابك وقت شدتي مش آخر الدنيا ومش جريمة إرتكبتها في حقي ، وانت مش مُدان في عيني ولا غبار عليك لما تغيب وقت شدتي ولما تغيب حتي في أي وقت !

ده مش سبب يلغي العلاقة ولا حاجة ؛ لان باختصار في حاجه في الدين احنا مأمورين بيها ((التمس لأخيك سبعين عذر))
لما تغيب وقت شدتي هلتمسلك العذر ؛ لاني وقتها مش عارف ظروفك فيها اي ولا اي ال حصلك علشان تغيب بس واثق انك مش هيبقي ف ايدك تكون جنبي وغبت !

لما تغيب وقت شدتي هكون متفهم لظروفك وحالتك النفسية !
لما تغيب وقت شدتي هحترم مساحتك الشخصية اللي ممكن تكون محتاجها بسبب طاقتك المستنزفة وعدم مقدرتك علي التواجد ؛ لان في ناس كتير معندهاش المقدره تتواجد وقت الحزن ، وبيكون غصب عنها نفسيًا مش قادره تتحمل وده شوفته كتير !

لما تغيب وقت شدتي مش هسم بدنك وأحسسك بذنب وتأنيب ضمير !
باختصار مش هضيع سنين العمر علشان موقف
لما تغيب وقت شدتي مش هلعب دور الضحية وأحط علي عاتقك عبء إنك المنقذ ومسئوليتك تنتشلني وتنجدني !

عندنا ليكوا رصيد محبة ومحبتنا ليكوا بتحرركوا مش بتربطكوا !
الصحاب سند مش عبء والحياه مش مستاهله نعيشها وقلوبنا شايلة اول ب اول !
ف نحسن الظن ي جماعه علشان منقومش في يوم نلاقي قلوبنا اسودت من كتر اللي فيها !♥️