هجمات روسيا المرة دي استمرت قرابة ٦ ساعات، ضربت فيها بصواريخ كروز ، برا و بحرا، في رد فعل عنيف جدا علي ضرب القرم، نوعية الهجوم دي مبتحصلش الا لما بيتم ضرب القرم، في رسالة تحذير أن القرم اهم من موسكو، الرسالة زي ما فيها تحذير شديد زي ما بتوضح مدي الخوف الروسي من سقوط القرم

الغرب عارف يستفز الروس امتي يخليهم يطلعوا اقوي ما عندهم و عارف يبرد الوضع امتى و عارف يوتر الروس امتي ، و عارف يخلي المعارك في مكان محدود و لفترة محدودة زي ما بيعمل في باخموت ، الوضع اتغير عن بداية الغزو ، روسيا مبقتش تبادر بهجوم جديد من فترة طويلة الا لما بيتم استفزازها

انا اسف أن الكلام ده ممكن يجرح البوتنيون العرب و السلاف العرب ، بس تطور المعارك علي الارض من اول يوم ٢٤ فبراير ٢٠٢٢ لحد النهاردة يقول كدة ، و محدش يقول روسيا حققت هدفها باحتلال المناطق اللي هي عوزاها لأن هدف روسيا مكنش معلن كدة ، إنما كان معلن عنه احتلال اوكرانيا بالكامل

و منعها من دخول الناتو و تغيير الحكومة بحكومة موالية للروس و ده متحققش منه ١٠٪ كهدف رئيسي للغزو ، اه في اول الحرب حققوا مكاسب مهمة ، لكن حاليا في موقف رد الفعل من فترة طويلة ، و مش معلوم المعادلة يحصل فيها ايه قريب و تتغير لصالح مين ، لكن لحد اللحظة الغرب مروض روسيا كويس